|
( وبالوالدين احسانا ) أمي دعت للهلال وفاز .. القصه ؟ بسم الله الرحمن الرحيم أولا : أبارك لجميع الزعماء هذه البطوله الغاليه على قلوبنا جميعا .. خصوصا أنها تحمل اسم سيدي ولي العهد ورجل الأمن الأول صاحب السمو الملكي الأمير : نايف بن عبدالعزيز .. حفظه الله ورعاه وامد في عمره .. ثانيا : مالكم بالطويله .. المهم قبل المباراه تقريبا ب 45 دقيقه دقت علي أمي الله يخليه لي ويرزقني برها .. قالت : ياوليدي تعال خذني ( شيلني ) من المخيم تبع أقاربنا .. وأنا الصراحه من قبل المغرب وانا عند التلفزيون من الحماس يوم دقت علي أمي الصراحه ماقدرت اقول مااقدر قلت لها : يمه شوفي أحد اخواني ( بحكم انهم مالهم اهتمام بالكره قلت كذا ) وفيه مباراه لازم اشوفها قالت مافيه الا انت تجي تشيلني اللحين . قلت : سمي وشغلت موتري والله لا يوريك انا بأستراحه بمكان بعيد والمخيم بمكان بعيد عني وبنفس الوقت المخيم بعيد عن البيت يعني يالله أرجع نص الشوط الأول أو آخره وصلت المخيم وركبت أمي الله يخليه لي وتشوفني مستعجل قالت ماعليك الهلال بيفوز ان شاء الله وجلست تدعي قلت الله يقبل وقالت لا تسرع وانت راجع وقالت بيجيك خبر يفرحك وانا معاك وانا ابنزلها دق علي واحد من الشباب قال جاء هددددددددددف والله لايوريك طرت من الفرحه قالت امي هه لاتسرع وانت راجع بيفوز الهلال لاتخاف المهم رجعت وكملت المباراة وفاز الهلال على قولت أمي .. المقصد من هالقصه هو أن برك بوالديك سبب لأشياء كثيره مفرحه جدا وايضا مرضاة لله عزووجل قبل كل شيء .. في الختام غفر الله لوالدي واطال في عمر والدتي ووالديكم وجميع المسلمين .. تحياتي واشواقي ,, |
الله يحفظها لك وبر الوالدين أمانه |
الله يعطيك العافية والله يخلي امك لك ويخليك لها والله لايحرررمكم من بعض وتررري طاعة الوالدين من طاعة الله ومبررروك الفوووز شكرررررررررررررياتي |
الله يطول بعمرها ويرزقك برها أجل كل قبل مباراة جبها من المخيم الله لايهينك هههههه الله يخليها لك تشكرآآآت أفندم |
الله يحفظها و يخليهآ لك _____ والحمد لله على الفوز |
الله يحفظها لك والله يحفظ لي والدتي ويرزقني برها ألف ألف مبروك للزعيم البطولة 53 في تاريخه والخامسه ع التوالي وباكورة الموسم الحالي الله يعطيكم العافيه وبالتوفيق لنادي القرن في القادم مودتي ألقاكم |
الله يحفظها ويخليها لك يارب ويطول بعمرها سلمت |
بارك الله فيك اخوي والله يخليها لك ويخليك لها والله يرزقنا بر والدينا آآآآمين يارب |
الف الف الف ميروك عالفوز الف مبروك ال53 |
الله يخليك لها والله يحفظها لك |
الله يخليه لكم ويطول بعمره وتدووووووم أفراحكم يااااارب |
الله يحفضها لك ويرزقك برها ويحفض لنا والدينا ياااااارب ويرحمها اموات وأحياء |
الله يطول بعمرك وعمرها ويجعلك من الباريين يستاهلون المبرة ربي يحفظهم هنيئا لنا بدعاء الوالدة وبتحقيق البطولة . |
الله يخليها لكككك والف مبروووك البطوله ...! |
الله يخليهاا لك أن شاء الله ويطول بعمرهاا ويرزقك ويرزقناا البر بوالديناا والحمد لله ع الفوز وتحقيق البطووله يالله طلبتك لاتغير عليناا هالفرحه |
| الوقت المعتمد في المنتدى بتوقيت جرينتش +3.
الوقت الان » 01:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd