|
مسلسل تدمير الهلال ........ الشلهوب و الفريدي أنموذجا بسم الله الرحمن الرحيم السلام عليكم ورحمة الله...............اخواني الكرام لعلكم تذكرون الحملة التي وجهت على محمد الشلهوب أيام كوزمين و لم نجنِ منها فائدة ، بل كانت عبئا عليه و جعلته تحت ضغط الجمهور و الاعلام الموافق و المخالف ،مع أنه لم يكن فعلا قد بلغ من هبوط المستوى ما يستدعي تلك الحملة ، بل كان يؤدي ما يطلبه منه المدرب ، و هذا هو اللاعب المحترف فعلا ، اما اللاعب الذي يريد أن يرضي رغبات الجماهير على حساب ما يطلب منه أداؤه في الملعب فهذا يكون أول من يبعده المدرب ثم الجمهور تبعا. المقصود أن من يشارك في مثل هذه الحملات ــ بحسن قصد أو بسوء قصد ــ فهو من أبطال مسلسل ( تدمير الهلال ) الذي سيفشل بإذن الله تعالى . و ما نراه هذه الأيام من هجوم على الأخ الخلوق أحمد الفريدي مشابه لما جرى للشلهوب و ياسر من بعده ، فهل ما حصل البارحة من تعادل كان سببه أحمد الفريدي ، و كأن الهلال لعب بلاعب واحد يتحمل كل ما حصل كما حمل لاعبو الهلال فقط خروج المنتخب من كل المنافسات . فاربعوا على أنفسكم أيها الهلاليون .. وفق الله الجميع لما يحب و يرضى |
الفريق أمس أدى مباراه كبيرة قبل طرد هوساوي لكن التكتل الدفاعي للفريق الايراني صعب المهمه وإصرار الهلال على لعب الكرات العاليه كان من المفترض على المدرب تحذير اللاعب منه واللعب على الكرات القصيره السريعه أما عن الكابتن أحمد الفريدي يمكن أن يكون المدرب أعطاه مهام أكثر والظروف لم تساعدنا للفوز في المباراه ويمكن لو كان ويلي موجود قلل من الضغط عـ الفريدي والقادم أفضل بإذن الله شكراً لكـ عـ الموضوع |
هلالنا كبير وسيبقى كبير ولا ينتقد الا الكبير لكن من اللي بينتقد بنو فقر بسم الله عليهم الله لايضرهم :ap: |
الفريدي ماقدم أي شي يشفع اننا ندافع عنه طول المواسم الماضيه |
امس هرماااااااش شوي ويعطي الفريدي كف والله مالومه الفريددددددددددددددددي قتل السرررررررررررررررررررررررعه بروووووووووووووووووووووووووووووووووووود |
آقسم بالله لو ملعبين فهد الشمري وهو حارس راح يغطي مكان الفريدي ويسجل ويصنع ..!! مو معقوول اللاعب هذا شايف نفسه على الهلال ..!! والغريب الى الان الامير عبدالرحمن بن مساعد ما شاف له حل !! كيف ندافع عن لاعب من بداية الموسم مستواااه فآآشل .. يآآ آخي لدرجة اني اذا شفت الكوره معاه اعرف انها كوره ميته او مقطوعه .. يآآ اخي محمد الشلهوب كان مع كوزمن دائما احتياطي وهذي قناعة مدرب .. وياسر القحطاني وهو في اسوء مستواياته اذا ما قدر يسجل حاول يصنع لزملائه .. هذا لا يصنع لا يسجل .. 95% من كوره مقطوعه او ميته .. برود في اللعب .. كروت مجانيه .. ياخي والله اني آكره الهلال لا شفته اساسي اعرف ان الهلال ما راح يفوز .. آتمنى ان هاسيك عرف انه لاعب مقلب وفاشل .. عشان ما عاد يلعبه نهائيا .. |
معليش الفريدي اتمنى ماتقارنه بياسر والشلهوب يكرمون عنه الفريدي مايهمه الا الماده ونفسه واكبر دليل روحته لأخو البلوي ومن بعدها ماشفناه يلعب صح |
إقتباس:
|
أكيد الفريدي فرد من مجموعة ومستحيل ان اللي يشجع الهلال رح يهاجم لاعب علشان شخصه -مستحيل- .. يعني فهمت بمعنى كلامك ان الاداء اللي يقدمه الفريدي سببه التكتيك المطلوب من الفريدي من قبل هاسيك ؟؟؟ أنا ضد محاربة اللاعبين عموما وعلى قولة عبدالرحمن بن مساعد حتى لو كان مو فالمستوى لازم نشجعه علشان ناخذ افضل ما عنده ,, وأتمنى الفريدي يرجع لمستواه المعهوود |
تبي الصدق كنا مخدوعين بالفريدي ولما شفنا طريقة اللعب بدونه وهي السرعه والهجمات المرتده ومهارات النجوم الشباب مثل الدوسري والعابد اصبحنا لا نؤيد مشاركة الفريدي في التشكيلة لكن ان شاء الله بعودة المصابين سنتخلص من قاتل الهجمات و جبل الثلج يعطيك العافية |
الفريدي كان افضل لاعب في المبارة و هو اللاعب الوحيد الي حرث الملعب حرث و كان شعلة من الحماس ... ولكن اذا الشخص حط في راسه ان اللاعب سيء قبل ما تبدأ المباراة راح يكون سيء من وجهة نظره حتى لو ادى كويس في المباراة |
إقتباس:
وين راح الشلهوب + الزوري .. افضل لعيبة المباراة .. من كلامي معك لا يعني ان الفريدي كان الأسوأ |
لا جديد اخوي من امس لحد اللحظة هذي والمواضيع اللي قريتها عن الفريدي وتعبت وانا اتابعهاا ومليت من كثر ما اقراهااا يعني تكتب موضوع ع شان تدافع فيه عن الفريدي اوك موو مشكلة اتفق معاك بس اللي اشوفه ان المواضيع اللي نزلوها الأعضاء تدور عن نفس الفكرة وبصراحة بدون اي فائده يعني موضوعك من وجهة نظري بأمانة اشوف ماله داعي ؟؟؟ بتقولي ليش ؟ اكيد بقولك الجواب،،، راح يثير الأعضاء وناس تدافع وناس تسب وتشتم بالفريدي وياليتهم ينتقدون مع محاولة تشجيع اللاعب لا للأسف اهدافهم واضحة ولا يبي لهاا توضيح العاقل يعرف ايش غرضهم واذا تبغى تتأكد ابحث عن المواضيع اللي نزلوها الأعضاء من امس الى اللحظة هذي عن الفريدي واسامه هوساوي وتعرف غرضهم وليش هم كاتبين المواضيع بس اتمنى تقراها كلها ع شان تعرف المفيد منها وغرض الكاتب واكيد راح يتضح لك الشي هذاا ،،، لا تزعل من كلامي اخوي ولا اقصدك فيه بس هذي الحقيقة مع احترامي للجميع ،،، تحيــاااتي |
شكراً على مروركم مع تحفظي على بعض العبارات التي لا داعي لها من بعض الأعضاء هداهم الله . |
أشكرك على الطرح الراقي والرزين والمنصف الله يكثر من أمثالك |
| الوقت المعتمد في المنتدى بتوقيت جرينتش +3.
الوقت الان » 07:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd