|
يعطيك العافيه على الموضوع بس ياليت تغير العنوان ماحنا شيبان :s2: من ناحية القصيده اللي ذكرتها ليست لراشد بن جعيثن على مااعتقد( نسيت اسم الشاعر) راشد كان له قصيده في نهائي الكاس امام الشباب عندما تعلقت الكوره بالشبكه اما القصيده اللي ذكرتها فهي عاش الامير وعاشت اعضاء الاداره = وعاش الفريق اللي لنا عز وضلال عاش الهلال وعاش من شب ناره = ومليون مره قلت لك عشت ياهلال طالع جماهيرك بعال الصداره = واعلام عزك رفرفرت فوق ياهلال سمير بن سلطان يسلم سماره = وفهودي المعروف ياشبل الاشبال اما الوسط ياناس كمل مساره = العمده اللي صار مامثله امثال سلطان بن نصيب كله مهاره = نجم الفريق اللي ظهر مابه اشكال خليفة اللي راح يابعد داره = محسن عليه القلب جاء فيه ولوال ياليت محسن شاف يوم الظفاره = وياليت محسن شاف تسجيل الاقوال طير عن الشباك باقي غباره = زيزوم كاسه عندنا يشعل اشعال ياجورج والله مانقوله بطاره = انت المدرب وانت منزلك في العال خطه سليمه وصلتنا الفخاره = نفخر بها ياجورج مع كل الاجيال هذا مااحفظه منها والمعذره بالتقصير ولراشد بن جعيثن قصيده طويله في مباراة الكاس امام الشباب عام 81 ذكربها جميع اسماء اللاعبين ومنها عرفت قصدك ياشقاي وعذابي = ابو شنب ريفو عزيز الجنابي ضيف لنا في دارنا مايهابي = بدر الدجى في حالكات الليالي تقول ريفو بالليل المقابيل = لازم يسافربي معه للبرازيل ومن غير نجدي مالنا بالرجاجيل = لاعب كبير بس ماله ومالي شكرآ على الموضوع ولاتحرجنا مره ثانيه ههههههه |
روووعه ايام زمان... الله يذكر ذيك الايام بخير اتذكر ابراهيم العبود حارس الهلال ولاعب الجمباز السابق الذي تحول للحراسه بصراحه كان يروق لي كثير رؤيته بالحراسه رغم انه ماطول بس كان محبوب وكان من فترات الهلال الذهبيه ايضا عبدالله بن سعد الله يرحمه ويرحم جميع اموات المسلمين كان اصغر رئيس نادي وحقق للهلال بطولات كثيره وماانسى تصريحه الشهير الي طير عقول النصراويه لليوم واثار جدل طويل بالصحف حتى بين الهلالين انفسهم يوم قال الله يرحمه : (( الآن انتهت المنافسه مع النصر )) وفعلا من بعد هالتصريح انتهى تنافس الهلال والنصر وصدق حسه الله يرحمه |
إقتباس:
|
إقتباس:
نستمتع من خلاله بالذكريات الهلالية الجميلة .. شكرا لك دائماً . |
ايش رايكم في احدى مباريات الهلال القادمه ولتكن مباراة النصر او الشباب نتفق على الحضور ونخصص لنا مكان وبودي ايضا يكون معنا من اللاعبين القدامى من يستطيع الحضور لنتبادل الذكريات وتكون عاده في كل عام مره او مرتين (رأيكم يهمني) |
إقتباس:
الله يجزاك خير يافرنسي الشرقية اللي جيت بهذه القصائد وأنا كنت ابحث عنها من مدة .! وعلى فكرة ماحنا شيبان تونا شباب لأننا قلبنا (صن) ياحبيبي ماعليك منهم .. وكذلك الشكر موصول لـ 15 و 20 وبس الذي نفض غبار الذكريات الجميلة .. شكراً للجميع |
اكرر سعيد جدا جدا لمداخلاتكم واثراء الموضوع جميعكم فردا فردا فرنسي والهلالي وصنهاتوف شكلين مابيؤلشي وكل من رد ( من يذكرني على وزن من يبشرني ويبشر بالبشاره ....أظن عام 82م 1402هجري او 83 ماني متأكد سجل الهلال لاعب موهوب في صفوفه قبل بداية الموسم وعمل مباراه وديه مع نادي الشباب في ملعب الملز وامتلأ المدرج عن بكرة ابيه لمشاهدة المهاجم الجديد وكانت الجماهير تسمي اللاعب ( السيكل ) لسرعته هل هو يوسف الثنيان او لاعب اخر ...كنت اسمع الجماهير يتحدثون مع بعض يقولون انه كالسيكل او لقبه السيكل .........من يوضح لي أكثر واتذكر اللاعب الشبابي سلطان خميس كانت له دخلات على مهاجمي الهلال ياساتر لو تصيب دخلاته كان اللاعبين وخاصة الثنيان لن يلعب الكره بعدها لكن ابو يعقوب حذر منه مره مع دخلات خميس يقفز والخال يتقطع جلده من فرشة الملز الصناعيه |
إقتباس:
القصيده قالها شاعر اسمه العتيبي في حفل نادي الهلال الساهر الذي اقيم بمناسبه فوز الهلال ببطوله اول دوري ممتاز عام 1396 - 1397 وكان من ضمن من اشترك بالحفل كل من الفنان عبدالعزيز الهزاع الفنان سلامه العبدالله رحمه الله الفنان الكويتي غريد الشاطي الذي غنى اوه يالازرق رحمه الله الفنان راشد السكران والذي كان يقلد الاصوات والقصيده التي قالها العتيبي من ضمنها طالع جماهيرك براس المناره واعلام عزك رفرفرت فوق ياهلال ابراهيم في مرماه بان انتحاره بداح والغول فيهم نعاره يامحال الباكات في اقفاء واقبال ناجي على المطلوب رهن الاشاره كم سجلت يمناه من قول قتال اما البيت الذي كتبت اخي العزيز وهو طير عن الشباك باقي غباره = زيزوم كاسه عندنا يشعل اشعال والصحيح هو طير عن الشباك باقي غباره هجوم كاسح عندنا يشعل اشعال وهناك البيت الذي يقول ياجورج والله مانقوله بطاره = انت المدرب وانت منزلك في العال يامدرب الابطال منت بخساره حلال وللصعوبات انت حلال كل الشكر لمن كتب من خلال هذا الموضوع وارجو السموحه اذا كان هناك خطا وربي يحفظ الزعيم ويحفظ كل من يحب الزعيم |
إقتباس:
ولك بمثل مادعيت اخي الكريم |
هههههههههههههههههههههه طلعت يوزرات ايام 2002 ياليتني لحقت على ذااك الزمن |
الله على الموضوع الجميل اللي اظهر لنا جزء بسيط من التشجيع ايام زمان .. اعتب على بعض الاخوان اللي متواجدين بالموضوع وينهم من زمان .. وين ذكرياتهم .. صورهم .. إبداعهم . الجيل الحالي يريد بعض من ذكريات الماضي .. اتحفونا بها .. شكراً لصاحب الموضوع |
شكراً لك على موضوعك الرائع والعودة للأيام الخوالي ذكرتنا بفهودي ومن ثم ريفانيلو وجيل النعيمة والحماد والثنيان وسعد مبارك ومن ثم جيل سامي والمسعري والمدوح والتيماوي وابو ثنين والرشيد والصويلح آه ياذيك لاأيام الايام الخوالي ايام الـثمانينات مو حلوه بس بتشجيع الهلال فقط لا الايام كانت حلوه بكل شي حتى فالاجواء ماكان فية غبار وكانت السنة ربيع وامطار والقلوب صافية والنوايا سليمة وصلة الرحم موجودة.... |
الله على ذاك الزمن العذب ومن ينسى منصور بشير النفاثه البشريه اذكر سوى الهوايل بتوفيق المقرن وسالم مروان(الله يشفيه) ومن ينسى الظهير النجم سلطان المهنا والأوفرات المبرومه ومن ينسى خالد الغانم رحمه الله وتسديداته وهدفه في الشباب ومن ينسى سلطان بن نصيب قدام الشباب على الكأس وكان الشباب متقدم واحد صفر جابه المحترف برونو وبعدها قلب الهلال النتيجه بأهداف سلطان بن نصيب 3 ومن ينسى ريفالينو ماعرفوا اللاعبين السعوديين شوت السكروب الا منه كان مدرسه في الباص والتسديد وفنيلته ام قلاب ومضغة العلك السريعه هههههههه شكرا صاحب الموضوع ولو أنك قلبت المواجع |
فيه مباراة لاتنسى على كاس الملك بين الهلال والنصر اقيمت في جده ( اول نهائي يقام في جده ) فاز فيها الهلال 3-0 سجلها الدفاع فهد الحبشي وعبدالرحمن التخيفي وحسين البيشي |
مساكم الله بالخير يا زعماء:rose::rose: انا ماني من جيلكم وكل الاخبار جبتها لكم من اليوتيوب:ap: اتذكر الجمهور يردد يا مبارك الناصر جاك العمده ومبارك الناصر كان لاعب نادي اليمامه ( الرياض اليوم ) والعمده كان صخرة الدفاع الهلالي واستقطبه من احد واتذكر لما علي با فقيه حسم بطولة اول دوري بضربه رأسيه جميله من كره رفعها عبدالله فوده ( العمده ) اتذكر مباراة بملعب الصائغ سحق فيها الهلال الشباب بثلاثيه جميله سجل احدها محسن بخيت وكان من نجوم الشباب ذلك الوقت محمد المغنم ( الصاروخ ) والحارس عبدالله ال الشيخ اتذكر عندما سحقت العراق السعوديه بسبعة اهداف وكان المنتخب تحت اشراف عبدالرحمن بن سعود الله يرحم موتانا ويرحمه وموتى المسلمين وكان باقي اللاعبين معظمهم من النصر وكان يسمى المنتخب الرمزي والواقع انه المنتخب النصراوي :s2: اتذكر لما كان فهد بن سلطان نائب للرئيس العام لرعاية الشباب وكان يدلل ماجد عبدالله الى درجة ان اصدر القانون الشهير الذي يحميه وكان الحكام يغدقون لماجد بضربات الجزاء ويطردون اي لاعب يحتك به اتذكر عام 1404 هـ لما احضر الاهلاويون صندوق يريدون اضافة كاس الملك الى درع الدوري الذي فازو فيه ذلك العام ولكن الزعيم سحقهم باربعة اهداف نظيفه وكان كابتن الهلال ساعتها فهد عبدالواحد وذلك لاصابة النعيمه واتذكر ان الهلال بعد تلك المباراة انهى شيء اسمه الاهلي ولم يستطع الاهلي خلال تلك المده ان ينهض بالشكل الصحيح الى هذا اليوم اتذكر ان النصر كان يقيم ليالي وموائد من السليق لجماهيره وكان الزعماء ينعتون جماهير النصربجمهور السليق ، وما تسميتهم اليوم بجماهير المجان الا امتداد لجمهور السليق والذكريات كثيره ولكنها لم تسجل باليوتيوب لكثرتها :laugh: |
| الوقت المعتمد في المنتدى بتوقيت جرينتش +3.
الوقت الان » 03:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd