بسم الله الرحمن الرحيم

،،

السلام عليكم ورحمة الله وبركاته ،،

كيفكم حبايبي .. الزعماء و الزعيمات << لا يكثر

أنا داخل هالحزهـ للـ (( إنطرنط )) أبي أعطيكم سالفتي .. وسلامتكم << :naughty:

لا أحد يقرأ موضوعي إلا إذا بيحظر و يعطيني سالفته كامله هنآآ ..

،،

يا طويلين العمر .. أنا عاشق هلالي منذ طفولتي ..

ولله الحمد من سنين كثيرهـ و أنا والله أمسك طريق [ أبها -- الرياض ]

لعيون هذا الكيان اللي جنني بعشقه و حبه ..

أنا رجال دوامي بنظام الطوارئ .. واليوم الأربعاء

والخميس و الجمعة دوامي آخر الليل من [ 11 الليل إلى 7 الصباح ]

المهم السالفة :

( إني داومت اليوم الأربعاء الساعة 11 وقابلت مديري و تكيت معاه ساعه

و أكثر و اعطيه سالفتي اني ناوي أحظر مباراة الهلال و الإتفاق يوم الجمعة و

تعرف نهائي ومن هالكلام .. إلين أقتنع و أعطاني إجازه هاليومين ..

المهم أخذت معاه ساعتين وقلت يا طويل العمر انا رائح البيت أبي ألحق لي كم

ساعه نوووم لأني بإذن الله .. ماشي الرياض عالصباح الساعة 9 بالكثير

بإذن الله و أنا ماسك خط الرياض .. وكله لعيون الأزرق .. زعيم أسيا )

بس ما هانوا عليه عشاق الزعيم هنا في الشبكة ..

وقلت أدخل و أعطيكم السالفة .. لعل و عسى نتقابل و ياكم

في

( درة الملاعب )

ونحتفل بالبطولة و الذهب رقم 53 ..

،،

لا أحد يقرأ موضوعي إلا إذا بيحظر و يعطيني سالفته كامله هنآآ ..

دعواتكم أن أوصل بالسلامة .. تكفون لا أنحرم منهآآ ..

الرسالة الأصلية كتبت بواسطة خالد ، الدعجااًَني (مشاركة 19670309) والله ياطويل العمر سالفتي كامله .. أني عاطل باطل فاضي ماورأي أي شــي وأن شــاء اللللله .. بحضر للملعب مع أخوياي بستقبلهم من مناطق برا الريـاض

الرسالة الأصلية كتبت بواسطة هلآلي جدآوي (مشاركة 19670472) ياحبيبي انا درب الرياض حافضو من كتر مااروح وارجع جده الرياض الرياض جده واليوم ماشي الصباح عشان نشتري التذاكر انا والعيال وباذن الله الفوز هلالي وتوصل بالسلامةة ...