|
الله على زمن الهلال............. |
اذكر هدف الثنيان في الاستقلال اليراني في نهائي اول بطوله اسيويه كان فاول قريب من الركنية |
إقتباس:
|
زمان يا فن اتذكر لاعبين الفريق الاحتياط ينافسون الاساسيين لدرجة ان المدرب يحتار بالتشكيله !! كان هيبة ملك مو الحين فريدي و زوري ومرشدي الله يالدنيا :( |
إقتباس:
بس شفت صورتك وتوقيعك وغسلت يدي منك :yes: |
الفيلسوف ليتك راد علي ابي اسمع توجيهاتك وبالنسبه للتوقيعي انا حر بالي احط ويالغالي مو انت تحكمني على توقيع معين وياصاحب الموضوع انت يمكن انك اكبر مني لكن انا بس ادخل المنتدى ولا ألقى فيه اي مواضيع مفيده لا للفريق ولا للاعبين ووجدت موضوعك الشاطح وحبيت اضع وجهة نظري سوى تقبلتوها ولا ماتقبلتوها والله يوفق الزعيم |
شكرا لك بصراحة قرات الموضوع اكثر من مرة و اعجبني ردود الاعضاء لان فيه عودة للزمن الجميل و اللي تابع الهلال من سنوات يشاهد الفرق فمن سنوات طويلة حظرت و بعد انقطاع سنوات حظرت قبل شهر وجدت فارق كبير في حظور ايام زمان عن الان و الاعبين و الكثير و بصراحة بعد ما شفت اخواننا المخضرمين حبيت اطرح فكرة و هي ان يتم موضوع يجمعنا مع بعض بتكون مميزة لنا جميعا عندي سؤال حاب اتاكد منه كم مرة سجل الثنيان من هاتريك و كم عدد اهدافه ؟؟؟ اللي اعرفه من اربعة الى خمسة مع الوحدة مرتين و فريق اجنبي و الكوكب و الشباب و و و اهدافه تفوق 200 هدف |
اعتقد أن من عايش فترة التسعينات الهجرية لا يمكن ان ينسى هدف الكابتن فهد الحبشي في مرمى مبروك التركي على فكرة الهدف كان كوبري بيم أقدام التركي واتذكر لاعب برز بسرعة الصاروخ من جيل المرحوم خالد الغانم واللاعب هو فريد الرشيد ولكن للأسف أنتهى سريعًا ولم يكمل مشواره مع الفريق كان لاعب جناح يمتاز بالسرعة والمراوغة ومثل المنتخب السعودي للشباب أساسيًا وأيضًا من اللاعبين الذين برزوا في فترة الثمانينات الهجرية اللاعب منصور الرحمة وأنتهى بعد تعرضه لإصابة قوية ولا يمكن أن أنسى العبارة الشهيرة التي أطلقها الاستاذ محمد رمضان أثناء تعليقه على مباراة الهلال والاتحاد التي كسبها الهلال بخماسية مقابل ثلاثة أهداف ( الرحمة دوبو نازل لنج يا ترى حيكون رحمة على الهلاليين ) وفعلا فور نزوله سجل الهدف الخامس إن لم تخني ذاكرتي |
إقتباس:
وفريد الرشيد اتذكره كالحلم لعب فتره قصيره ولازلت اتذكر دكة الاحتياط في الهلال عندما كان بها النجم منصور الاحمد ولاعب اخر اسمه الحصيني ممكن هذا مل من الدكه وترك الفريق ومنصور واصل حتى اعتزل النعيمه ومسك الخانه |
بالنسبة لي أنا صغير في السن بس أذكر هدف سلطان بن نصيب في الشباب يوم علقت الكرة في الشباك وبعدها أصيب بشد عضلي وطلع خارج الملعب للإصابه ومادام الموضوع شيبان في شيبان بسألكم أنا أذكر هدف لنجيب الإمام لعبه مقصية ( دبل كيك ) عندما تم رفع ضربة ركنية للهلال هل هذه المباراة مع النصر أو فريق آخر بالنسبة لي أعتقد إنها مع النصر أبي تأكيدكم الله لايعيقكم 0 وأذكر هدف ريفلينيو ( ريفو ) من وسط الملعب بعد فاول لعبه ريفو بسرعه وقوة في الشباك النصراويه ولي قصه مع هذا الهدف طبعاً لي أخ نصراوي وهو أكبر مني في السن وكان دائماً بيننا حوارات لاتنتهي وكان دائماً ينكر أي منجز للهلال وبحكم إنه الكبير كان الحق دائماً معه المهم بعد هذا الهدف لريفو في النصر كتبت على جدار الغرفه في غفله من الوالد و أخوي هذه العبارة : ( من النص يا ريفو في النصر ) في زاوية من الغرفه ولم يلاحظ الجميع ما كتبت ومرت السنين وقمنا بتغيير طلاء الغرفه وفي يوم كان النقاش على أشده بيني وبين أخوي وعندما قلت لأخوي أن ريفلينيو سجل فيكم من منتصف الملعب أنكر أخوي وقال أتحداك وطبعاً إحنا في زمن لايوجد يوتيوب ولا حاسب آلي ولا حتى برامج تليفزيونيه إلا الفتره الرياضية يوم الخميس المهم التحدي وصل ذروته فما وجدت إلا إني أزيل الطلاء الجديد لغرفتنا لتظهر الجمله التي كتبتها في يوم مباراة النصر والهلال يوم سجل ريفو الهدف وظهرت الجملة وهي ( من النص يا ريفو في النصر ) عندها قال أخوي الله وأكبر عليك ما دريت إنك كاتبها على جدار الغرفه ومحتفظ فيها من سنين المهم بعد ذلك ذهب أخوي لأبوي وعلمه أني أزلت طلاء الغرفه الجديد وعلى إثر ذلك حصلت على علقه محترمه من الوالد الله يرحمه لكن كله يهون لأجل الهلال 0 |
إقتباس:
وبداية ظهور النجم سالم الدوسري ونجومية الشلهوب بتصير عندك سوالف كثيرهـ وعساهم مايقولون لك وش فايدة سوالفك يالشايب http://img181.imageshack.us/img181/3817/66389046.gif الله يطول بعمرك قل :- آمـيـن |
مما نتذكره اننا كنا نضع علم الهلال على مراية السياره الداخليه وسياراتنا تختلف عن سيارات هذا الوقت ....الان السيارات مااعرف اسمائهن من كثرهن اما وقتنا الاغلبيه معاه دتسن او هايلكس ولازلت اتذكر اول مازدا شفتها بحياتي ممكن موديل 72 اللي معاه ذاك الوقت مازدا سبيشل باب واحد هذا وين راسه وينافسها بقوه ال180 B.....................ثم ظهرت ال200 L وال240 L .>>>>>اشوف قلبتها سيارات لكن فقط ابغى اذكرجيلي لان ذلك يدعو الى الاسترجاع والتذكر.....وكان المطربين الذين يحيون الحفلات فهد بن سعيد وسلامه العبدالله الله يغفرلهم ويتجاوز عنهم ثم ظهر بداية الثمانينات الصريخ الله يغفرلنا ولهم ويتجاوز عن سيئاتنا من سماع تلك الاغاني |
صالح النعيمة & منصور الأحمد & البيشي & الحبشي & سعد المبارك & المصيبيح & صفوق التمياط & التخيفي ووووووو وفيه لاعب مظلوم جدا ماوجدت أحد يتكلم عنه أو يمدحه وهو اللاعب يوسف جازع ما أنسى هدف له صااااااااااروخ على النصر أول كنّا ساكنين بقرية من قرايا حايل مافيها القناة الثانية والشوط الثاني ينقلون المباراة عليها عشان الأخبار !!! والله إني أنام وأنا منقهر وانتظر متى تجي الأخبار عشان تشوف لقطات المباراة !!! الله يعطيك العافية ياصاحب الموضوع ذكريات جميلة |
السلام عليكم ورحمة الله وبركاته الموضوع جميل وكل ما لاحظت زيادة الردود قراته مره اخرى لي ملاحظه وهي ان صاحب الموضوع لا يعلق كثيرا على بعض مشاركات الاعضاء ، ومنهم انا حيث شاركت مرتين وهذه الثالثه اتذكر لما اشرك النصر لاعبه صالح المطلق في مباراة ضد الهلال وكان اسمه لازال في كشوفات نادي مارد بالاسياح وقد احتج الزعماء على ذلك الا انهم لم يحصلو على شيئ كدليل لتغلغل اللوبي الاصفر في مفاصل الرياضه منذ تلك الازمنه . اتذكر لما سجل يوسف جازع هدفا خرافيا من نصف الملعب في مرمى النصر وحارسهم اعتقد انه مضحي الدوسري فعلق عبدالرحمن بن سعود الله يرحم موتانا وموتى المسلمين قائلا للحارس : جازع شات الكوره من الثمامه وتدخل في مرماك ؟؟؟ تحياتي للجميع |
الله يوفق الجميع كباراً وصغاراً لما يحبه الله ويرضاه كان لدينا عدد كبير من النجوم منهم من لم يستمر كثيراً ومنهم من أخذته الدراسة عن مواصلة الركض لم تذكر اسمائهم مثل المهندس عبدالله الصغير والدكتور عبد الرحمن القحطاني والحريف عادل عبد الرحيم وعملاق الدفاع فهد الغانم وغيرهم |
| الوقت المعتمد في المنتدى بتوقيت جرينتش +3.
الوقت الان » 01:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd