وين راح بوب تشارلتون ؟؟
الحين صار سكولز اسطورة انجلترا
المشكلة لما تكلم برشلوني ليش ميسي الافضل فالتاريخ
يقولك بإتفاق الخبراء والمحللين ههههههههههههههههه
جيبلي ارقام تثبت
لغة الارقام ما تكذب
بيليه في البرازيل
وماردونا في الارجنتين
وزيدان في فرنسا
وتشارلتون في انجلترا
وبيكنباور في المالنيا

اساطير كل دولة لاحظ العامل المشترك بينهم هو كأس العالم
اذا بتقدم مستوى مع ناديك خليك في ناديك بتصير اسطورة ناديك
ومع المنتخب ما تقدم أي شي معناها انسى تدخل بين هذي الاسماء
على العموم منتخب الارجنتين يمتلك حاليا أسماء قويه في كل خانه
وعلى الورق تقدر ترشحه يكون بطل لأي بطولة يدخلها
لكن اذا بيعتمدون على ميسي حتى من دور المجموعات ما راح يتأهلون

انا اقولك ليش لانه على كلامك هو افضل لاعب بالتاريخ .. معقوله افضل لاعب بالتاريخ و ما قدر يأثر على منتخب بلاده ..
اغلب الاسامي الموجوده اساسيه بفرقها في ذاك الوقت و لا بعد تعتبر نجوم بالله عليك اقويرو , لافيتزي , تيفيز , باستوري , دي ماريا , ماسكيرانو , صامويل , بورديسو , كولوتشيني ذولا لاعبين عاديين ؟! هذولا لو توزعهم على منتخبات صاروا نجوم فيها .. ميسي جاه كل الدعم من اصغر واحد بالارجنتين الين الرئيسه حقتهم مع ذلك مستواه عادي مع المنتخب و بالعكس فيه لاعبين مثل تفوقوا عليه بالاداء ..

علشان كذا نقول فيه فرق بين اللاعب الي يبرز مع المجموعه الي تساعده مثل ما هو حاصل مع ميسي ببرشلونه و بين اللاعب الي يبرز مع اي فريق يشارك معه مثل مارادونا , كرويف , رونالدو البرازيلي , بيليه , زيدان .. و مثل ما قلت لك برشلونه يساعد اللاعب انه يقدم كل الي عنده بس تخيل ميسي بفريق ثاني هل نبي نشوف المستوى الي يقدمه الحين ؟ ما اتوقع

اعيد و اكرر ميسي توه صغير و عنده الوقت انه يتطور و يصير مثل اللاعبين الي ذكرتهم من قبل و يشيل المنتخب فوق كتوفه هنا نقول وقفوا يا ناس خلاص ميسي هو الافضل بالتاريخ بلا منازع لكن حاليا هو الافضل بجيله و بس ..

على فكره هالكلام تكرر يوم رونالدينو مع برشلونه و انه الافضل بالتاريخ و ما فيه احد زيه و شفه الحين بالدوري البرازيلي ما حوله احد مع انه بذيك الفتره فاز بكل شي مع ناديه و المنتخب ..

الناس تفكر بالحاضر فقط و تنسى الماضي بسرعه و ما يثبت بالذاكره الا الاساطير الحقيقيه مثل مارادونا الي له عشرين سنه معتزل و الى الحين الناس تتغنى فيه ..

على العموم كل واحد له وجهه نظر يشوفها هي الصح ..

طيب ياحلوين ميسي حقق كاس العالم للشباب :d

حتى لو ميسي حقق كأسين عالميين بيقولون له لا جيب كاس عالم ثالث :d

طيب وشرايكم ميسي 24 سنة حقق انجازات كثيرة
حددوا بيليه عمره 24 سنة وش حقق انجازات ؟
هاتوا مارادونا عمره 24 سنة وش حقق انجازات في هالعمر؟
هاتوا زيدان في عمر 24 سنة وش حقق انجازات في هالعمر ؟

وكم عددها ؟

ميسي 24 سنة حقق انجازات كثيره مقارنه مع الاساطير الباقيه وهم اعمارهم في 24 سنة وايام طقها والحقها والان كره القدم تطورت والخصوم اقوياء ومع هذا ميسي يبدع ويمتع ويكسر الارقام :yes:

يا ناس تأكدو أخاف انه كاريكتير

بيدرو عنده انجازات اكثر من ميسي وهو بنفس عمره و عنده ارقام محد حطمها هل هو يعتبر احسن منه ؟! المسأله موب بس بطولات لا لازم تحسب وش مدى تأثيراللاعب فيها و ميسي محد يختلف عليه مع برشلونه بس مع منتخبه وينه ؟! و هذا الي يخلي الواحد صعب يتقبل انه يصير الافضل بالتاريخ و هو ما يبدع الا مع فريقه بس بينما فيه لاعبين ابدعوا في كل الاتجاهات ..

و بعدين من صدقك انت تجيب لي بطولات فئه شباب و لا اولمبي .. لو تسأل اي واحد الارجنتين كم مره فازت بكاس العالم يبي يقولك مرتين و ما راح يعد لك كاس العالم للشباب لانه هي الابرز و فيها التنافس على اشده ..

على فكره بيليه بعمر ميسي كان جايب كاس العالم مرتين و مع سانتوس مكتسح الكل حتى ان الانديه الاوروبيه تطلب سانتوس علشان يلعبون معهم ..

و مارادونا و هو ابو 26 يعني تقريبا بعمر ميسي جاب كاس العالم و كان له التأثير الاكبر و مع نابولي جاب لهم الدوري لاول مره حتى ان الناس طلعوا للمقابر و يقولون ياويلي ما لحقتوا على مارادونا ..

و مسأله ان ذاك الوقت الكوره طقها و الحقها هذا كلام انشائي لان كل جيل له خصائصه و يلعبون على التكتيك الي كان موجود بذاك الوقت و مارادونا و بيليه كانوا يسوون اشياء حتى الحين صعبه على اي لاعب يسويها و انت بعد 25 سنه هل تبي تقول ان وقت ميسي كانت الكوره طقها و الحقها ؟!

ميسي نعم هو الافضل بجيله لكن بالتاريخ صعبه لان فيه لاعبين سوو اكثر من الي سواه هو .. و اذا بدا يبدع مع المنتخب و يجيب بطولات كبيره مثل ما يسوي مع برشلونه هنا نرفع القبعه له و نقول يا ميسي انت الافضل بالتاريخ بلا منازع

يعطيك الف عافية على الخــــــــــــــــــــــــــــــــــــــــــــــــــــــــــــبر