11/02/2012, 03:28 AM
|
 | زعيــم متواصــل | | تاريخ التسجيل: 28/09/2011 المكان: حفرالباطن
مشاركات: 75
| |
|
هذا ماحدث بيني وبين صديقي الاتحادي
بسم الله الرحمن الحيم
الف مليون ترليون هلاليون :alzaeem:مبروك :alzaeem:مبروك:alzaeem: مبروك :alzaeem:مبروك
مبروك :alzaeem:
اليوم حصل لي موقف قبل المباره مع صديقي لي اتحادي نبغى نتابع المباراه سوى ناوي ارفع ضغطه
المهم بدينا بنقاش حاد جداً قبل بداية المباراه عن الهلال وبطولاته كان يقول اغلب البطولات الى حصلتم عليها غش
طبع خويكم ثلج والرجال عصبي:ranting: ومندفع قلتله اقنعني انها غش وبدون تزوير للحقائق .
انبسط من كلامي مادرى ان ابي اتسلى :ap:قبل المباراه قالي تذكر مباراة النزهان(طبعاً الي مايعرف مباراة النزهان الي
طلع فيها الكور بيده وهذا ديدن الاصفرين عندما يحقق الزعيم بطوله جديده يتذكروا هذي المباراه عشان يقللوا
من انجازات الهلال هيهات) قلته يااخي الكريم المباراه لها 10سنوات وشكلك ماشفت المباراه ليس ذنب الهلال اذا
اخطا
الحكم المباراه 90 دقيقه وين فريقك 89 دقيقه طبع هذا اسلوبي مع جماهير الاصفريين دايم بالحسبه قالي يعني
تعترف ان الحكم كان معكم (يعنني مسك علي هيهات) قلت عطني واحد هلالي يقول ان النزهان مامسك الكوره بيده
تبلم وسكت شوي ماامهلته وقلت ليش مثل ماذاكرتك قويه تذكر مباراة الاهلي وهي على نهائي بعد مثلها مثل
مباراة الهلال .قال وهو معصب:mad: (الحين بدا يفقد اعصابه وخويكم مستانس من الوضع ) بس هذا خطا تقديري من
الحكم ماهو خطا مقصود (عادة التشكيك عند الاصفريين مزمنه ) حسد وغل وقهر عندهم غريب جداً.
قلت ياشيخ اتركنى من مقصود والا تقديري.مع تقدير لك كلامك مردود لك مسوى متفلسف عليه اتركنى من الكلام
عطني توقعك للمباراه رد بسرعه الاتفاق .بداية المباراه من طبعي اذا اتابع المباراه وعندي دخلا من الاصفريين
مااتكلم .المهم انفرد ولي وارسلها للمرمى ياليتكم معي وتشوفون الموقف الي شفته قطع اظافره من العض ويناظر في
خويكم ثلج واثق من هوالزعيم .شوي سبرنج سلطان جنح سبحان الله دريت انه بيجي الهدف الثاني بحكم الخبره
في الزعيم ماعاد ناظرت الهجمه ابشوف صاحبي يوم جاء الهدف بغى يموت ويقول العن ام الحض (شوف الحقد وين
وصل مايبغى يقول هدف مدروس ) عاد يوم جاى الهدف الاتفاقي ماعاد سكت تقول كسب مليون(الله واكبر عليك
يازعيم خليت تسجيل الاهداف فيك بطوله تضاف لهم) اليس من حقي ان افتخر بزعماتي اجيبوني ايها المنصفون
المهم يوم صفر الحكم التفت له وقمت وسلمت عليه عي يسلم علي واقوله معليه يابطل الجايات بتكون احلى لكم
قال وش تقصد (لازم من التشكيك ) كأني ماسمعته انتهينا من المباراه اقوله تعش معي رد بعصبيه مابيلك عشاء
انتهت القصه معليش على الاطاله لاكن اكتشقث اشياء جديده لجماهير (الاصفريين):
1. احسن علاج لتسكيتهم الصمت المطلق خلهم يتكلمون في الهواء.:alzaeem:
2.الحقد لديهم ازلي وليس وليد اليوم يعني من عام 1377هـ مولد الزعيم
3.كلماء زادة بطولات الزعيم قل جمهورهم والكلام انا مسئول عنه .تلقاه يغير انتمائه اما للهلال او يبطل تشجيع
4. حب الزعيم يشعرك بمعانات الاخرين . فحافظ على هذا الحب العظيم .
بالتوفيق للجميع ولنا لقاء مع بطولة الدوري بحول الله وقوته قال الله تعلى (وَإِذْ تَأَذَّنَ
رَبُّكُمْ لَئِن شَكَرْتُمْ لأَزِيدَنَّكُمْ)
اخر تعديل كان بواسطة » سكرتيرالهلال في يوم » 13/02/2012 عند الساعة » 01:46 AM
السبب: خطا
|
الوضع العادي
