مهما كان الفريق مو دايم يفوز وهذيك المباراه الذهاب خربوها ولعبنا الاياب لكن للاسف جمهور تحطيم وظحك ويجلس فنص المباراه يطقطق على الهندي حق البيبسي هو في المدرج اليسار ما عجبه اللا الهندي اللي في المدرج اليمين وصراخ قدام العالم لحد يركز ولحد يسوي شي ومن زين الطبايع اذا واحد من لاعبين الهلال ضيع كوره انواع الصراخ عليه والذب والضحك

اخوي لاتتعب عمرك

بيجيك الحين واحط مطفي النور ولا قرا الموضوع حتى بس قرا العنوان بيقعد يهايط وتلقاه هو من النوع الي بس كلام ف المنتدى اما لو جاء وقت الجد ماعندك احد

زاعجينا لكم اسبوع بنحضر وبنفلل واخر شي كذا والله شي يغبن بقوه

والله اني حاضر وطول المباراه مغبون من الجمهور بس 9000 الاف !!

ياخي وش تبون انتم عشان تحظرون تبون نجيب لكم ميسي ولا لاعب عالمي عشان تستانسون هذا كلامي للي يهايط وهو جالس فبيت امه وماعنده لاشغل ولا مشغله

ويجيب هنا ينتقد الاعبين انت عار على تشجيع الزعيم وماتمثلنا ياغالي

روح شجع لك اي نادي ماينافس على اي بطوله وبيكون وقتها عندك العذر انك ماتحظر

سلام

شوف كل لاعب وضعه يختلف عن الثاني

انا معاك المرشدي من خوفه انه يخطئ يقع في الخطأ غصب عليه علشان كذا تلزمه الثقه وتشجيع الجماهير وصدقني اللعب هذا حساس ويخاف انه يقصر في حق الهلال عشان كذا يرتبك

الفريدي = على قولة المثل ((غاسل وجهه بمرق)) بروووود واستعراض يضيع الكوره ولا يهمه والي يقهرك ضحكة اللامبالي .. يحسب انه يلعب بلايستيشن وممكن يعيد المباراة لو خسر الهلال مثلا
هذا الي ماينفع معه تشجيع ولا نعطيه فرصه ولا ما يحزنون لانه اصلا ماهمه ولا خاف على مشاعرك او تعب زملائه.. ويضيع مجهوداتهم وهو يضحك ...

الزوري انتقلت له عدوى البرود واللى مبالاة من المعلم الكبير الفريدي

والله انك صادق .. حنا الظاهر من كثر ما تشمتنا بالفرق الثانيه وجماهيرها الله بلانا من بعد ما كنا اقوى وافضل جماهير للهلال كانو جماهير الرياض الحين يا حليلك حتى مباراه الشباب اللي تعتبر مفصل في الدوري اللي كانت في الملز الحضور ٣٠٠٠ شي يفشل يا رجال خلها على ربك ويجلس يشربلي شاهي ويقول ( انا وش مشتهي بطوله هالموسم وهو في بيته ) ويتشرط ويجلس يلوم الاداره واللاعبين اذا ما جابوها وهو ما ادا دوره ك مشجع انا ما اطالبكم بالحضور كل مباراه بس لو كل مشجع في الرياض اختار ٤ مباريات في الدوري يحضرها ويحضر الاسويات كلها كان فرقت معانا اما انكم تذلونا بجيتكم ان جيتو جلستو تضحكون على لاعبينكم وتذبون على المرشدي والزوري والفريدي فكل كوره يلمسونها تصارخون عليه عمممركم ما جيتو اجلسو في بتكم ابركلكم ترا عادي الفريق يلعب بدون جمهور حتى ضغط ماعليه ضغط .. والله ان جمهور الهلال في الرياض صاير سلبي على مباريات الهلال ولاحظو كل مباريات الهلال في الرياض

فعلا اتفق معاك انا ما احمل الجماهير كل الذنب اولا واخيرا جماهير جالسه تحترق لكن مو بالطريقه هذي .. قسسم بالله ان المرشدي عنده امكانات المدافع والكابتن واطلق من هوساوي لكن المشكله نفسيه وعدم الثقه بالنفس من الجمهور الهلالي اللي ما ( يساعد ) .. مهما كان الفريدي والزوري باردين بدل التحطيم تشجيع موب اطلع برا والدقيقه ٥ ؟؟ ما امدانا نسمي اللا واحد من الجمهور اطلع برا يا فريدي والمصيبه الباقين معاهم معاهم عليهم عليهم كيف تبيه يعطي بالله وانت محاربه من اول دقيقه وتراه يسمع كان على الخط يعني مو فنص الملعب

فعلا جمهور الهلال في القصيم جمهور يشرف اي فريق جمهور عظيم متعطش للحضور .

اتمنى من اداره الهلال نقل مباريات الاسويه مره الشرقيه ومره القصيم لان للاسف جمهور الهلال في الرياض ما عندك احد يا اداره

جمهور الريااض اذا ملى الواااجهه زين للاسف يبط الكبد جمهور الرياااض
الف شكر للجمهوور الي حضر امس

للمعلوميه وما تمتلي الواجهه اللا بدعم مشجعين الهلال من المناطق القريبه للهلال واهمها القصيم والشرقيه واللا جمهور الهلال في الرياض اذا ملو المدرج الشمالي في الملز كثر الله خيرهم ما يعرفون يحضرون اللا في النهائي . الظاهر واحد لاعب عليهم وقايلهم ممنوع دخول مشجعين الرياض في غير المباريات النهائيه

فعلا صدقت واذا قلت الواقع زعلو قالو حنا حضرنا كم مره ما فاز .. ياخي الدوري الانجليزي فريق يتلطش من كل الفرق الانجليزيه وتشوف جمهوره يفتح النفس لان الجمهور جزء من الكيان والنادي بدون جمهور صعبه ينجز وتطالبه بحصد جميع البطولات وانت قاعد تتسدح في بيتكم وتشفط من بياله الشاهي .. تدري وش اللي غبني اكثر اني جايب معاي واحد نصراوي متعصب بس لعبت فعقله وقلت الجمهور بيمتلي وبيجون عالم واذا مو على شان الهلال عناد في ايران من يوم ما قلت ايران طقته الجميه وجا وليته ما جا جلس يذب علي انا وذالجمهور اللي جلست اسبوع اهايط فيه ويقول من زين الطبايع شف جمهورك يسب لعيبتكم من الدقيقه ٥ ويضحك !!

بالرياض صرت أحمد ربي إذا امتلت الواجههـ


يعطيگ العافيهـ

محد قال شي كل اللي انقال ان مباريات الهلال تنحط في مكان يحضرون فيه الجمهور اما حكايه اني اجلس اطالب اطالب اطالب انها تنحط في الملز وما احضر ؟ هذي مصيبه وانا لما اتعب على جمهور الهلال في الرياض اللي انا واحد منهم ... ان اكثريه جمهور الهلال متواجد في الرياض لانها ارض الهلال ومع ذلك ما يحضر هذا سبب العتب . اما جمهور الهلال اللي يفتح النفس فهو في الشرقيه والقصيم للامانه جمهور يبيض الوجه ومتعطش للحضور