|
ايوووووووووووووه هذا الموضوع اللي خوووش ذبحونا هالمراهقين بالمنتدى انا اللي مغصني التحليل والانتقاااد |
ههههههههههههه والله احس الجيل الحالي بـ يدخلون ويقلون ( ياعم تذكر) والله تعليقات جميله وطول الوقت جالس اضحك الله يحفظكم ان شاء الله وجميع المسلمين الحقيقه اذكر مباراة الهلال والاهلي عندما احتك امين دابو في ابراهيم العبود وكان امين دابو مطول اللحيه وقتها النعيمه قام بـ امساك امين دابو مع شعر ذقنه يمنة ويسرا في مشهد لم انساه على الرغم من ضعف الذاكرة عندي وياليت احد يذكر لاعب اتى مع الثنيان لا اذكر اسمه الاول( العسيري) لاعب فنان لم يستمر كثيرا تذكرونه ولايتهيئلي يالبى قلوبكم والله وموضوع رائع تشكر عليه |
ياه والله أمنيتي اني اشوفكم مجتمعين ونبدأ نسرد الذكريات ونضحك مما أتذكره ان الكابتن عبدالله الدعيع اللي صدم شجره بالبرههههههه بحائل .....في كأس اسيا على لسان الدعيع يقول النعيمه يصارخ علي باحدى المباريات قلت له والله ان ماسكتت لادخل الكره بالمرمى قال لاخلاص مااقول شئ .....عصبي ابوفهد وحماسي مره مما اتذكره المرحوم بمشيئة الله عبدالرخمن بن سعود قال له صحفي صالح النعيمه كابتن المملكه والعرب قال الاميرعبدالرحمن لا وكابتن المسلمين بعد ذكر أحد الاخوان بطولة الخليج التي اقيمت في الرياض وفزنا بالنهائي بهدف سعد مبارك كانت عام 1985وليس 88 للتصحيح تلك البطوله الخليجيه كانت اقوى من البطولات الاسيويه لقوة الفرق الخليجيه في ذلك الوقت |
إقتباس:
اما مباريات المنقوله اذاعيا كنا ناخذ الرادو وندور مكان مرتفع لنستمع للمباريات خاصة المقامه في الدمام بصوت جمال الليل مما اتذكره من لاعبي الاتفاق في ذلك الوقت الحراسه مقراف الدفاع عيسى عبدالله والبقيه ناسيهم لكن بعدهم بفتره جاء (سامي جاسم والنمشان) واخوعيسى حمدان والوسط صالح وعيسى خليفه ثم انضمام ناشئين لهم كعمرباخشوين وفيصل البدين والهجوم جمال محمد وابوحيدر ثم مروان الشيحه القادسيه كان حارسهم الطيب عبدالله لاشفته تقول هذا مايقدر يحك راسه تقل ميت ودفاعهم وجدي مبارك ومنهم لاعب الهلال والقادسيه غبدالله الصغير وسعود جاسم وفريد المعيدي ورايلي والاهلي علاء رواس اوعادل رواس واحد يلعب بالاهلي وواحد بالاتحاد ودابو والصغير(وتتذكرون أغنية الاهلاويه دا الصغير أحمد ودابو ....كم من الاهداف جابو) وصمدو الله من النعومه يمكن لو يقابله فيل مايسلم من تكسيررجليه ووحيد جوهر وابراهيم مريكي ومعتمد خوجلي وطارق ذياب والجندوبي والاتحاد رواس لكن ماادري ايهم ........وحامد صبحي وعلي عشعوش وبوكير وعيسى حمدان وابوسمره واحمد بايزيد تتذكرون مباراة منتخبنا مع الصين عندما لبس النيفاوي فانيلة ماجد 9 والصينيين يحسبونه ماجد وصار ماجد بدون رقابه وسجلنا هدفين بالشوط الاول وفرحنا بين الشوطين ويافرحه ماتمت واكتشفوا ان ماجد لابس رقم غيررقمه وكلبشوه الشوط الثاني وصكونا اربعه ههههههههه |
إقتباس:
فريق الاتفاق كان الغالبيه منهم يلعبون باخلاص خاصه عندما كان يشرف عليهم خليل الزياني ومساعده راشد خليفه الاخ الاكبر لصالح وعيسى خليفه وهنا صوره لفريق الاتفاق وهي من مقتنياتي http://www.m5zn.com/uploads2/2012/3/...2wem4g7x72.jpg من اليمين وقوفا المدرب الكبير خليل الزياني وعبدالقادر عيدان الملقب بغدره وابراهيم كيال وعيسى خليفه واحمد الشهري قبل انتقاله لنادي الاتحاد وحميد الحسن وشريف الدوسري والحارس المعروف عبدالله مقراف جلوسا من اليمين خالد سيف وصالح خليفه وعيسى عبدالله والمدافع الصلب مفتاح غريب والظهير الايمن سلمان حمدان وهذه الصوره اخذت في موسم 1398 امل ان تنال اعجابكم وقد اشترتيها من استديو الهدا في ذلك الموسم وتجد صاحب الاستديو الاخ عبدالله عثمان يضع ختم الاستديو على كل صوره يصورها |
إقتباس:
|
ذكريات حلوه وجميله .... أذكر هدف التعادل من رأس بشير وكنا خرجنا من الملعب ولام سمعنا صرخة الجماهير ال وبشير سجل التعادل على النصر 3/3 ومنها أخذ الهلال أول دوري ... سنعود لذا ا لموضوع ونقترح تثبيته لاطلاع الجيل الجديد على أهم الذكريات بتاريخ الزعيم ... ولي ذكريات خاصة مع لاعبي واداريي الهلال بتلك الفترة ... سيتم ذكرها لاحقا ان شاء الله.. تحباتب اخوكم/ ابو محمد ... |
ماني شايب حيل مثلكم ياجيل سلطان وريفالينيو بس اعتبر نفسي من جيل سامي والتيماوي وصفوق :d عرفت الزعيم من عام 1409هـ بعد نهائي كاس الملك في جدة وفي دوري 1410هـ اذا ماني غلطان حضرت ولأول مره في الملعب مباراة الهلال والقادسية في استاد الملك فهد كانت المباراة العصر وفاز الهلال بهدف محمد التمياط لاعبي المفضل سابقاً :ap: واذكر حفل اعتزال الامبراطور صالح النعيمه واذكر صاحب الددسن اللي دخل ومعاه حاشي هديه اعتزال http://img181.imageshack.us/img181/3817/66389046.gif s13s |
صراحة بدت الفضايح ههههه اتذكر مباراة الهلال والنصر 2/2 ريفلينو والامام جابو اهداف الهلال وماجد وعبدالله عبدربه اهداف النصر الله يرحم خالد الغانم وهدفه في اخر الدقايق ضد الشباب هذي كانت اول مباراة تكون في الليل واتذكر يوفاز الهلال في نهائي الكاس على الاتحاد وجاب منصور بشير هدف ومسكين ماقدر يفرح عشان ضرسه في بنج هههههههههههههه واتذكر نهائي كاس الملك الشهير ضد الاهلي 4/0 ياهي مباراة طبعا مبارايات الثنيان من بدايتها ما تفووووووت ا |
الله الله انه الزمن الجميل |
كان فيه لاعبين في الهلال لايتقبلون الهزيمه اطلاقا وهم الكابتن صالح النعيمه والكابتن منصور الاحمد هؤلاء يصعب عليك رؤيتهم بعد المباراه اذا كانوا مهزومين فلهما فضل كبير على الهلال لايقدر ببث روح الحماس في اللاعبين وكانا أفضل كابتنين مرا على الهلال فهما يتمتعان بروح القائد الفعلي في الميدان وليس مجرد حمل شاره أتمنى ان اراهما دائما في الهلال فلن تجد لاعب متخاذل ابدا ولكن هيهات لاحياة لمن تنادي (هؤلاء جيل النعيمه ) الجيل الذي اتى بعده (جيل الثنيان وسامي والتيماوي) هؤلاء كان فيهم لاعبان ايضا هما امتداد للجيل السابق هما( فيصل ابو ثنين ومنصورالموينع) ففيهما روح القدامى حماس وحب للهلال وتضحيه لذا استمر الهلال في حصد البطولات فالمستوى اذا لم يكن مقرونا بحب وحماس للشعار لن يفيد اطلاقا |
مما أتذكره دورة الخليج الخامسه ببغداد سنة 1979م والله ياكانت مشوقه على الرغم اننا كنا نستمع لها عبر الاثير وفيها لمع نجم المنتخب ماجد وقد سجل في قطر5أهداف من سبعه وبروز صالح النعيمه في هذه الدوره وكان منتخبنا يضم في حراسة المرمى مبروك وسالم مروان والدفاع ابراهيم تحسين (الشباب) والنعيمه (الهلال) وظهير ايسراعتقد عيسى عبدالله الاتفاق وايمن سعد السدحان النصر والوسط عيسى خليفه (الاتفاق)واحمد الصغير(الاهلي) يوسف خميس (النصر) والهجوم ماجد وعيسى حمدان (الاتحاد ) وسعود جاسم (القادسيه ) وحصلنا على المركز الثالث بعد العراق والكويت وكان هداف الدوره المهاجم العراقي حسين سعيد ومنها عرفنا أغنية المطرب العراقي سعدون جابر (هلابيك هلا...وبجيتك هلا ) ( انا يبا الكاس واسمنا يلوق اله ....العب وحاور لحسين ناول ) واللي لعب زين رفع راية هله وهله |
وراه ماتستآجر استراحه وتقهوى انت والشيبان الي تقول...؟ ماوجدت اي فآئده من موضووووعـــــكـ؟؟ لكن هو يفيد الجيل الي قبل 40 سنه اما جيلي انا بالنسبه لي مأعتقد انه يفيدني موضوعك وثانيا بالله عليك قل عمري 24 سنه وش فادني موضوعك |
ذكريات قبل الولادة لكن بإمكاني تخيل هذه المشاهد |
الله يعطيك العافيه اخي الكريم ويسعد اوقاتك صراحه موضوع شيق وممتع خصوصا ان كل من له ذكريات مع بداياته بالتشجيع والحظور للملعب وصور اللاعبين بمخيلته ومدى تعلقه وحبه للاعب من خلال عطائه واخلاصه لا كما هو حاصل الان من البعض وهو حب اللاعب من خلال شكله الخارجي والمستوى مو مهم عنده والحمد لله انهم اقليه لكن يعملون شوشره ببعض مواضيعهم بالمنتدى لكن ما يخالف مصيرهم يكبرون ويعرفون الصح من الخطأ نرجع لمحور حديثنا وهو ذكرياتنا عن هلال ريفو والامام وما ادراك ما هذا الثنائي المرعب الخطير والمستويات والنتائج المحققه بزمنهم يالها من ذكريات لا انسى مبارات الهلال والاهلي التي فاز بها الهلال 2/3 بالملز عام 1400 سجل ريفالينو هدفه الاول من تصويبه لا تصد ولا ترد من خارج منطقة الجزاء والمصيبيح اذا ماخانتني الذاكره الهدف الثاني وياروحي يانجيب الامام سجل الهدف الثالث بالوقت بدل الضايع بكوره قطعها ريفالينو ومررها للامام الذي واجه حارس الاهلي عادل رواس اللي ما شافها الا وهي داخل مرماه ومباراة .. ذي افضل مباراة حظرتها في بدايات متابعتي للهلال كان عمري لم يتحاوز ال12 ربيع .. ومباراة اخرى لا تنسا كانت امام الشباب بكأس الملك 1402 رحم الله خالد الغانم فقد ابلا بلائا حسنا بذيك المباراة وما هدفه الجميل المهم بالوقت بدل ضائع الا خير دليل على صحة كلامي والغريب العجيب بهاتين المباراتين ان الاهداف جائت بالوقت بدل الضائع خلاص والحكم ياخذ نفسه ليطلق صافرت النهايه .. شكلي طولت واسترسلت ونسيت نفسي والله اني معذور فما قلت لا يوازي 1٪ من ما في الذاكره من صور واحقائق جميله سطره بها بنو هلال خلال العقود الثلاثه ونصف العقد جيل ورا جيل الى مالا نهايه ان شاءالله .. يعطيك العافيه اخوي فقد اصبت وابدعت بالفكره🌹 |
| الوقت المعتمد في المنتدى بتوقيت جرينتش +3.
الوقت الان » 09:03 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd