|
هل لاحظتم هذا الشي او فكرتم فيه مثلي000 بسم الله الرحمن الرحيم والصلاه والسلام على اشرف الخلق نبينا محمد السلام عليكم ورحمة الله احبتي جماهير الهلال هذه السنه لاحظت شي في فريقنا ولاعبينا وهو ان الاعبين يبدعون ويفوزون في المباريات التي يكون فيها حضور جماهير كبيره عكس لما يكون الحضور قليل واليكم الادله في مباراه هجر والهلال في الاحساء بدايه الدوري رغم سؤ المستوى مع دول ورغم تخلفهم بهدف في الشوط الاول الا انهم فازو كذلك في بريده سيطرو وسجلو وحتى وان كان هدف وحيداضافه الى رباعيه الاهلي ثلاثه النصر ثنائيه الاتحاد في الكاس والدوري0 نهائي كاس ولي العهد يعني يالرقم الصعب فريقنا صار يستمتع بوجودكم خلفه ويتراقصون على اهازيج اتراسنا وموجنا الازرق فالله الله بالحضور لن يرضينا 15الف الو حتى 20 الف لن نرضى الا بان الملز يتفلل مافيه عذر لجميع من يقول انا هلالي فريق مميز ربوع بطوله مهمه فياليت اشوف حضوركم في جميع المباريات المتبقيه للفريق سوى محليا او خارجيا وبشكل مرعب اخيرا لاتنسون -حملة كلنا اتراس كلنا موج يغرق من يقف في وجه زعيمنا الملكي |
اختي الحضور الكثيف له ايجابياته في رفع الروح المعنويه للاعبين هذا مافيه شك ولكن بمجرد ان يحرز الخصم هدف ويبدا الوقت بالنفاذ يبدا التاثير السلبي للفريق كما حصل لو تذكري مع ذوب آهان الملعب فل بس الضغط وسوء المستوى ادى لتاثير سلبي عاللاعبين وبالنسبه لمباراة الهلال وبيروزي لا اختي اتطمني انه حيتفلل لانه دائما او غالبا في مباريات الهلال الاسيويه التمهيديه(المجموعات) يحضر في استاد الملك فهد قرابة 25000 وهذا العدد نجده قليل بالنسبه لسعة الملعب(70000) والملز سعته 23000 يعني راح يمتلي بإذن الله لاتهممي وشطحه أخيره انتي متعمده تكتبي النثر ولا غلطتي بما انه حرف الثاء مجاور للصاد هههههههههههه ربي يوفقك ويخليك ومشكوره عالموضوع |
الحين بيجون بعض الجماهير الي مايعرفون شكل المدرج يقولون حضرنا مباراه ذوب اهان ولا فزنا !! اتفق معك الحضور الجماهيري يعطي دافع معنوي للفريق يمكن يصير تاثيره سلبي على خصم كلنا شفنا لاعبين الغرافه بدور8 كيف تمريراتهم خطىء من صافرات الاستهجان باذن الله الجمهور يكون على الموعد عوافي |
إقتباس:
ذيك المباراه الله ماراد لنا فيها الفوز وانا لا اقول ولا اجزم بان الحضور الكثيف يجلب الفوز فهذا شي بقدرة الله بس انا حبيت اقول ان لاعبين السنه ذي عكس السنوات اللي راحت صارو يمتعون بوجود الجماهير خلفهم فهم يستمدون منهم القوه بعد توفيق الله اما ملاحظتك لا والله بالغلط لانه مو من طبعي اغير في اسماء الانديه او استهزي بها لاني بحاسب على ماكتب رغم كرهي لهم بس نفسي اهم منهم |
بأذن الله جمهور الرياض مايقصرررر بالتووفيق للهلال في المبارة وان شاء الله اول 3 نقاط |
والله جمهور الهلال مو فالحين يحضرون الا في مباريات النصر بس لكن المباريات الاسيويه والمهمه الله المستعان اتوقع بيكون حضور يسود الوجه لكن اتمنى من الله ان الجمهور يحضر |
إقتباس:
الي ابي اوصل له انه مو لازم يحضر الجمهور ونفوز لانه مرات يكون تاثيره سلبي وبينت لك متى يكون سلبي ولكن اهم شي يكون التفاعل من الجمهور ايجابي مو فصفص ومتابعه عالصامت ويصير حضوره زي عدمه نبي مشجعين مو متفرجين وتقبلي تحياتي ياكارهه للنثر هههههههههههه |
الحضور مهم جدا يبث الروح والحماس وان شاء الله الجمهور يبيض للوجه |
انا مع رد اخوي الشفق الازرق في بعضه شي طبيعي لما يكون في حظور جماهيري تلاقين حماس بالملعب وفنيات ومهارات مو بس الهلال كل الانديه والمنتخبات لو لعب برشلونه وريال مدريد من دون جمهور اتوقع راح تشوفين مباراة عاديه الجمهور يزيد من حماس المباراة وهذا اللي نتوقعه من جماهيرنا يوم الاربعاء الحظووووووووووووووووووور |
اهمم شي الحماس ووش الفايده اذا تفلل الملعب وقعدو ساكتين !!! |
للأسف جمهور الهلال ثقافة التشجيع عنده معدومه وليسمحولي على ذلك ولكن هاذا الواقع وهي ترجع بالأساس لثقافة مجتمع وطبعة وأسلوبة يعني ان ملئ الملعب على بكرة أبيه انا معك بيكون دافع ككككبير جدا لكن لو اكتمل هالشي بالتشجيع المميز سوف يكون أجمل عموما مانبي اكبر من طاقتهم اهم شي بس الحضور تحياتي لك |
يعطيك العافيه على الموضوع الي يفتح اعين بعض مشجعين زعيمنا . بخصوص الحضور له إجابياته و إجابيات فعاله جدا و وقويه ، اولا رفع الروح المعنويه ، و الثاني زيادة حماس الاعبين ، ثالثا إخافة او إرعاب الفريق الخصم و إرباكه ، هذه اهم المعالم التي تعطي فرص الفوز اكبر لفريقنا إن كان الحضور الجماهيري مرعب وليس ممتلئ . نرجع للماضي قليلاً : هدف سيرجيو في الأسيويه و هو هدف الفوز كان الجمهور و انا كنت من ضمن هذا الجمهور كان جمهور كثيف جداً و مرعب في الملعب . اتمنى من الجمهور دعم الكيان و الفريق و نترك الماضي الذي رحل حتى لو خسر ندعم الرئيس و نائب الرئيس و الجهاز الفني و الإداري و الاعبين ما قصرو بطولات على مر 5 سنوات فهم يستحقون التشجيع . إن شاء الله يكون الحضور الجماهيري ممتلئ و مرعب او مخيف لفريق الخصم ، وانا إن شاء الله اول الحاضرين للملعب . تقبل مروري دمت بود |
بإذن الله هوآمير الصحراء مايقصرون بيحضرون وليس أي حضور ولكن حضور الزعماء غير تشوفونه إنتظروا بس موقعه الأربعاء .. حآضرين بإذن الله من المدينة المنورة لعيون الزعآمه |
في الحقيقه والوآقع ..>> يعدل العقآآل .. بالفعل هذآآ اللي صآآيـر .. بـس ايش نسوي تعبناا واحناا نتكلم .. اتمنى يصير عند اللاعبين [ منآآعه ] .. حتى لو الحضور 14 شخص .. ماتفرق عندهم |
آلله يعطيكم آلف عآفيةة ... :rose: إن شآء آلله نشوف آلملعب فل وجمآهير آلزعيم قدهآ وقدود ... |
| الوقت المعتمد في المنتدى بتوقيت جرينتش +3.
الوقت الان » 09:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd