هذا الموسم ششآهدنا عزوف جماهيري هلالي غير طبيعي !!

مباراة الامس أهم مباراة في الآسيوية وكان عدد الحضور 10 آلاف فقط !!!

مع انها يوم اربعاء والجو ممتاز والفريق مؤخراً حصل على بطولة !؟

الآن الأوضاع في الملعب الملز والاستاد جيده !

هناك تحسن كبير في بيئة الملاعب ..

الرياض يوجد بها على الأقل ما يقترب من المليون هلالي !!!

أين هم من الحضور لمؤازرة فريقهم ؟؟

أكثر فريق يحقق بطولات والنادي السعودي رقم 1 وجمهوره لا يحضر !!

واذا خسر الهلال او تعادل جن جنون جماهيره التي تتابع على الشاشات وتنتقد فلان وتشتم علان !!


السؤال :

ماذا تريد لكي تحضر للملعب في مباريات الهلال ؟؟

ما الأسباب التي تدعوك لعدم الحضور لمؤازرة الزعيم ؟؟


الجوآب لكم ...

.

##


جمهور الرياض خلاصص طفش ، كل اسبوع مباراه طبيعي بيطفش

والموسم الجاي راح يقل الحضور ..

وانا متأكد الـ 9 الاف الحاضرين البارح اغلبهم مو من الرياض ..

الحضور الجماهيري بالدوري في انخفاض وليس ف الهلال فقط بكل الانديه ..

جمهور متشبع وطفشان
لكن جمهور الهلال في المناطق الثانية مشتاق للهلال فتجده
اذا اقيمت مباراة مثلا في بريدة او الدمام
تلاقيهم معبين الملعب لأنهم جمهور مشتاقين
مو مثل جماهير الهلال في الرياض خلاص طفشو

بعدين جمهور الهلال في الرياض حق رسميات يعني بس يبي يجي يتابع المباراة بدون ما يشجع ولا اي شي
يعني فرق بين جمهورنا وجمهور الاهلي ولا الاتحاد الذين يأتون لأجل التشجيع والمؤازرة ويأتون بتيشرتات فريقهم وتلاقيهم مع الرابطة يشجعون
اما احنا الرابطة لحالها تشجع !!!!!!!!!!

إقتباس الرسالة الأصلية كتبت بواسطة فآإرس الحربي ## جمهور الرياض خلاصص طفش ، كل اسبوع مباراه طبيعي بيطفش والموسم الجاي راح يقل الحضور .. وانا متأكد الـ 9 الاف الحاضرين البارح اغلبهم مو من الرياض .. الحضور الجماهيري بالدوري في انخفاض وليس ف الهلال فقط بكل الانديه ..

جمهور الهلال يمثل نصف الجماهير الرياضية السعودية !!

لنشاهد جمهور الأهلي كيف يحضر ويؤازر فريقه وهم لا يمثلون سوا 15 % من الجماهير السعودية !!

جمهور الاتحاد والنصر فرقهم مستوياتها ترفع الضغط وع ذلك نشاهد حضور جيد لهم !!

إذاً المشكلة الأكبر في جمهور الهلال .. وخاصة جمهور الهلال بالريــاض !!

معاكم حق . وبصراحه شكل الملعب مخزي البارح لو كانت المبارأة في إستاذ الملك فهد الدولي .

جمهورالهلال ان حظر يحظرون سااكتين ولاكلمه

اتمنى من اي مشجع اذا بيجي وبيسكت اتمنى مايجي، يشاهد المباراه في بيته


والله اتمنى مباريات الزعيم تقاام عندنا في الجنوب ، وربي تشوفون حظوررر ولا في الآحلام

حضور ضعيف واذا حضروا ساكتين مافي الا الالتراس يعطيهم العااافيه
مايقعدون ولا يسكتون
واللي يقول كل اسبوع مباراه طفشوا
ياخي شوف جمهور الاهلي يعبي لك الملعب ويشجعوون
اللي يشوف حضورنا يقول ان النصر مو الهلال

طاعة الوالدة تفرض علي عدم الذّهاب للملعب

مباراه ذوب اهاااااااااااااااااااااااان 70 الف واخر شي لعيبه باردين وماهمهم احد ياشيخ منو اللي يقول الجمهور قسم انيي من الظهر متجهز ونحضر واخر شي تقولون ماتحضرون

انا عن نفسي حضرت مباراة امس وحضرت غالبية مباريات الهلال في الرياض

ويعلم الله اني كنت متفاعل مع رابطة الشباب الله يعطيهم العافية ومع الالتراس الهلالي

لكن كل يوم يزيد كرهي للملاعب اكثر

لعدة اسباب

عقليات الجماهير المتخلفة اذا وقفت تشجع قالو لك اجلس واذا جلست وقفوا الي قدامك

بالاضافة الى التدخين بشراهة مع خدمات الملاعب السيئة جداً مع ايضاً اكرر عقليات الجماهير المتخلفة

يعني مثال امس واحد وراي رفع ضغطي كل ما تجي الكورة عند الزوري انواع السب والشتم ورغم ان عمره بالاربعينات

جمهور الرياض خلاصص طفش ، كل اسبوع مباراه طبيعي بيطفش

والموسم الجاي راح يقل الحضور ..

وانا متأكد الـ 9 الاف الحاضرين البارح اغلبهم مو من الرياض ..

الحضور الجماهيري بالدوري في انخفاض وليس ف الهلال فقط بكل الانديه ..

ركب ابواب الكترونيه وخلني ادخل للملعب اخر ربع ساعه وخصص مكان للمدخنين وراح تشوف الملعب فل ..
افضل من اني احضر من العصر او حتى اول المغرب علشان لاعبين ممكن يكونون بيومهم ممكن لا ..

يا رجال ما نبي من الحضور الا 5 الالف بس يشجعون ويساندون الالتراس ...

والله كلامك صحيييييييييييح ..

انا جاي من مسافة 400 كيلو ووصلت الملعب الساعة 7 ونص وكنت خايف اني ما احصل تذكرة ولا احصل مقعد او اكن خلف المرمى !!

دخلت الملعب وجتني صدمة من الجمهوووور تمنيت وقتها اني ماقطعت هالمسافة !!! :/

والجمهور لا تشجيع ولا شي بس فصفص وسب في اللعيبة بالفاظ لا اخلاقية !

هاردلك يا هلااااااااااااااااااال


..