|
بصراحه مالحقت على هالجيل بس يمكن يجي يوم اذا شيبت اكتب موضوع واقول تذكرون سالم الدوسري والعابد وبرود الفريدي :s2: |
إقتباس:
وعندما نرى في المنتدى مواضيع مسيئه للنجم الكبير ياسر صراحة يضيق الصدر فهذا لاعب نادر الوجود ولكن الشكوى لله ربعنا الله يهديهم النجم الحقيقي عندنا لايستمر ولاتتم رعايته الا ماندرفاستغرب احيانا استمرار توهج الثنيان وماجد فتره طويله لان النجوم لدينا توأد بوقت قصير |
إقتباس:
المنتدى للجميع ولكل وجهة نظر ويقدر يطرح المواضيع اللي تناسبه .. قد يناسب الموضوع فئة وترفضه فئة .. تحياتي لك ويسعدني اتحاور مع شخص مثلك ومحب ومخلص ووفي .. شكراً لك |
فيه برنااااااااااااااااااامج يجى على الرياضيه مدرى وش اسمه يعرض النجوم القدامى انصحك فيه حتى مقدم البرنامج قديم لقبه الحصان |
إقتباس:
:ba: اشكرك على فتح هذا الموضوع واتمنى فتح منتدى داخل موقع الزعيم خاص بجمهور الهلال ايام ريفو والنعيمة ويشارك فيها الاعضاء الذين كان لهم صوله وجولة في حب الهلال في ذلك الزمان الجميل ليستفيد الجيل الجديد من اخبار وتواريخ واحداث لايعلمها عن تاريخ ناديه زعيم الاندية وللمجد بقية اذكر في ذاك الزمان الجميل ان جل منازل اهل الرياض زينت سطوح منازلهم بالاعلام الهلالية s13s وذلك في تاريخ 1398هـ 1399هـ إلى 1401هـ بالفعل كان زمن جميل ..... |
السلام عليكم ورحمة الله الذكريات كثيره وجميله وبعضها سيئ خصوصا تلك التي يراد بها الهلال سوءا كما يحصل اليوم من لجان واتحاد الاصفرين منها : طرد سبعه من لاعبي الهلال في موسم 1398 هـ عندما اراد الدهام ومجموعته الاضرار بالهلال وقد نجح فعلا ذلك الموسم الا ان تلك الحادثه كانت كالوقود الذي دفع الزعيم الى الامام كالقطار المترابط من البطولات والانجازات التي شرفت الوطن اتذكر عندما حقق الهلال بطولة اول دوري عام 1397 هـ كان بدون اي لاعب اجنبي بينما النصر لديه اثنين اجانب من الجنسيه السودانيه هما مصطفى النقر وماجد عبدالله قبل حصوله على الجنسيه السعوديه اتذكر عندما هجم حارس النصر مبروك التركي متعمدا على لاعب الهلال عبدالله ابن عمر بدون كره واصابه اصابة شبه قاتله ونقل خارج الملعب كالجثه الهامده ولم تطا قدماه الملاعب بعدها الى اليوم مع تحياتي للزعماء كافه |
الله الله ع الموضوع الجميلاولا قبل شي رايح اعيد اقرأ الموضوع اكثر من مرة لأني بصراحة خشيت جو ،،، ثانيا رجعتونا لازمنة جميلة رغم أني مالحقت على جيل الغول ونصيب والنجوم الاخرين . انا من جيل النعيمة والبيشي وهذلول والمصيبيح وانت جاي. لكن الحمد لله بسبب حصول الهلال على البطولات سنويا، اوجدت محبين له من مختلف الفئات العمرية( شيبان، شبه شيبان ، شباب، صغار ، ) وانا بحكم إقامتي في مكة، فيه جمهور للوحدة مثلا لكن اعمارهم فوق الخمسين. من الذكريات الجميلة كان هناك مباراة للهلال مع الوحدة بمكةايام عبدالله بن سعد يرحمه الله وابغى الملعب ومافيه سيارة والبيئة حولي كلهم اهلاويين يعني فقدت الامل تماما اروح الملعب. ثم قابلت جاري وهو مشجع نصراوي ، جاء يقول لي مر من قدام المحل بالمسفلة أمير الهلال عبدالله بن سعد يسأل عن طريق الشرايع المودي للملعب. ياحسرة صابتني وقتها تمنيت لو طب فيني يسألني والله لركب معه واوديه الملعب، وانتم خابرين شوارع مكة اعقد من الكلمات المتقاطعة |
ياااااااحلوكمـ ويااااحلو زمااااااانكمـ يالشيبااااااااان ....... كاااااافي اخلاصكمـ للشعااااااااار ..... |
اذكر النهائي مع الاهلي وانتهاء 4/0 اذكر حماسنا اذا جت رمية جانبيه ورماها احمد النيفاوي اقوى من ضربة زاوية اذكر موسم 1405 تقريبا اللي ثلاث هدافين للدوري من الهلال (هذال الدوسري/ عبدالرحمن اليوسف/ يوسف الثنيان) |
والله زمان مازلت أذكر أول مباراة للهلال أمام الأهلي في الملز عام1397هـ وفاز الهلال 3مقابل اثنين وسجل للهلال سمير سلطان وسلطان بن نصيب |
هلا والله انا اول مباراة احضرها هي مباراة الشباب وبعد مادخلت بشوي يشوت سلطان بن نصيب الكوره وتركب هدف :ba: كنا ساكنين جنب الملعب ولا ندخل الا بعد الشوط الثاني علشان يدخلوننا بلاش:d |
السلام عليكم ورحمة الله وبركاته اتذكر البطولة الخليجية اللي جابها الهلال في 1988 بالمطر وهدف سعد مبارك والمعلق يوم يقول ( سجل الهدف سعد مبارك الف مبارك ) ولا انسى لبن الهلال ودعايته مع عصير الاتحاد الله يالدنيا ايام عدت بسرعة البرق النهائي اللي حافظه عن ظهر غيب نهائي كاس الملك يوم يدك الهلال النصر 3 باهداف المدافعين الحبشي والبيشي والتخيفي الله يذكرهم بالخير ما انسى فرحتي ذاك الوقت من الذكريات السيئة خروج الهلال من فنجا العماني والمقاولون العرب يوم يلعبون 10-0-0 خطة دفاعية قاتلة وهدف غازي عسيري على الهلال بتسديدة من خط النص :( شكرا لكم على الذكريات الجميلة :smilie47: |
الله يعطيك العافية على هالموضوع الذكريات كثيرة من جيل محسن بخيت الى جيل النعيمة الى جيل الثنيان الى جيل سامي الى جيل ياسر والجيل الحالي انا ابحكي عن حالي مع الهلال اناشجعت الهلال عام 1396 هجري قبل 37 سنة حقق الهلال فيها 49 بطولة العهد الذي بيني وبين الهلال بطولة كل سنه عطاني الهلال كمشجع هلالي 12 بطولة زود هذا الفرق بين تشجيع الهلال وغيره ولد عمي كبري بيننا شهر لعب عليه خاله وخلاه يشجع النصر بنفس السنه وعمي يقوله شجع الهلال وش تبي بالنصر شجع النصر وعطاه النصر 15 بطولة وانا 49 بطولة والا يومك وانا امزمز عليه اقوله خل خالك ينفعك عاد ابشركم عيالي وعياله كلهم هلاليين حتى عياله هلاليين يقول خلهم يستانسون لا يعيشون الضيم الي عشته والذكريات كثيييرة لنا عودة ان شاءالله تحياتي لكل الشيبان ربعي |
الله عليك يازمن فعلا زمن جميل كنت صغير في القصيم من عشقي للزعيم كنت الله يعزكم ادور الجرايد المرمية واخذها وقص صور لاعبي الهلال واحتفظ فيها ومن الذكريات أتابع مباريات الهلال المنقولة على الاذاعة في عز الشتاء اجلس في ددسني موديل 81 اسمع المعلق واتصور الملعب واللاعبين ذهنيا من المباريات التي في ذاكرتي مباراتين ضد الاتحاد الاولى في جدة كان الاتحاد متقدم 3\1 وقلبها الهلال 5\3 سجل عبدالرحمن القحطاني هاتريك والثانية ايام ابو ثنا وسعد مبارك في الرياض كان الاتحاد متقدم 2\0 وقلبها الهلال 5\2 من اللاعبين الفنانين صالح الخلف لم يستمر طويلا والانيق عبادي الهذلول والفنان خالد الغانم رحمه الله |
موضوعك حلو على الاقل نعرف مين الشيبان اللي بالمنتدى وانا واحدمنهم بس تبون الصدق انا من رايي نسويلنا قروب واي احد من الجيل القديم يسجل معنا لان بصراحه تدخل وتقراء بعض المواضيع اللي فيها سب وشتم للاعبين شي موسف ولنا باسامه بعد المباراه الاخيره دليل صراحه من كثر هالمواضيع الواحد ماعادله نفس يدخل المنتدى وبدل مايكون الانتقاد موضوعي وندعم اللاعبين صايرالعكس والسبب مراهقين المنتدي واسف على الكلمه ذي ولكن عزاءنا الوحيد انها من بعض ناس من جيل هيومين اللي طاير بالعجه وبس يبي ينتقد وخلاص ولايدري ان الدعم والنقد الموضوعي هو المطلوب وبسسسسسسسسس عموما الله يوفقك هلالنا ويبعد عنه كل المتربصين وبالنسبه لي انا من جيل عبادي والنعيمه وسبب تشجيعي الهلال فوزنا بالنهائي على الاهلي4 صفرعام 1405 وقتها 8 سنين عمري ولكم الحسبه يعني ماني شايب بالحيل هههههه :s2: |
| الوقت المعتمد في المنتدى بتوقيت جرينتش +3.
الوقت الان » 03:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd