الله يهديك بس يعني بنكذب بكلامنا اننا شيبان

اسالني وخلك معي واعطيك اي شئ تبغاه واتذكره

نحن يشدنا الحنين لتلك الايام ....طبيعة البشرهكذا

منصور بشير لاعب سريع بالجناح الايمن واتذكر على عز الكرة الكويتيه اقيم لقاء بين القادسيه الكويتى والهلال ايام المرعب جاسم يعقوب وانتهت بالتعادل 2-2 واضاع جاسم ضربة جزاء صدها على غير العاده ابراهيم اليوسف وكان المعلق الكويتى يقول في احدى انطلاقات منصور لما تعرض الى احتكاك وطارت جزمته (اعزكم الله ) قال المعلق من سرعته طارت جزمته .اللاعب الاخرعادل عبدالرحيم فنان ويلعب بقدمه اليسار ويراوغ بشكل رائع وضم للمنتخب في احدى الفترات واما منصور الرحمه فهو وسط ومتقدم يلعب بقدمه اليمين ويتميز بالتسديد القوى من يتذكر هدف فهد الحبشي الثاني في مبروك التركى كبري كان هدف جميل
اللاعب الى اتمنى انى اتذكر او ارى له لقطات اللاعب صالح الخلف كان يملك قدم ماشاء الله قويه جدا لعب الظاهر عام 1400 هـ

بالمناسبه استوديو الهدى كان يقع في اخر شارع الشميسي الجديد يفتح للجنوب

الله على الزمن لكن الصراحة جيل الثنيان والتخيفي والنعيمه ثم سامى وابو اثنين وخميس العويران ونواف التمياط والدوخي وليتانا
جيلين لايتكرون لانه مستوى بالنتائج

هذيك الايام كان الدخول مجاناً و وقوفاً ع الشبك

قال تذكره قال

آه ثم آه من اجمل اللاعبين في الهلال الذين لم ياخذوا حقهم اعلاميا يوسف جازع كان لاعب مؤثر في الهلال وساهم في فوز الهلال بالدوري مع المدرب ابو راس كان جسم وهارة وضربات راس ايضا هذال الدوسري كان راس حربة على طريقة روماريو ليس طويل لكن ارتقاءه عالي وسرعة بالكرة حقق الهداف وساهم بتحقيق بطولات ايضا منصور الموينع كان لاعب رائع وجوكر اول مابدا كان يلبس رقم عشرة وينزل مهاجم وبعدين صار محور ثم قلب دفاع من المدافعين الذين لم يستمروا طويلا كان هادئ ويقطع الكورة بسلاسة خالد ابو نيان ارجعوا للمباريات التي لعبها وشاهدوه من اللاعبين الفنانين ولم يستمر صالح الخلف. عبدالله عسيري فنان لم يستمر احد يذكر لاعب من حواري الرياض فلته لاعب وسط سجل بالهلال ولم نراه كثيرا اسمه محمد صقر المطيري من جيل الثنيان. اطلعوا يالشيبان وعلموني

أعتقد أنك تقصد مباراة بين الهلال والشباب وطبعاً أنا أتذكرها كالحلم وكنت صغير جداً وقتها ورايح للملعب مع أخوي الكبير الله يرحمه وأتذكر أن المباراة بنهايتها وسجل مبارك عبدالكريم هدف قاتل وعندها قال أخوي يالله مشينا ( لأنه كان شبابي ) وطبعاً هو الله يرحمه قال علشان الزحمه وأنا أدري أنه زعلان ..! وأعتقد وقتها كانت تحتسب الكورنرات لحسم التعادل لأنه لايمكن لعب وقت اضافي علشان الليل وطبعاً لايمكن يلعبون بالظلام ..! وشكل الهلال فاز بالكورنرات ..لاأتذكر ..لكن لاأعتقد أن الإتفاق يلعب مع الهلال إلا بالنهائيات لأن كل منطقه تصفي لوحدها ..! بس أحلى شيء إذا طلعنا من الملعب مرينا على صندقة أبومرزوق(( اللي مشهور بفصفص لأنه كان وقت المباراة يبيع فصفص بين الجماهير بالمدرج وعند انتهاء المباراة يروح لصندقته يبيع ببسي ومرندا وكراش وكندادراي وتيم )) والناس ياقفون يشربون ببسي عنده وهات يانقاشات عن المباراة وطبعاُ أنا كنت كالأطرش بالزفه أقلب عيوني بين هالكبار وهم يتناقشون...ماأدري وش يقولون ..! مستانس بالمرندا ولا علي منهم ..! بس الغريب أن أخوي شبابي ومتعصب بعد وهو اللي يوديني للملعب ومع ذلك صرت هلالي ..! ماأدري ليش ..؟

إذا لم تخني الذاكرة فالهدف كان ضد الأهلي وفاز الهلال بثلاثة سجلها التمياط محمد والنعيمه والثالث لاأتذكره ..! ترى مو متأكد مره

وراك راد عليه الرجال يتمهزأ

هههههههههههههههههه حلوه سواليفك

تذكرون فيه مباراه وديه للهلال وجايبين لاعب جديد والملعب امتلا بالليل نبغى نشوف هاللاعب اعتقد عام 1403 هل هو الثنيان ؟؟؟
وكانت المباراه اظن مع الشباب

اتذكر لاعب الهلال فهد الحبشي والله كان خشن ويلعبونه ياظهير يمين او يسار او محور

تذكرون محله حق الفيديو

اتذكر سيارة ابن سعيد الله يرحمه اعتقد كابرس طويل تقل باص وبلونين ازرق وابيض صح والا انا غلطان لاني قد شفتها مره واحده

مبارياتنا مع الشباب كان لها مذاق خاص لما يضمه الفريقان من نجوم

كان نجوم الشباب ابراهيم تحسين صخره في الدفاع وكنت من اشد المعجبين فيه .(اتذكرعندما انكسرت ترقوته ياه ذكرى اليمه وانهته من الملاعب)...وبرونو البرازيلي يسدد زي ريفو لولبيات ...ومعهم خالد المعجل نهاز فرص .....والصاروخ جناح ...وظهيرهم الايسر بارع نواف خميس

اتذكر مبارة الهلال والاتفاق ضمن تصفيات كاس المللك
كانت النتيجه 1 0 للاتفاق
وباقي اقل من 10 دقايق
وينزل فهودي
ويقلب النتيجه .. مباراة للشياب جميله

تصدق توني أنتبه يوم نبهتني ..! وعلى العموم كل واحد على نيته والله يهديه ويصلحه ويوفقه بدراسته ..خبرك ثاني متوسط صعبه هاليومين ..!