|
مبروك علينا الكاس - والفريدي ابدع في النهائي احب ابارك عليكم الكاس وقلناها من زمان من بطوله ل بطوله و الزعيم مين يطوله انا قريت في اكثر من موضوع انتقاد على اداء الفريدي بالرغم انه في نقطه عجبتني بالفريدي انا عارف انه في ناس حتقول اني من جمهور اللاعب و الكلام هذا بس دام انا كتبت موضوع فسوف اتقبل اي رد بكل رحابه صدر النقطة اللي عجبتني بالفريدي في النهائي قتل المباراة الفريدي كان يحافظ على الكوره اكثر وقت ممكن مما يجبر لاعبي الاتفاق الانتقال من الهجوم للدفاع ومع تكرار هذا التصرف من الفريدي ارهق لاعبينهم في موضوع الانتقال من الدفاع للهجوم و العكس لدرجه ان حمد الحمد و يحيى الشهري و الظهير الايسر عكاش اجهدوا من منتصف الشوط الثاني والاخير تغير من واقع اجهاد لاني لم اشاهد اي احتكاك معاه بالرغم انه نزل منتصف الشوط الاول وقل اداء وسط الاتفاق و اشتغلوا كور طويله وانعدم عندهم التمريرات القصيرة والتحرك دون كرة وانا اعتقد ان الفريدي لو لم يشتغل على النقطة هذه كان ممكن نخسر الكاس تخيلوا حمد الحمد تسبب بمنح 3 لاعبين كروت صفراء هل تعتقدوا كنا سنتعامل صح لو ما اجهدناهم بالمباراة؟ من باب العلم نسبه الاستحواذ 60 % للهلال - 40% للاتفاق (( احيانا يطلب من لاعبين اداء شي معين في المباراة هل تتوقعوا ان المدرب و سامي لو راؤا من الفريدي شيئ غير اللي طلبوه هل يتركوه في الملعب 70 دقيقة ولن تكون لديهم الجرأه لتغييره ؟)) كلنا تابعنا المباراة وارتفع ضغطنا وفي الاخير فرحنا فلا نجعل الفرح نقطة ننطلق منها الى انتقاد الاشخاص بل انتقاد اداء لاعبين سعيا لتحقيق انجازا جديد ونقطة ننطلق منها لتحقيق ال 54 دمتم بود وعافيه كتبه احمد شراحيلي 12-2-2012 |
الف مبروك للهلالين آجمع البطوله .. واقـــول لاجديد :) بالنسبه لاحمد الفريدي انا استغرب من جماهير تتصف وتصنف بالجماهير الحظاريه العاشقه والرقم الصعب في انجازات فريقها تتعامل بصافرات الاستهجان مع لاعبين فريقها !! هذا ماحدث من جماهيرنا للاسف مع اللاعب احمد الفريدي .. اللاعب طبعه ثقه يعني يذبح نفسه !! ولاتنسون انه سجل اهداف خرآفيه لايستطيع تسجليها الا اللاعب الهادئ الواثق من نفسه ورغم هذا .. خرج في تصريح بعد اللقاء وبرر انه لم يسخن !! وبالكاد تشيله رجلينه !! جماهير الهلال .. انتم وقود اللاعبين اللاعب احمد الفريدي يحبكم كثير .. ارجوا الالتفاف حولة ومحاولة كسبه .. خصوصا بعد موضوعه الاخير اتمنى ما اطلت .. واشكرك اخوي على الموضوع لاني طلعت اللي بخاطري في رد افضل من فتح موضوع جديد تحياتي :ba1: |
اخوي الدافع عن الفريدي ..! الحق حق .. الفريدي كان سيء يمكن لانه في غير مكانه الفريدي يصلح محور ثاني فقط |
بسراحه مبارة سيئه للفريدي واحمد مبدع لو يترك عن الفلسفه الزايده ويلعب العب السهل السريع واحنا محتاجينه قدام الاتهاد الله يصلح الحال |
احترم رايك واقدره بس اختلف معاك في الفريدي هذا اللاعب يقلل من اداء لاعبي الوسط بمجرد دخوله ويبطي الرتم ويضيع انفرادات في المباراة اللي طافت لو دخلو القرني بدل الفريدي كنا فزنا باكثر من هذي النتيجة . الله يهديه خلانا على اعصابنا الين ما صفر الحكم |
نعم انه الفريد الذي تغير 1000 % عن الفريدي الاول بالله عليكم ايهاء الزعماء الم يفقع قلبكم لم ياخذ الكوره وبروده عن اول بكثير خلاص الفريدي دمر نفسه بنفسه و اوجه رساله الى الشاعر الامير إن الفريدي يبغى يترك النادي بهذا التصرفات واكبر دليل على الكلامي قبل أمس في المباراه |
الفريدي يلعب للماده مايلعب للشعار ؟. |
السلام عليكم اخواني الكرام .... لاحظت بعض الاتهامات لاخلاص اللاعب ... واحد يقول الفريدي ما يبي الهلال والثاني يقول يلعب للفلوس .... اي عقل يتقبل مثل الشي هذا؟ اولا الفريدي كانت مشكلته مع المدرب دول ثانيا بعد انتهاء المشكله اللاعب لابد ان يعود لمستواه وهذا يتطلب وقت ثالثا لم يكن اداء الفريدي سيئا خلال المبارات وخصوصا انه اشار انه لا يستطيع لعب شوط كامل والسبب مشكلة عضلية ومع ذلك كان اداءه التكتيكي ممتاز جدا وكان مشغل الدفاع الاتفاقي وسبب تراجع للاعبي الوسط الاتفاقي في الشوط الثاني صحيح انه ضيع اكثر من فرصة ... لكن لاعبين كبار كما يحب البعض تسميتهم ضيعوا بطولات على النادي بسبب تهورهم وقلت وعيهم اللاعب مازال صغير بالعمر ... امامه مستقبل باهر باذن الله المفروض نوقف معاه ونسانده مو ندمره... هذا اذا كنتم من محبي الهلال |
إهداء لبعض الجماهير اللي سمت الفريدي بالفيلسوف هذا هو قاعد يتفلسف وكاد يضيع منا المباراة بفلسفته الزايدة وبروده وعلى العموم الفريدي بمستوه الحالي وعدم قدرته على التغيير لكي يتواكب مع رتم الهلال السريع والتك تك لن يجد له مكان بالخارطه الهلالية واعتقد إن هو أصر على عدم التغيير فسوف يجد نفسه في نهاية المطاف خارج أسوار النادي ولا عزاء لجماهير الترفيع اللي دمروا مشاريع النجوم |
ولله ودي يترك النآدي فآآآآآآآآآشل و أنتم معطينة أكثر من حقة يآعمي الشباب وآجد و يغطون عنة فكونا من المجآملات هذه و خلوة يروح و نرتاح من برودة |
الفريدي .. لاعب كبير .. بس حاليا بعيدا عن مستواه بس اكيد راح يرجع احسن من اول تحيتي |
ياعيني على التصريفه اجل لاعبي الاتفاق اجهدو بسبب الفريدي خخخخخخخخخ انت تقول لو مالعب الفريدي كان ضاع الكاس هذي نظرت واحد مايدري وين الكوره موجهه واسمح لي في هالتعبير لولا الفريدي كان اكل الاتفاق خمسة اهداف زي الوحده العام الماضي صدقني ماكان معنا لاعب بقميص الهلال يحمل الرقم 15 كان معنا شبح لاعب اعياه الغرور وحب الذات والبحث عن المصلحة الشخصيه على حساب الفريق فاليرحل غير مئسوف عليه واتمنى من ادارة شبيه الريح عدم التجديد مع هذا الاعب الذي لايعرف ماهي الكره الجماعيه ونسى انه في نادي القرن الاسيوي وليس في حواري المدينه |
خوش خطة هجمة مرتدة ابطي الكورة فيها واضيع فرصة هدف عشان ارهق الفريق المقابل كيف الحال |
السلام عليكم ورحمة الله وبركاتة .. مع احترامي الشديد لك يا صاحب الموضوع اقسم بالله ان الفريدي كان اسوء عنصر بالمباراة .. على قولتك يحتفظ بالكورة كثير عشان يقتل اللعب .. كلامك هذا واضح انها تصريفة للفريدي .. بالعكس كان يحتفظ بالكورة كثير عشان تنقطع منه وتجي علينا هجمات مرتدة مرهقة ومربكة لدفاعنا بسبب فلسفة الفريدي وبرودة .. الفريدي اتمنى امنية اني ما اشوفه يطقها بأي مباراة اذا هذا مستواه .. يا انه يرجع زي ما كان ولا شباب النادي فيهم الخير والبركة .. هذي وجهة نظري واللي بيعارضني يعارضني بإحترام .. لكم مودتي |
آلله يوفق هلآلنآ .. وآلفريدي كآن آلآسوأ للآسف ... :rose: |
وجهة نظرك صائبة ومو دفااع عن اللاآآعب اأبداً انا اقووول الصدق احمد له 3 اسابيع مالعب اكثر من 10 دقايق طبيعي بينززل مسستواآه والأهم الكأس واأخذنااآه فرجاااء خفوو على أحمد وادعموووه وربي بحاآجتكم |
يمكن انك شفت مباراه غير الي شفناها |
انا احترم كل الاراء مو لازم نتفق في كل شي اكثر شيء عجبني نختلف ولكن نتفق على حب الهلال لكن ما في احد جاوبني على سوالي |
إقتباس:
مع احترامي لردك بس المكتوب بالاحمر فيه اتهام للاعب ارجو منك التراجع ولا تحط شي بذمتك نختلف ونتفق على حب الهلال دمت بود وعافية |
اخوي اتقبل رأيك بس من وجهة نظري ان الفريدي لاعب (( شو )) يحب الاستعراض كثير وهذا الشي يقتل اللعب ويبطئ رتم المباراة واعتقد ان اسلوبه باللعب ما يتناسب مع جيل السرعة واكيد شفت اسلوب وطريقه لعبهم وكيف كانوا في مباريات ولي العهد والدوري ومن مبارات الاهلي اللي حضرتها بنفسي وكي كانوا يستمتعوا ويمتعوا بس بايجابية عشق الزعيم يجمعنا |
انا معك بكل شي قلته عن الكابتن احمد الفريدي الله يسعدك ع هذا الاسلوب راااااااااااااااااااااااااااااااقي هكدا جماهير الزعيم |
ياسلام !! الفريدي يحتفظ بالكورة واحنا نتنكب بمرتده |
ويستمر التطبيل اجل ارهق لاعبي الاتفاق الاتفاق الشوط الثاني اغلبه حاشرنا وتقولي ارهق لاعبيه هدف التعادل في اي وقت كنا نتوقعه وانت جاي تقولي ارهقهم طيب انا ابسالك وجاوبني بكل صراحه الفريدي كم كره مرتده ومحققه ضيعها علينا؟؟؟؟؟؟؟؟؟؟؟ من يوم نزل بالتشكيله وهو غير مجريات المباراة فوق تحت الهجمات اللي كنا نشوفها اختفت بمجرد نزوله بالتشكيله |
إقتباس:
أتمنى ما عاد أشوفه يلعب مع الزعيم، الزعيم ممتع بالمخلصين باللاعبين اللي روحهم عاليه السريعين و المقاتلين على الكوره والفريدي متفرج في الملعب فمكانه مع المتفرجين، الفريدي بارد، يملك رجل ضعيفه، ممرن جيد للخراس، ان شاء الله يقرأ كلامنا و يزعل ولا يجدد، والله أكره المباراه اللي يلعب فيها هالفريدي. |
سبحان الله حنا البشرغريبببين جد احنا الناس العادييين مانواجه الظغوط اللي يعيشونه الاعبين ومع هذا نفسيتنا على طول في الداون اجل هم اللاعبين كيف هي مرحلة وبتعدي مع الفريدي بااذن الله بس اذا كان هو يبغى يرجع مثل ماكان وافضل الفريدي بصراحة فعلا كان سيئ وتمنيت انه مالعب لاني على اعصابي لي حد ماانتهت المباراة بس هذا ماايمنع اني انتقده وعلى فكرة اللي يقول الفريدي يلعب عشان المادة مو الشعار اغلب اللاعبين يلعبون من اجل المادة راح زمن العب من اجل الشعار بس شنقول هم بشر بعد لهم الحق في هالحياة سكرو موضوع الفريدي خلاص وقدرو اشوي انتوا لاحمدا والا شكورااعوذو بالله وفكرو في مباراة الثلاثاء مع الاتحاد ارجوكم لاتاخذكم الحمية وتظغطون على اللاعبين |
الف مبروك البطوله اخوي احترم وجهك نظرك بخصوص الفريدي لكن حنا مو هنود تابعنا المباراه الفريدي تمريراته خاطئه وضيع فرص ماتضيع ابدا داخل منطقه الجزاء وامام المرمى سدد كانت هدف 100% لكن بسبب فلسفته الزايده ضاعت الفرصه |
الفريدي ممتع ومهاري من الدرجه الأولي لو النهائي ماكان يومه تحيااااااتي |
يا رجل الستريح أجل المدرب طالب منه ...... وأشغل لاعبين الاتفاق تكلم بما يعقل الفريدي هو من كسبنا المبارة والله شي غريب كادت المبارة تفلت بسبب هذا الشخص وحده وستهتاره وبروده وقتل اللعب ... كافي تتطبيل ياجمهور الاعبين |
إقتباس:
رد مختتصر وكاافي .. آعجبني ردك ههههه |
ههههههههههههههههههههههههههههههههههههههههههههههههههههههههههههههههه اعجبني تبريرك لبو نفسيه الفريدي ماخرب فرحتنا بالبطوله وعكر جونا الا دخول هالمتخلف بالملعب ماهمه الفريق يلعب على مزاجه لاهمه فريق ولا جمهور ولارئيس ولا غيره الي يبي يسويه والاداره تتفرج الضضاهر خايفين يزعل مثل المره الاولى ويقفل الجوال اننا اقول لوو يطس حنا الكسبانين والمرتاحين عندنا سالم يسواه ويسوا عشره مثله متخلف هالاعب من تخلف الزوري هذا الزوري والمرشدي ونامي والغنام وهو اقسسم بالله لوو يتطور النصر يهم مايتطورون لانهم فاشلين ماعندهم افضل من الي قاعدين يقدمون الحين الله يعينا بس يمكن ان ششاءالله يجيه رببباط ولا كسر مثل كسرت ريان بلال ويبتعد ولا غير الاصابه مستحيل يبتعد |
يااصبر الارض ع الجمااهير العااطفييه |
مبروك علينا الكاس والفريدي إن شاء الله يعود لمستواه |
إقتباس:
اختي من اجل كورة جلد و هواء تغيرين مبدأ ديني احب لاخيك ما تحب لنفسك اما انك تتمني اصابة ورباط فهذا ابدا لا يرضي الله ثم لايرضي عبيده |
الفريدي اسطوره ولكن يواجهه انتقاداة عنيفه ادت الى تدهوره لازم نوقف معه يعطيك العافيه .. |
كسر الرتم يتم بالأستحواذ على الكره وليس الاحتفاظ بالكره و قطعها بعد عدة ثواني لا يوجد مبرر لسوء مستوى الفريدي الا أن هذا مستواه الحقيقي مع أحترامي له وياليت يتم تجربته كمحور ثاني ممكن تناسبه الخانه |
آلله يوفق هلآلنآ .. وآلفريدي كآن وسيكون وسيبقى اسطورةه من اساطير الهلال |
الفريدي .. لاعب كبير .. بس حاليا بعيدا عن مستواه بس اكيد راح يرجع احسن من اول |
| الوقت المعتمد في المنتدى بتوقيت جرينتش +3.
الوقت الان » 12:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd