|
على مستوى القطاعات السنية النصر يتفوق على الزعيم بسم الله الرحمن الرحيم صحيح عنوان موضوعي سيزعل منه الزعماء لكن من واقع متابعتي هذه السنة لفرق قطاعات السنية هذه السنة الالومبي الشباب الناشئين للزعيم وان كان الالومبي افضلهم لكن الباقي بدون مستوى فاالاعبين اقل من مستوى الهلال قد يكون الاختيار عشوائي او يخضع للمجاملات والمدربين مستواهم اقل من عادي بإستثناء مدرب الالومبي بونان.. أنا أتكلم عن نادي يملك من الاماكانيات ما يجعله ينتج لاعبين على مستوى عالي واقرب شي مبارة الهلال مع اولمبي النصر انهزم بثلاثة قبل أسبوعين وهذا الناشئين يلحق به بالثلاثة في أسبوعين .. في الحراسة مستوى سيئ جدا والدفاع كذلك والاعبين يلعبون لعب فردي جدًا والبنية غيرجيدة اين المستكشفين بالهلال اين الاختيار الجيد من الحواري .. الهلال بحاجة سريعة لمعالجة القطاعات السنية قبل فوات الأوان خصوصآ بأنها الرافد الاساسي للفريق الاول ودمتم بألف خير... |
سألو عبد الكريم الجاسر عن الموضوع هذا فكان الرد أن الهلال لايهتم بالبطولات في الفئات السنيه بقدر مايهتم بالمواهب وتنميتها وصقلها بالنسبه لي كلام مقنع ومنطقي |
ان شاءالله يتم تصحيح الاخطاء هارد لك الخساره |
لا تنسى درجة الشباب انهزمو الاسبوع الماضي من النصر يعني ناشئين وشباب واولمبي في شهر واحد انهزمو من الاصفر الصغير |
بصراحة الاهتمام بالمواهب شي جميل والتعود ع البطولات أجمل من الصغر كل التوفيق لزعيمنا في جميع القطاعات السنيه تقبل مروري .. |
هههههههههههه اللي ينتظر بطولات من الصغااار أقوله منت فاااهم !!! تدري ليه ؟؟ لان مايهم الفريق الاول بطولاتهم الاهم أني اصقلهم وانمي موهبتهم وأطلع منهم رجااااااال قادرين على حسم النهائيات مثل اللي حاصل بالملكي الان ..اللهما لاحسد العابد عزوز البيشي الدوسري الفرج القرني خيرات ..الخ ودي وتقديري .. |
الفريق اليوم قدم مباراه جيده نوعا ما ولكن - الدفاع كان مهزوز بشكل كبير جدا - الحكم كان قاسيا على الصغار ضربة جزاء تشبه ضربة الجزاء المحتسبه للنصر - الغى الحكم هدف صحيح لاغبار عليه الفريق لايحسب له هدف ولا بلنتي والكروت توزع بالمجان لاتلوم الصغار ابدا ليس تبرير الهزيمه لكن الشوط الثاني ونهاية الشوط الاول استحواذ هلالي لايمكن للفريق يسر واقدامه مثقلة بالحديد ( حكم ) اذا لنقول لهم هاردلك وبالتوفيق قادما |
أسمح لي أقولك كلامك غير صحيح ونظرتك الفنيه بنيتها فقطعلى المواجهات المباشره بين الهلال والنصر وحكمة من خلالها أنهم الأفضل!!! راجع جداول الترتيب في كل القطاعات السنيه ستجد ان الهلال أما الأول أو الثاني في الترتيب وفي الجهه الأخرى تجد ترتيب النصر من الخامس وانت نازل... على مستوى الأولومبي الزعيم ثاني الترتيب بفارق نقطتين فقط عن المتصدر الأهلي... على مستوى الناشئين الذي مسحت تفوقه بسبب هزيمة اليوم الهلال متصدر الترتيب ويقدمنتائج قويه بينما النصر في المركز الثالث حتى بعد فوزهم اليوم لم يتغير شيئ... الفريق الوحيد الذي يحتاج مراقبه أكثر وعنايه أكثر هم درجة الشباب لأنهم خارج المنافسه مع الأسف... أخيرا:: لا يجب أن يكون التقييم من واقع نظره قاصره ومحدوده او بناء على مباراه عابره...أنظر ماهي مكتسبات الفريق بشكل عام وتوفر المواهب في كل قطاع من القطاعات السنيه ثم احكم بعدها... الزعيم في كل درجاته يملك مواهب مميزه جدا ويكفي أن أقول لك ان اللاعبين الذي تم تصعيدهم للفريق الأول لم يكونوا متصدرين الدوري الأولومبي بل كانوا في مراكز متأخره لكن انظر ماذا أخردنا منه!! سالم الدوسري_ وسلطان البيشي_وشافي الدوسري_رضوان الموسى_محمد القرني_عبدالله الدوسري_سلمان الفرج ووووألخ فريق كامل من النجوم أخرجناه من مدرسة الهلال الخاصه وأصبحوا بفضل الله يقارعون اكبر اللاعبين الدوليين في الفرق الأخرى بل ويتفوقون عليهم بسهوله لأنهم يملكون الموهبه وهي اهم من النتائج العابره التي تنتظرها. |
أولاً كلامك غير دقيق فالهلال حالياً وضعه أفضل من النصر في الترتيب العام ناشئين وأولمبي ثانياً بالنسبة للأولمبي الفريق كله مصعد للأول تخيل العابد وسالم والبيشي والفرج والقرني وشراحيلي هم أعمدة الأولمبي يلعبون في الأول , بعكس النصر مافيه غير غالب بالفريق الأول ثالثاً وهي الأهم : العمل الصحيح في الفئات السنية هو إعداد واقتناص المواهب وليس تحقيق البطولات , أذكر الفريدي في الفئات السنية طول عمره احتياط لصالح الغوينم , وسالم الدوسري احتياط لباهبري والفهمي ,,, ويوم جا الجد شف من اللي خطف الأضواء ومن اللي ماهو قادر يثبت نفسه |
لو كان النصر افضل من الهلال في الفئات السنيه كان شفنا احد منهم بالفريق الاول بس م فيه غير غالب اما الهلال كل شهر موهبه خارقه تصعد للفريق الاول اللهم لاحسد تقبل مروري |
مشكلة الفئات السنية المجاملات والواسطات بصراحة لابد من التمعن في اختيار اللاعبين وهذا بسبب الاهمال فالهلال يحتاج لاكاديمية مواهب اللاعبين كمثل اكاديمية الاهلي لماذا لاينشا مثل هذه الاكاديمية بدل من اختيار اللاعبين عشوائي . |
يا اخوي المراحل السنيه مو مهم فيها البطولات المهم الاعداد طيب النصر مميز بفئاته هل تقول الأولمبي افضل من اولمبي الهلال طبعا لا ولا الفريق الأول طلعلي لاعب فيه نصراوي من فئات النصر شوف لاعبي الهلال اغلبهم كانو بالفئات وشوف الحين شباب الهلال افضل من نادي النصر بكبره |
بصراحه انا اشك في اعمار لاعبي النصر واضح من اجسامهم واشكالهم انهم اكبر من لاعبي الهلال واضح انهم اكبر مزورين باعمارهم وفيه من يدعمهم بالتزوير لاعبين الهلال16 سنه ولاعبين النصر 19و20 والله لو حنا نجهل باشكالهم مع لاعبين الهلال لاكن الوعد الفريق الاول خلهم يزورن بالفريق الاول بيدينهم ورجلينهم ((الخمسه)) وراهم وراهم........وواضح من تصريح عبد الكريم الجاسر نهتم بالمواهب ونصقلها:alzaeem::alzaeem::alzaeem::alzaeem::alzaeem: |
واضح اليوم ان اعمار النصر مو صحيحه و بالاضافه للحكم الظالم لهما الاثر السلبي في مجريات المباراه و بعدين الكبار ما يقدرون تحملون كبر الملعب شلون الصغار !! و ان شاء الله الامير بندر بن محمد ما يقصر بالتوفيق للزعيم في كل فئلته السنية |
سألو عبد الكريم الجاسر عن الموضوع هذا فكان الرد أن الهلال لايهتم بالبطولات في الفئات السنيه بقدر مايهتم بالمواهب وتنميتها وصقلها بالنسبه لي كلام مقنع ومنطقي |
يعطيك الف عافيه يــــــــا اخوي على الموضوع تحياتي |
الهلال الاول يااااااااااااااااااااااااااابوي بالناشئين أسمح لي أقولك كلامك غير صحيح ونظرتك الفنيه بنيتها فقطعلى المواجهات المباشره بين الهلال والنصر وحكمة من خلالها أنهم الأفضل!!! راجع جداول الترتيب في كل القطاعات السنيه ستجد ان الهلال أما الأول أو الثاني في الترتيب وفي الجهه الأخرى تجد ترتيب النصر من الخامس وانت نازل... |
انا تابعت اليوم المباراة بصراحة مستواهم رائع لكن اخطاء فرديه هي السبب في الهزيمه وفي الشوط الثاني كان الحظ معاندنا لكن باذن الله بيكون لهم مستقبل هالزعماء الصغار |
شكرًا على مروركم على الموضوع وأشكركم على توضيح كل الامور بس والله ماهمي البطولات ولا ركزت في موضوعي على البطولات ان ركزت على الية اختيار الاعبين وعلى المدربين وبالعكس مدحت الالومبي والمدرب بونان لكن أنا أتكلم عن لاعبين تكون مواصفاتهم جيدة من ناحية البنية والسرعة المهارة وايضآ ان لا انكر ان اللهلال اخرج لنا في السنتين الاخيرة البيشي والفرج والقرني والعابد لكن خوفي اننا نتوقف على ذولي الاعبين لسنوات بسبب عدم حسن الاختيار ولا احد يقول مافيه محسوبيات لانه يوجد عدة لاعبين يقربون للاعب معتزل ونقدر ماقدمه للزعيم لكن لا يكون تكريمه بتسجيل الاعبين ومستواهم اقل من عادي واللبيب بالإشارة يفهم.... |
أنا لم أمدح النصر لكن مقارنة بما لدى الهلال من امكانيات المفروض يكون المستوى العكس وشف حارس النصر كيف مستواه شاهدته مرتين ما شاء الله مبدع وشف حارس الهلال حتئ أبجديات الحراسه لا يتقنها انها آلية اختيار الاعبين أليس من حقنا ان نطرح تلك الملاحظات،،، |
الله يعطيك الف عافيه اخوي بالفعل النصر صار يهتم بهالقطاع اكثر مننا |
انا ارى البعض يتهاون بالقطاعات الصغير ويقول لايهم البطولات الصغير يا حلوين هذولا رح يلاقون نفس الي هزموهم من النصر بالفريق الاول بعد فتره يعني رح تكون المعنويات مهزوزه انهم هزموهم بالصغر وامكن يكرروها بالكبر والله يستر على الزمن الجاي |
الاهلي والنصر عندهم نجوم في الفئات زي الشهراني |
| الوقت المعتمد في المنتدى بتوقيت جرينتش +3.
الوقت الان » 04:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd