|
ما احلاهااا من اياااام اسئلوني عن تلك الاياااام اسئلو من حظر تلك المباريااات اسئلو من كان يتابع الهلال في جميع مبارياته ااااااااااااه يازمن ذكرتنا االاياام القديمه ... الله يحسن الخاتمه شياب:to: |
بوعبدالـلـه مازال هدف سلطان بن نصيب في نهائي الكاس امام الشباب في ذاكرتي |
رجعتوني للمشاركة في المنتدى .! وأنا كنت متتصفح .! كنت أفتكر جيلي ( انقرض ) وأنا مازلت أقاوم الإنقراض .!! لكن بسبب هذا الموضوع الجميل لقيت جيلي موجود ....والذكرىجميلة جدا لكن النسيان أجمل حتى مانقارن (جيل الفطرة بجيل البطرة ) الجيل الذهبي بعضهم مايملك قوت يومه لكن عنده التضحية من أجل الفنيلة والجمهور الذي يشجع بحرارة أما جيل اليوم ماعدى القليل منهم فهم جيل البطرة والدلع عنده الملايين لا ومدير اعمال بعد لكن يساوم ويقاوم تقول شريطي غنم .!!! وإذا أصيب بالزكام في البرد اخذ إجازة اسبوع .. وإلا تدرون نرجع للموضوع أحسن .!! أنا أتذكر هدف ريفالينو في الوحدة في ملعب الملز من ضربة ركنية .!! في الجهة الجنوبية من الملعب حتى الحكم مسكين اول مرة يشوف واحد يسجل من ضربة ركنية .!! وأتذكر الكرت الأحمر لريفالينو يوم ( فص رقبة على كميخ ) وهم طائرين في كرة هوائية .!! وأتذكر يوم ريفالينو يطرد لاعب الاتحاد سعد بريك في ملعب جده ووقفوه 3شهور وإستفاد الهلال من هذا التوقيف ان ريفالينو درب ضغار الهلال في ذلك الوقت .!!! واتذكر كذلك حفل الهلال بحصوله على أول بطولة دوري عام 1397هـ وغنى الفنان غريد الشاطيء ( أوه يالأزرق ) شكراً لمن فتح باب الذكريات والشكر موصول للمشاركين والمجد للهلال بإذن الله |
الله يسعدكم جميعا مشاركاتكم ثريه جدا وبعضها خلاني اضحك واحد يقول ظنيت جيلي انقرض لاعاد ماحنا شيبان مره توه خاط الشيب بشواربنا ههههههه ......لا اكثر مايغيضني بهالوقت طبعا انا معجب بدرجه كبيره باللاعب الكبيرياسر القحطاني وزعلت على انتقاله لاننا ماتعودنا ان لاعب بهالحجم يفرط فيه الهلال بهالسهوله اتذكر لاعبين الهلال لايخرج اللاعب من الهلال الا لاجل الدراسه في الخارج وكنا ودودين جدا لدرجة انه يعترينا الحزن اذارحل فما بالك بلاعب هداف كياسر المهم لادافعت عنه يخرجون لي عيالنا هالصغار الله يهديهم وهات من هالكلام الطيب انت ياوغد رح الحق وشجع ياسر بالعين ورح اكتب في منتداه وتوك صغير مالحقت على سامي وانا امري لله مايدرون اني اشجع الهلال قبل لايولد ياسر وسامي انا اتمنى اقابل فهد بن دحم ابغى ادحه كم بقس اتذكر في مباراة مع النصر ماسك منصور بشير واذا راحت الكره لملعب الهلال طبعا الحكم ورجال الخطوط متابعين اللعبه في ملعب الهلال وهذا ابن دحم شغال بقوس برقبة منصوربشير وانا بالمدرج اتمنى لو استطيع الدخول لأرنعه لين ينصرع لو لحق على ابويعقوب وسوا فيه مثل منصور لكسر سنونه يوسف |
ماشاءالله واجد الربع اللي طاق السبعين قواكم الله وأطال الله في أعماركم . بالنسبة لي أنا من جيل أبو يعقوب .( نص شويب ههه). يعطيكم العافيه . |
تتذكرون سمير بن سلطان ياهو لعيب انا اتمنى ارى لاعب في الهلال بمواصفاته لااعتقد مر على الكره السعوديه مثله ولكن كان كثير اصابات اعتقد انه لايهتم باللياقه البدنيه |
اتمنى من ادارة المنتدى اجراء مقابلات مع لاعبي الهلال القدامى كل اسبوع او كل شهر نجم قديم نريد معرفة اخبارهم واحوالهم نحن حبيناهم وتعلقنا بهم وانحرمنا من شوفتهم بعد الاعتزال مثل فهودي ، وسميربن سلطان ، وفهد الحبشي، والعمار ، وابراهيم العبود، سلطان المهنا ، عبدالرحمن القحطاني ، منصور الرحمه ، عبدالله الصغيرهؤلاء لانرى لهم اي ظهور اما البقيه نشاهدهم بين الحين والاخر |
عودة مرة أخرى لهذا الموضوع الجميل الذي أثار الذكريات وأيام الصغر ..أتذكر مره ونحن صغارأننا مجموعة ( بزران) دقيناها كعابي للبطحاء والديرة عندالجريسي لشراء جريدة الرياض لمعرفة ماتم في صفقة النور موسى ( رحمه الله ) ..وقد نشر الخبر ولا زلت أتذكر محتواه ( وصل اللاعب النور محمد موسى ( بمعية ) سمو الأمير هذلول بن عبدالعزيز الى الرياض ..) وكان ملعب الهلال بالملز وموقعه تقريباً شمال محطة القطار ولازلت أضحك على عدم فهمي لكلمة ( معية ) ماخليت أحد ماسألته عن معناها ...! وأتذكر أنني رحت مع أخوي الكبير للتمرين علشان نشوف النور وطبعاً الملعب مثل ملاعب الحواري مايفرقه عنها إلا صندقة أبومرزوق ( فصفص) وامتلأت جنبات الملعب بالجماهير وكلما وصلت الكوره للنور ..هات ياصراخ وتشجيع ..! وعلى طاري التشجيع ..أتذكر أن مفردات التشجيع ذيك الأيام هي ترديد عبارة ...درَب ...درب ..(بتشديد الراء) ..ياهلال ..ومافيه سياره ياحكم ...! ويابوعبدالفتاح ..طاح العنب ..طاح ..!!! والأخيرة ماأدري وش دخلها بالكوره ..؟ بس كنا بزران ونردد اللي نسمعه ..!ومع ذلك كله فنحن لسنا شيبان ..لأن الزمن كان متوقف وبطيء ...وهالحين صار الزمن ...فشقه ...! |
انا ما اتذكر الا شي واحد اللي هو وقت مباراة الهلال كان ابوي يممسسكني مع اذاني ويقول يلااه قهوي الرجاجيل والخربان ويلك تشغله هههههههههههههههههههه وكل ربع ساعة اسحب على ضيوف ابوي اشوف كم النتيجة وارجع هههههههه بس اتذكر طلعة الرشششيد كاااان مو صااحي لعععععيب واتذكر فهد الغشيان لاعععبي المفضل اللاعب الوحيد مع الدوخي اللي تضايقت كثير لما انتقل تحياتي لك ولحد يصدددق ان شايب لكن انا تابعت الهلال من انا صغغير ولحقت على زمن يوسف وسامي وخميس والرشيد والغشيان ولطف والسلومي وتركي العواد وكثير والله |
تتذكرون لاعبين لم يستمروا طويلا في الهلال فريد الرشيد ، وديه البرازيلي ، ثم تغير ذلك الجيل ومر علينا لاعبين لم يستمروا طويلا مثل الخلف وصاحب تسديد قوي والشعيبي لاعب الوسط وعلي العجمي هؤلاء لعبوا سنه اوسنتين وماعاد شفناهم |
إقتباس:
|
إقتباس:
كفيت ووفيت بالسطر الاول .. هنا المشكلة في الوقت الحالي بالتوفيق للزعيم |
ذكريات رائعه جداً أساتذتنا الفضلاء .. استمتعت كثيراً .. بالمشاركات الجميلة والتي تحكي لنا جزء جميل من تاريخ الهلال ونجومه .. ربما نحن جيل الثنيان لا نذكر الا الثنيان :smilie47: فقد ملىء ذاكرتنا ابداعاً ومهارة وجنون كروي لا ينسى .. أتمنى كما ذكر أخي 15 و 20 وبس أن نجد نجوم الهلال السابقين ونستخرج ما لديهم من الذكريات والقصص .. كما اتمنى من أحبتنا الاعضاء المخضرمين :razz: :smilie47: ان يتحفونا دائماً بمثل هذه المشاركات الجميلة s13s شكرا لجميع من شارك .. وجزيل الشكر للمبدع 15 و 20 وبس هذه الفكرة .. وفقكم الله دائماً . |
الله يسعد ايامك حقيقه لم ادخل على المنتدى لرد على اي موضوع منذ فتره ولكن موضوعك شدني كثيراً الله يجزاك خير الجزاء الله على الذكريات وهل هناك اجمل من الذكريات الجميله من ادخل الهلال في قلبي هو هدف ( سلطان بن نصيب في نهائي كأس الملك امام الشباب وحصلنا على الكاس واظنه الكره تعلقت في الشباك واصيب بشد عضلي لقوة التسديد من مسافه بعيده ) بعد هذا الهدف اصبحة هلالي اتذكر حظور الزعيم الى المدينة المنورة وكان حارس الهلال ابراهيم اليوسف وكان فيه شي من الصلع ويرتدي القبعه وكنت خلف مرمى الهلال وانتهة المباره بين الهلال واحد بالتعادل . هذا وللحديث بقية :ba1: |
قوة شيبان بهالموضوع يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 03:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd