|
كلام عقلاني بعد المباراة ~ ممنوع دخول خفافيش الظلام اللي مانشوفهم الا وقت التعثر السلام عليكم ورحمة الله وبركاته هاردلكم يازعماء التعادل والحمدلله على كل حال * مباراة بدأت بقوه واندفاع هلالي و لعب جميل فجأه وبدون سابق انذار هوساوي يوقف الهلال بدلاً من ايقاف هجوم بيروزي تصرف ارعن من لاعب كبير ولانك كبير ياهوساوي من الصعب تقبل مثل هالخطأ * الكل اصابه الاحباط و وتخوفنا ان تضيع المباراة ولكن نجوم الهلال اعادوا المباراة الى وضعها من جديد سيطره هلاليه لكن للاسف بدون جدوى * الشلهوب لاعب من ذهب مهما انخفض مستواه لكن اذا احتاجه الزعيم مايخذله هرماش لاعب كبير ومكسب حقيقي للهلال المرشدي والزوري على كثر ما انتقدناكم المباريات السابقه لكن اليوم كنتوا في الموعد الفريدي لا تعليق !!! ولي .. العابد .. عزوز الدوسري .. من جد افتقدناكم * من المحزن ان الهلال حينما كان يملك افضل المحترفين لم يكن المحليين بذاك المستوى وحينما برز المحليين افتقدنا الاعب المحترف الحقيقي اللي ( يشيل ) فريق * نعم كنا نطمح بالفوز وبقوه ولم يتحقق الطموح لكن مو نهاية العالم وما خرجنا من البطوله ، ببساطه وكأن البطولة لم تبدأ بعد فكل فرق المجموعه على الهوا سوا * تابعت مباراة الغرافه والشباب الاماراتي وبصراحه ذهلت من مستوى الغرافه فهو متدني جداً حتى الشباب لم يكن ذاك الفريق المرعب و بيروزي فريق يدافع بعشره امام فريق ناقص باختصار هذه مجموعتنا فلا نهول الامور و نحملها اكثر ما تحتمل * انا لست ضد النقد فمدربنا تأخر في التغيرات و الفريدي يتعب الجمهور نفسياً والكوري يضيع بشكل عجيب ونعلم ان لدينا اخطاء لكن مشكلتنا يا ابيض يا اسود * تخيلوا لو ان الحكم احتسب ضربة جزاء الفريدي كيف ستكون الاحتفالات في المنتدى !!! * صدقوني الهلال بخير خصوصاً مع عودة المصابين و انسجام الفريق اكثر مع خطط المدرب ولكن هذا لا يعني ان الفريق لايحتاج المزيد والمزيد من العمل * اكثر شيء يريحني هو حينما تسأل اي احد من القائمين عن الشأن الهلالي عن اقتناعه بمستوى الهلال هو عدم الرضا وان الهلال يحتاج الى عمل اكثر اخيراً سؤال ابحث عن اجابته من سنين ليش كثير اعضاء مسجلين من سنين ولا لهم وجود في المنتدى الا في حالة التعثر علشان يجي يسب ويشتم و يقنع الجمهور ان الزعيم فريق ضعيف !!! ارجوكم ( الهلالي الحقيقي ) موجود وقت الفوز والهزيمه واذا انتقد تكلم باحترام عن الزعيم ومن يلبس شعاره وبلاش اسلوب تحبيط الجمهور وارسال اشارات اليأس وبث الروح الانهزاميه بين الهلاليين |
كلامك في السليم اليوم قدمنا مباراه حلوة بالرغم من الطرد واحنى تعادلنا وكذا المواضيع اجد لو خسرنا ايش بنشووف يعطيك العافيه |
اقسم برب الكعبه الشرهه مهب على المدرب الشرهه على الرئيس والله لو جايب مهاجم صح زي فكتور كان فزنا ثلاثه ولا اربعه اليوم ولا على الاقل جاب مدرب زي الناس يوظف اللعيبه اللي عنده صح مهب يلعب الفريدي وهالكوري المتخلف عقليا |
+1 كتبت فأبدعت بالتوفيق للهلال في المباراه القادمه |
كلام سليم جدا وعقلاني ومعك في كل نقطة قلتها لكن إنت قلت المدرب تأخر بالتغييرات هو فعلا تأخر ولكن بنفس الوقت لايلام يجازف ويهاجم وهو ينقصه لاعب في قلب الدفاع؟! واللي ينقصه مو أي مدافع بل أسد الدفاع هوساوي وبإذن الله الهلال راح يعود وكل مايحصل كبوه جواد لاهنت :smilie47::rose: |
كتبت فأبدعت بالتوفيق للهلال في المباراه القادمه |
اولا نقدم الشكر كل الشكر للعيبة اللي اليووم اثبتو بانهم رجال مهما حاول البعض فــ الزوري اثبت انه لعيب ويستحق شعار الززعيم والمرشدي كذلك لكن اللي ياتي وينتقد اللعيبه والمددرب هذا شخص فاضي اين اللي انتقدووو الزوري اين هم؟ على كل شخص انتقد الزوري والمرشدي ان يعتذرر والمبارة ممتازة وهوساوي سيبقى نجم ولا يوجد شخص لا يخطئ االا الذي لا يعمل فشكرا اسامه ولابد لكل جوواد كبوة هررماش نجم والشلهوب وشراحيلي |
حقيقة من أسلوبهم تعرفهم أنهم غير هلاليين المشجع الحقيقي يعرض المشكلة ويوضح الحلول اذا كان يستطيع أفضل من هالسب والشتم الي هو مايظهر الى في وقت اخفاق النادي رغم انه تعادل |
موضوع جميل ومنطقي صحيح جماهير عاطفيه لابعد درجه اجل فريق يخرج بالتعادل وهو ناقص والمجموعه كلها نقطه نقطه ومن اولها يقولون باي باي اسيا ياجماهير الهلال تكلمو بالمنطق لو مره وكونو ناس فاهمه وتعرف تتكلم وتحل بمنطق صحيح بيروزي سئ في الدوري لكن حتى هو له تاريخ وخلفه جماهير ولم ياتي ليسلم النتيجه لنا او لغيرنا النتيجه الحمدلله زينه وفضل من الله في ظل النقص العددي وعدم تكامل الفريق <!-- / message --><!-- controls -->http://vb.alhilal.com/images/misc/progress.gif |
فعلاً انا ايضاً شاهدت بعض من مباراة الغرافه وبصراحه لم يكن اقوى من بيروزي .. يعني وبإختصار مجموعتنا متوسطةة المسستوى .. والاقوى فيها نحن لولا ضروف المباراة لفزنا بنتجيه مرضيهه .. .. وانا مع المدرب بعدمم اشراك ولي هامسون في المباراة .. لان لو اشركه واصيب لكثرة الالتحامات مع الايرانيين لقدرالله لعادت له الاصابه من جديد .. .. الكوري والفريدي بصصراحهه نو كومنننننت !!!! .. المرشدي والزوري قدمووا مباراه ممتازه نوعاً ما ، .. حظوظ الهلال في هذه البطوله باتت كبيييره .. لتعادللل جمييع فرق مجموعته ولله الحممد (= .. بالتوووفيق للزعيييم بمشوارهه الاسيوي .. وانا من اشد المتفائلين بهذه البططوله .. .. موضوع تشششكر عليييه .. ^^ |
كلام جميل من حسن حظنا تعادل المجموعه كامله والانديه في المجموعه عامه ماهي بذيك القوه لكن استمرار الهلال في تضييع الفرص هي اللي بتودينا بداهيه اتمنى ما تضغطون على الاعبين وخصوصا هوساوي الاعب اخطأ كان بإمكانه يخليها تدخل بدل لاتصير المصيبه مصيبتين لكن دفاعه عن مرماه ممكن افقده التركيز الله يعين والحمدلله على كل حال بالتوفيق للزعيم والله يرزقنا بالفوز والتوفيق في جميع مبارياتنا يارب يعطيك العافيه |
إقتباس:
واذا سوينا مقارنه بسيطه بينه وبين العربي ( من ناحيه نسبة تسجيل الاهداف ) فالعربي يتفوق عليه طبعاً نسبة التسجيل بدون ضربات الجزاء وممكن تقول لي فكتور وش سوا لفريقه اليوم اللي كاد يخرج بفضيحه لولا توفيق حارسه ياسر المسيليم |
اليوم المدرب هو من قيد الهلال بالاضافة الى الحركة الغريبة من هوساوي ومايفعله الفريدي اقرب الى العبط ولعب الحواري خلاف ذلك اللاعبين اجتهدوا وحاولوا ولو كان العربي و ولي أساسيين من بداية المباراة لكانت اسهل بداية للزعيم |
قلت كل الي ابيه ماشاء الله عليك |
إقتباس:
لكن كان بإمكانه التغيير تغيير واحد مبكر وتأخير الثاني والثالث لكن للاسف غيير تغيرين بوقت واحد وتغير ثالث قبل نهاية المباراة بثلاث دقائق !!! |
| الوقت المعتمد في المنتدى بتوقيت جرينتش +3.
الوقت الان » 03:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd