|
ماجد المرشدي ..... شكرا لك ابدعت في مبارة الاتحاد اوجه شكر خاص للاعب ماجد المرشديs13s الصراحه اللاعب ماقصر الليوم وكان وحش بكل معنى الكلمة لاجيني احد يقول يمرر خطاء ولا له اخطاء كل العيبه لهم اخطاء ولكن اذا كان فيه لاعب شال الهلال اليوم فهو المرشدي والدليل الكره الاخيرة الي ماطلعها كان واضح عليه الارهاق والتعب وكله من اجل الزعيم والصراحه ماكتبت الكلام هذا الى لما شفت فيه هجوم على اللعاب الي الصراحه انا اشوف مستواه تحسن وقاعد يعطي الهلال كل مايستطيع وشكرا لكم |
مع احترامي له اليوم باين عليه مرتبك |
قسم بالله نجم اليوم وماقصر لاهو ولا خيرااات الله يعطيهم العااافيه ياااارب |
الف مبروك الفوز ويعطيهم الف عافيه حسن والمرشدي صراحه ماقصرو ولايهون البقيه |
الإتحاد أصلاً يلعب بلاهويه .. فريق أستهلك كثير يبيله تجديد كامل وهو حالياً لايقدم شيء .. عن أي جهد وتعب تتحدث عنه ولا شايل الفريق بعد :s5s: .. الإتحاد بغى بكورتين يسجل وكلها أغلاط من المرشدي حتى خيرات ماشفنا منه خطأ .. المشكله ماهو خطأ وبس يعني عايدي لا خطأ عن مليون خطأ لولاً الحظ ماكان معنا بهالكورتين كان دخلت بالشباك خصوصاً بالكوره حقته اللي ييبي يثبتها مدري وش يبي يسوي فيها لكن الحمد الله عدت سليمه .. ماهو عشان الهلال حافظ على نضافة شباكه قلت هالكلام !! الإتحاد فريق مدري وش أقولك أصلاً ماشفت جمله تكتيكه لهم ولا شيء .. بكورتين بس وكلها خطأ فضيع من المرشدي اللي تتحدث عنه .. رأيي إن المرشدي أصبح نكبه من بعد كأس الخليج اللي خذا فيها أفضل لاعب والله يخلي هوساوي اللي مابين أخطاء المرشدي الفضيعه بالدفاع .. لاهنت أخوي :rose: |
ماشال فريقك اليوم الا هرماش والعابد فقط قال المرشدي والله لو انه جاي الهدف اللي من رجله وانهزمنا او تعادلنا ماقلت كذا قال شايل فريقنا الا قصدك النكبه شف اي كوره لاعب ضد المرشدي لازم يكسب خطا ماياخذ الكوره بدون مايتسبب في فاول الله يصبرنا بس بكره يجينا الانديه الكوريه والايرانيه وتعرفون المرشدي |
من جد ماقصرو ابد وبالنسبة للاتباك ما اتوقع انه مرتبك لكن الارهاق واضح عليهم وطبيعة الجو مؤثرة جدا |
يارجل عاد مايوصل حبك للاعب انك تستغفل الجمهور للدرجة هذي !! ما أتوقع فيه شخص عاقل فاهم كورة زين يقول ان المرشدي ابدع (مع احترامي لك ), اليوم نكبة لاتمريرات زي الناس وفي كورتين اللي وصلوا في الاتحاد كاد ان يجيب العيد !! مع الاتحاد سلمنا , لكن على مستواه ما اتوقع نسلم في مباريات ثانيه !! مو كل مره تسلم الجره , واعان الله جمهور الهلال على العاهات الموجودة في دفاعنا !! |
شكرا ماجد واصل واعمل على تعديل اخطاءك في القادم من المباريات وستكون بأذن الله وقتها تنال رضى جميع الجماهير شكرا شكرا لك ولخيرات ما قصرتم اليوم رغم الارهاق وضغط المباريات وكذلك لاننسى ان الاتحاد مهما يكن فريق كبير يعطيك العافيه وشكرا مره أخرى لك . |
ماجد الاحظ انه يبدع دائما اذا غآب هوساوي ,, قالوها قبل ,, واليوم اكبر دليل !! وش السبب من رأيكم ؟؟!! |
والله اليوم مآ قعد لـ نور الا المرشدي ,, آبدعت يا مرشدي بصرآآآحه |
اما المرشدي ابدع ههههههههههههههههههههه لا لا لا لا شكلك شايف مباراة ثانية المرشدي اليوم ابدع في عالم النكبه خطئيين فادحييييين مايخطيها مدافع بالفئات السنية تقولي ابدع يا حبيبي طير اشك انك اخو المرشدي ولا ولد عمه ولا هو لاتستغفل الجمهور ياشاطر الجمهور اصبح يفهم كورة انا اليوم لو مكان المدرب اركن المرشدي بالمدرج وانزل رضوان الموسى ولا عبدالله الدوسري على الأقل اعطيهم ثقه وخبرة بالأضافة الا ان امكانياتهم افضل من ولد عمك مدري ااخوك لان المرشدي عبارة عن بنية جسمانية وقصة شعر انغر فيها الكثير وانت من ظمنهم قال المرشدي ابدع قال هههههههههههههههههه |
ماقصر المرشدي ولايهون خيرات |
نكبات المرشدي لم تعد تطاق قلتها سابقا لازم يكون في سنتر اجنبي مميز بديل له |
الاعب صحيح مرتبك اليوم لاكن ماقصر مع بقيه النجوم وبالتوفيق |
| الوقت المعتمد في المنتدى بتوقيت جرينتش +3.
الوقت الان » 11:21 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd