|
الهلال والرائد في ملعب بريده وصف كامل وواضح للملعب ... بسم الله الرحمن الرحيم السلام عليكم ورحمه الله وبركاته الحمد لله رب العالمين والصلاه والسلام على اشرف الانبياء والمرسلين مساء / صباح الخير لجميع الاخوه الكرام يوم الاثنين القادم الموافق 12 / 3 /2012 الساعه 20:25 مساءا على استاذ مدينه الملك عبدالله بن عبدالعزيز الرياضيه يتقابل الزعيم بالرائد على القناة الرياضيه السعوديه الاولى وان شالله النتيجه من مصلحه الزعيم بعطيكم وصف لـ للملعب المقامه عليه المباراه في مدينه بريده ويقوع في حي الاسكان على طريق علي بن ابي طالب مقابل مبنيى الاتصالات من الجهه الشماليه والجهه الغربيه من مبنى المحكمه الجديد وموقع الملعب قريب من مداخل مدينه بريده الثلاثه الاساسيه. للقادمين من مدينه حائل والمدن والقرى القريبه منها يسلك طريق الملك عبدالعزيز اللي هو مدخل بريده الممتد من حائل والجهه الشماليه يتجهه باتجاه الجنوب ثالث اشاره من دخل بريده المسماه تقاطع علي بن ابي طالب مع الملك عبدالعزيز ياخذ يسار باتجاه الشرق تقريبا يتجاوز اول دوار وبعده اشاره عن العثيم مول يتجازها وبعده داور اللي عند الغرفه التجاريه يتجاوزه يلاحظ الملعب على اليسار ... للقادمين من الرياض والمجمعه والغاط واللي على طريق الرياض القصيم بعد ما يدخل بريده على السريع يجي اول مدخل يمين يتجه باتجاه الشمال يكون الان على الدائري الشرقي لبريده يمشي تقريبا 15 _ 20 كيلو لحد ما تكون هايبر بنده على يده اليمين يجوار كبري الراشديات اللي هو تقاطع طريق عمر بن الخطاب مع الدائري الشمالي ياخذ يسار مع تحت الكبري باتجاه الجنوب يمشي اول اشاره ( ثلاثيه ) يتعداه يجي دوار يتعداه وبعدين اشاره وبعد اشاره اخرى وبعدين يجي دوار ياخذ يسار باتجاه الشرق يمشي تجي اشاره بجوار العثيم يتعداه وبعده دوار عند الغرفه التجاريه يتعداه وبعدين يلاحظ الملعب يسار للقادمين من المدينه المنوره والمدن اللي بجوارها طبعا راح يكون على طريق المدينه القصيم السريع تجي لوحه اللي هوا مدخل لبريده من عند مجمع الكباري ياخذ يسار من تحت الكبري يتجه باتجاه الشمال يكون الان على الدائري الغربي يمشي تقريبا من 17 - 22 كيلو حتى يجيه كبري بجوار قصر الرصافه للافراح وهو تقاطع طريق عمر بن الخطاب مع الدائري الشمالي ياخذ ياخذ يمين يتجه باتجاه الجنوب اول اشاره ( ثلاثيه ) يتعداه وبعده دوار يتعداه وبعده اشاره وبعده اشاره ثانيه وبعده دوار ياخذ يسار يتجه باتجاه الشرق يمشي يجيه اشاره يجوار العثيم مول وبعده دوار بجوار الغرفه التجاريه وبعده يلاحظ الملعب على اليسار طبعا المحافظات القريبه من بريده امثال عنيزه والرس والبكيريه والمذنب ورياض الخبراء ... الخ الملعب على نفس الوصف في الاعلي بس يشوف على اي طريق بيجي ويمشي بنفس الوصف . اي احد من الاعضاء عنده اي استفسار او الوصف غير واضح عنده انا مستعد لـ اي ملاحظه وبالاخير تقبلوا فائق احترامي وتقديري والسلام عليكم ورحمه الله وبركاته |
يعطيك العااافيه يسلمووو بكون اول الحاضرين << اي هين |
يعطيك الف عأآفيه وانا ان شاء الله بكون اول الحاضرين بجي من البكيريه |
~ يعطيك العافيه بيض الله وجهك .. :smilie47: :wub: |
الله يعطيك الف عافيه ,, الله يوفق الهلال إن شاء الله وحصوله ع الثلاث النقاط وعقبال الدوري إن شاء الله . |
شكرا شكرا لكم وعلى تفاعلكم بالتوفيق للزعيم |
يعطيك العافيه وإن شاء الله نشوف حضور يشرف |
يعطيك العآفيــه وآن شاء الله بكـون آول الحآضـرين ... |
يعطييييك العافيه ششرح مفصل ماشاء الله حافظ الطرق كلها :D مع ان بريييده تبعد عني 120 لللكن ان شاء الله ان ققدرت احضضر بكون اول الحاضرين :D مششششكووووور اخوي |
يعطيك الف عااافيه وان شاء الله نكووون من الحاظرين اهممم شيء الحظوووووووووور يا اهل بريده |
أخوي متأكده أن المباراه ع القناه الرياضيه الاولى |
مشكور وماقصرت على الوصف الدقيق |
المباراة منقولة على السعودية الثانية الرياضية فقط إن شاء الله . |
يعطيك الف عافية والله يوفق الزعيم |
لانسبه للقناة الرياضيه ااأولى انا جبت المعلومه من موقع كوره ولكم جزيل الشكر على التصحيح |
| الوقت المعتمد في المنتدى بتوقيت جرينتش +3.
الوقت الان » 03:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd