إقتباس الرسالة الأصلية كتبت بواسطة $ هلالي بيش $ مع احترامي وتقديري لوجهة نظرك .. اللاعب الكوري لاعب فاشل ولا يرتقي لطموح ومستوى الهلال .. الهلال اصبح يجلب ( المتردية والنطيحة ) .. والله ياسعد الحارثي وعيسى المحياني افضل من الغبي الكوري .. تقول قدمه قوية .. ماشفت ولا هدف تسديد .. تقول عليه ضربات راي .. ولا شفت غير هدف القادسية وبمباركة من الحارس القدساوي .. اخاف انك تقول هدفه في الاتحاد كان عالمي واسطوري .. يارجل اذا فاشل وغبي .. مباراة الفيصلي بخط الستة والاخ يصيد حمام .. في مباراة النصر اهدف بمباركة عمر هوساوي .. واسيوايا في افضل منه كثير خذ مثلا بدر المطوع .. خلفان ابراهيم .. اما سالم الدوسري افضل من الشلهوب والعابد وعزوز .. معليييييييييييييييييييييييييش سامحننننننننننننننننننننننننني يارجل .. انت متاكد ان الدوسري افضل من العابد والشلهوب وعزوز ؟؟ انا ماعندي تعليق ابدا .. وايضا مقارنة بين المرشدي و هوساوي !! لا تعليق ابدا ابدا ابدا .. يارجل اتقي الله .. المرشدي افضل من هوساوي !!!!!!!!!!! بس عندي سوال .. مين واسطة المرشدي في الهلال ؟؟ نفسي اعرف مين واسطة المرشدي بس .. اما المستوى الفني فبراي الشخصي المتواضع .. المرشدي قارنه في عبيد الشمراني في محمد سالم في جفين البيشي .. اما اسامة معليش .. بس المطالبة بمشاركة عادل هرماش مكان الشلهوب شي مضحك .. ايش جاب لاعب محور لي لاعب وسط مهاجم .. مااعرف ليه التقليل من قيمة الشلهوب .. مرة تقول لاعب محور مكانه .. يااخي الشلهوب يكفي انه فقد اعز واقرب الناس له وهو يخدم النادي .. الحمدلله انك منت اداري او بالجهاز الفني ..

الحمدلله انك منت اداري او بالجهاز الفني ..


الحمد لله

(أبو ليون) زعيــم فعــال

قصة عشق مع الزعيم زعيــم متألــق

كلامكم رائع جدًا

انا معاك ياأخي في أغلب طرحك ولي خلاف في بعضها
بالنسبة للكوري فهو لاعب فكره عالي ومخلص ومحب للفريق ولكن مايعيبه ضياع الفرص وهذا هو الاهم لانه في المباريات من العيار الثقيل(اسيا) ما تجي الى فرص قليلة ليست سهلة .وللمعلومية بأن طريقة لعب الفرق والمنتخبات الكورية تعتمد على ثلاث مهاجمين مع وجود راس حربة ثابت وجناحين وهذا ما يسهل تسجيل المهاجمين بإعتمادهم على السرعة.ولكن طرق اللعب عندنا تختلف إما بمهاجم او مهاجمين وأعتمدنا على لاعب الوسط .ولو تأملت بأن اللعب لايجيد التعامل مع الانفرادات وهذا كان واضح في مباريات الكأس ومباراة امس لانه لاعب صندوق ومتعود على الكرة تجيله داخل الصندوق عن طريق الاجنحة او الاظهرة وهذا الكلام ما يلغي خطورته بصفة عامة . ارى انو بدا يتاقلم مع طريقة الفريق وهي الحركة وهذا ما يحبه اللاعب الكوري عامة واتمنى له التوفيق مع الزعيم
اما بالنسبة للمرشدي ومقارنته بهوساوي فهذا مهو انصاف لماذا ؟
اولا.لان هوساوي هو المحترف الوحيد في المملكة يحق له الاحتراف خارجيا وهذا بشهادة جميع الفرق . سالفة احترافه في الاهلي وعرض الاهلي الخرافي له مع انها إشاعىة الى انها تعكس مدى امكانيات اللاعب وانضباطيته.
ثانيا. طموح اللاعب للاحتراف خارجيا وعدم التفاته للعرض المغري المقدم له من الادارة الله يعطيهم العافية والنظر في العروض الخارجية
ثالثا. والجميع يعلم ويتناسى ايش صار للدفاع حين خرج هوساوي مصاب في مباراة القادسية الدور الاول يوم كنا حاطين يدنا على قلوبنا وتحسف بخروج اسامة . ودخول خيرات المهزوز داخل المعب
رابعا.لو رجعت لمباراة الاتحاد الدور الاول لشفت انو اسامة كان يموت نفسه عشان الهلال خاصة في كرة كانت على خط المرمى ورحق نفسه حتى طلعها ضربة زاوية.وياما وياما مع احترامي للمرشدي اللي اشوفه ممتاز ولكن مايقدر يشيل الدفاع زي اسامة الله يحفظهم
ولكن اتمنى من الادارة الكريمة واتوقع انو انشاء الله حتى بعد رحيل اسامة نحل مسألة العمق الدفاعي وهذا يأتي بأعطاء الثقة كلا من رضوان الموسى اللي اتوقع يكون بأذن الله يسد خانة اسامة مع فواز فلاته لما في هذين اللاعبين ثقة في النفس وعدم الارتباك امام المهاجمين
اما بالنسبة لولهامسون صعب الحكم عليه من الان بس اللي اشوفه مهو ولهامسون الاول لانه مو مقدم الاضافة وصار مافي خطورة من الجهة اللي يلعب فيها

وهذي وجهة نظري
موضوعك جميل جدا يا اخي العزيز

تقبلوا تحياتي

أبداع..موضوعك متكامل..أشكرك أخوي

إقتباس اما بالنسبة لولهامسون صعب الحكم عليه من الان بس اللي اشوفه مهو ولهامسون الاول لانه مو مقدم الاضافة وصار مافي خطورة من الجهة اللي يلعب فيها

يحتاج للتأقلم قليلًا مع اللاعبين، والبارحة قدم مباراة جيدة

لاعب فنـــــــــــــــــــــــان
بس عيب الكوري يضيع كثييير
كل التوفيق للاعب وللهلال

اعتقد من الكوري بيونغ سو

بدا يثبت نفسه و انه رقم صعب في الهلال

بالتوفيق له مع الهلال ويعطيك الف عافيه

الاعب صحيح جيد ولاكن مو هذا الاعب الي تنتظرهجماهير الزعيم وانا اتمنا مشاركه الحارثي من اول المباراه وانتم شاهدتوه في اعتزال الدعيع كان مزعج لدفاع اليوفي وكتبو عنه في صحف الايطاليه وبالتوفيق لاعبين الهلال وانا عندي توقع بالفوز وحسم المباراه بالشوط الاول بالتوفيق ياهلال وانشالله نذوق الرابح سعد اول البطولات واغلاها

إقتباس الرسالة الأصلية كتبت بواسطة مفتون بحبك يالقناص الاعب صحيح جيد ولاكن مو هذا الاعب الي تنتظرهجماهير الزعيم وانا اتمنا مشاركه الحارثي من اول المباراه وانتم شاهدتوه في اعتزال الدعيع كان مزعج لدفاع اليوفي وكتبو عنه في صحف الايطاليه وبالتوفيق لاعبين الهلال وانا عندي توقع بالفوز وحسم المباراه بالشوط الاول بالتوفيق ياهلال وانشالله نذوق الرابح سعد اول البطولات واغلاها

الحارثي !!!


كتبوا عنه لأنه فقط سجل هدف المباراة الوحيد