احترموا عقلية المشجع الهلالي
 

طبعاً لي موضوع سابق بخصوص إهداءات الفريق الألومبي للفرق الأخرى وتجاوزت لايقل عن 13 نقطة ، ماأدري وش اسمها زكاة موسمية اعتادوا عليها ، ولا كبش الفداء اللي صرح فيه أحد مسئولي الإدارة الهلالية دون ادنى حياء لنفسه وحياء من الآخرين !!!
لاأريد أن أكرر الكلام .. فقد سبق وأن باركت للفريق الأهلاوي لتقديمنا له هذه البطولة بطبق من ذهب !!!
وبالنسبة لي الموضوع محسوم أصلن من التعادل مع الفيصلي لأنها عملية تراكمية تزيد من عوامل الضغط على الفريق مما يسبب للفريق عدم تركيز والركض خلف الكرة من غير تركيز فيكون حال اللاعب أشبه مايكون بذلك المعتوه الذي يجري لايلوي على شي ، وكأنه يريد أن يتمسك بحبال اللاشيء ، ولا أدل على ذلك من الكرة الغريبة التي تعامل معها بدر المرشدي في أخر الوقت !!
عموما المسألة مو مسألة ضياع فرصة .. هي المسألة أكبر من كذا .. كان بإمكان الفريق أفضل مما كان ( لو أن البدايات كانت صحيحة ) وتنمية ثقة اللاعب بنفسه وثقته بزملائه وثقته بفريقه ، فهي منظومة متكاملة والكلام يطول في هذا ..
وبالمناسبة .. الحاصل الآن في الألومبي ألقى بظلاله حتى على مستوى الشباب والناشئين .. والأمل الوحيد في الناشئين أيضاً محاط بمخاوف وحذر ..
فأين الخطط الاستراتيجية والمبنية على قوة وثقة صناع القرار ؟؟
أنا أحترم كل من يعمل وكل من يضحي من وقته وكل من يحمل هم .. لكن مع احترامي للجميع يجب أن تحترم عقلية المشجع الهلالي .. مع تمنياتي للجميع بالتوفيق

مع كامل احترامي لك يا أخ ماجد لكن لو شاهدت مستوى الفريق كان ما قلت كلامك هذا لأن في بداية الدوري ( على ما أعتقد ) حقق تسع انتصارات متتالية وبنتائج كبيرة بالخمسة والثمانية ... الخ
لكن بعد ما تم سحب نجوم الفريق مثل سالم الدوسري وسلمان الفرج وسلطان البيشي صار فيه خلل بالفريق ولا تنسى الغيابات والاصابات التي سببت ربكة بالفريق وحيرت المدرب بونان
الذي شاهدناه نجم في كأس ولي العهد حيث انتشل الفريق وقاده للنهائي بعد تخطي النصر والاتحاد
ولا ننسى الطامة الكبرى التحكيم الذي يطاردنا في عدة مباريات ولعل أخرها مباراة الأمس مع النصر وقبلها مع الأهلي ولا ننسى الحظ العاثر للاعبين الذي سبب انعدام في التركيز
أتمنى منك يا اخ ماجد في النهاية أن تكون منصفاً نوعاً ما ولننظر الى المكسب الرئيسي هذا العام وهو اكتشاف نجوم جدد للزعيم بغض النظر عن غياب البطولة وان شاء الله العام القادم البطولة هلالية وتقبل تحياتي ومروري وشكراً للجميع.

الاولمبي تأثر بالاصابات وسحب الاعبين للفريق الاول . طارت علينا البطوله نقو مبروك للاهلي

كلامك صحيح وأتفق معك فيه .. بس لاحظ إنك ذكرت في بداية الدور الأول !
أوكي هالنجوم اللي إنت ذكرت وأتفق معك إنهم رفعوا من مستوى الفريق الأول لكن هذولا الله يطولي بعمرك مافيه آلية معينة في طريقة توقيت سحبهم ورجوعهم من خلالها تكون العملية منظمة أكثر شوي .. ولا بس خذني جيتك ؟
هاذي من جهة .. الشي الأخر : المسألة مو محصورة بعملية جلب بعض العناصر المهمة للفريق الأول .. المسألة مسألة خطط استراتيجية وتهيئة بنية تحتية مستقلة للفرق السنية كلاً على حدة لاسيما الفريق الأولومبي بصرف النظر عن احتياجات الفريق الأول .. وصدقني والله العظيم مو معنى كلامي هذا تهميش لكل الجهود المبذولة .. بس محتاجين شوي احترافية لعملية التنظيم والآليات .. بل حتى ياأخي التصاريح .. ولا كيف يجيك واحد مسئول عن كلامه : ويقول : لابد من كبش فداء لأحد بطولات الفئات السنية ؟؟ بل عليك هذا كلام يصدر من شخص محترف؟ والله يستر ماتصل هالفكرة للاعبين الفريق الأول ! ولا ودي أتوسع ويتشعب الموضوع
أما مسألة التحكيم والحظ العاثر فأعتقد هلالنا أكبر بكثير من هالأمور هاذي وإن كنت اتفق معك في مسألة الحظ إلا إنه حتى الحظ العاثر من وين نشأ الله يطولي بعمرك ؟
مو بسبب الضغط النفسي .. والتشتيت الذهني .. وعدم التهيئة النفسية .. وأفضل مثال شاهد على كلامي مباراة هجر .. بعدين لاتنسى إنت تتكلم عن فريق بطل مو أي فريق .. يعني مثلا لو تتخيل برشلونة أو الريال ينهزم من فريق سيرلنكي ولا هندي مع احترامي ويجيك ميسي ولا كريستيانو ويعلق سبب هزيمته للتحكيم او الحظ ؟؟؟
على أية حال : أنا موضوعي أكبر من مسألة تحكيم ولا حظ ولا مباراة أو مبارتين
انا عندي قراءة معينة .. وأعتقد جميع الزملاء هنا مستوعبين الوضع الحاصل .. وظني انك أنت أيضاً مستوعب بعض الأمور اللي تحتاج للمعالجة وتصحيح الأوضاع
أنا أمانة ماودي أتوسع أكثر بالموضوع .. بس أتوقع الفكرة وصلت .

ان شاء الله يتعدل الوووووضع المهم انهم يجتهددددون وكل شئ باالتووووافيق ومبررروك للاهلي البطوووولة شكرررررررياتي

السنه ذي فريقنا افضل نتائج ولاعبين من السنه اللي راحت
كنا في المركز العاشر
والسنه ذي كنت متفائله بالبطوله
لكن مانقول الا الحمدلله على كل حال
والاهم يكون عندنا لاعبين مميزين نستفيد منهم في السنوات القادمه
لكن اتمنى من المسؤولين عن الهلال بكافة فئاته انهم يعملون اضعاف مايعمل الاخرون
ان كنا نريد استمرار الزعيم منافسا فكلها كم شهر او سنه وندخل عالم الخصخصه
وقتها كل الانديه بتستفيد واكيد بتصير اقوى
بس عندي
سؤال وين الامير اللي كان معهم في بدايه الموسم
واظنه كان هو المتكفل بكل مايخص الفريق بس الدور الثاني كله ماشفته

أتوقع إني أجبت للأخ اللي تداخل معي قبل تداخلك بما يتعلق بمسألة دعم الفريق الأولمبي واتفقت معه مثل ماأنا اتفق معك الآن إنه مو مشكلة في مسألة الدعم وبالعكس هذا شي يسجل ويحسب للإدارة في ذلك .. بس أنا كلامي عن آلية نظام تتعامل باحترافية ، وإذا فيه استثناءات تكون مقننة ومشروطه ، استراتيجيات ، خطط ، خلق بنية تحتيه ، خطة بعيدة مدى ، خطة تحقيق ثلاثية للفئات السنية بجميع مراحلها ..!!
وأشياء وأشياء وأنا اخوك مايتسع المجال لذكرها ...
وأنا واخوك ماجينا هنا نستعرض عضلات ولا نتفلسف كلام من الهواء .. أنا والله ماكتبت الا بعد ماحرقولي أعصابي بعد مباراة هجر والفيصلي وكملوها زيادة بمباراة النصر .. هاذي نتائج وأنا اخوك .. والنتائج تحكم .. لاتجي وتقولي حظ وتحكيم .. البطل يظل بطل .. صحيح ربما الحظ والتحكيم يلعب دوره بس متى ؟ أنا اقولك :
الحظ والتحكيم يلعبون دورهم يوم ماتصطدم بفريق بطل قوي محترف مثلك ، مو فريق مثل هجر ولا القادسية ولا الفيصلي ولا النصر مع كامل احترامي لهم
ياأخي إذا فيه ناس باردين ماهمهم شي هاذي مشكلتهم هم مو مشكلتي انا ككاتب أكتب وفق قراءة أشوفها من غير مجاملات .. صحيح مصلحة النادي فوق راسي بس مو بالطريقة هاذي .. نتواطاكم وانتم تشوفون واسكتوا .. ياخي ترى الصبر له حدود ..
أما مسألة سمو الأمير بندر بن محمد الله يسلمه ويشكر لكل جهوده المبذوله : فأنا ذكرت قبل كذا إني ماأقصده ، وحتى إني ماأقصد لكل المسئولين في الفئات السنية وإنما أتكلم عن ( بعض ) من أنيطت بهم مهمة إدارة الفئات السنية من الجهازين الفني والإداري ... أما سمو الأمير بندر فجزاه الله خير قدم الشي الكثير لهذا النادي وسبق وأن ذكرت انه سموه مو بحاجة لأن يشيد به أحد ،
وبالمناسبة ترى مافيه أحد معصوم من الخطأ وأنا اخوك .. الخطأ وارد .. لكن المشكلة إن الخطأ يوصل لمرحلة كوارثية .. هنا لايمكن السكوت ..

أنا متفق معك ان شاء الله ما فيه اختلاف أنا قصدي حصل فيه أيدي خارجية سببت خسائر الهلال الأخيرة أما الباقي أنا متفق معك فيه وحتى لو ما فيه أخطاء التطوير مطلوب وتقبل تحياتي وشكراً.

.....بتوفيق ان شاء الله.....

عدم فوزنا في كاس فيصل التسريح الامير نواف بن سعد---- الشديد
على التحكيم الغير مبرر مما افقد الفريق على البطوله

يارجال خلوها صدقة عليهم المرة هذي,,,,,,,,,,الف شكر

الأخطاء من جهات عدة وأبرزها
سالم الدوسري الذي كان مبدعا في الأولمبي صعد للفريق الأول .
التحكيم ثم التحكيم ثم التحكيم .