ياحبايبي اول شي شوفواالاسباب اللي تمنعنا من ,,

وبعدين ابدا القي اللوم علينا انا قلتها وراح اكررها ,,

مرة ثانية وثالثة ورابعة ,,,

جمهور المدن الثانية عندهم مباراة وحدة بالموسم,,

لكن حنا لا الهلال عندنا دايم وبعدين مو كل مباراة,,

تطلعون وتقولون جمهور الرياض ما يحضر وجمهور الرياض ثقيل دم ,,

وجمهور الرياض خلهم على المقاهي وبس,,

انا مو معقولة علشان احضر مباراة 90دقيقة,,

اجلس اربع ساعات ترا عندنا اشغال,,

مو كل مياراة تبونا نحضر,,

انا حضرت مباراة الهلال والنصر جالس في الملعب

من الساعة 5:30 سلامات يا بوي خير ان شاء الله..

لا وتدبيل اسعار وتفتيش يجيب الهم و من بعدها

قلت توبة مافي ملعب مرة ثانية

خلنا على المقاهي ابرك

اسف على الاطالة....

أصابع يدك مو سوا يمكن انت تتحمل تحضر طول الموسم بهذه البيئه لكن غيرك ما يتحمل ابدا و عنده القدره الماليه لكن والله حرام فيهم ( قصدي الدوري السعودي )

متى ما صار فيه اهتمام بالرياضه و الجمهور و صار فيه تخصيص اكيد بتشوف المدرجات طول الموسم مليناه لأن الانديه هي الي تتحكم بالتذاكر و ترقيم المقاعد مو الاتحاد الحكومي

اولاً الف مبروك ع الفوزوالجماهير نشوفها يوم الجمعه القادمه بأذن الله في النهائي

[QUOTE=أبو ريان2;19658369]الهلال له 13 مباراة في الرياض وكلها تبون الحضور مليان ؟!
والمناطق الثانية مرة وحدة في السنة تلقاه مفظي نفسه من أول الدوري لهاليوم
والمباراة موعدها غلط , وسط الأسبوع ودوامات والجو بارد .
والرياضية ما قصرت وفرت لنا HD وكاميرا عنكبوتية هع .
أمـا بالنسبة لأوروبا أتوقع كلنا شفنا المباريات في الجولات الماضية
وخصوصاً إيطاليا ومباراة إنتر × روما كان الحضور سيء جداً جداً .
طبعاً ما أبرر للجمهور ولا نفسي لكن ما صارت كل مباراة تفتحون موضوع .
وملاعب أوروبا تساعدك ع الحضور من جميع النواحي
مؤكلات ومشروبات ودورات مياة الله يكرم من يقرأ نظيفة
والمدرجات قريبة من الملعب والكرسي محجوز لك حتى لو ما حضرت .[/
QUOTE]

بصراحه وانا اقرا الموضوع ماتوقعت اقرأ تبريرات من الجماهير اللي ماتحضر للملعب

لكن المفاجأه اني اقرأ التبريرات وكلها على شاكلة ( عندي اشغال , بيئة ملاعب , تفتيش , 13 مباراة في السنه )

ردود محبطه جدا من جماهير كنت اعتقد انها الوقود الاول لنادي البطولات

ليه مانسمع مثل هالتبريرات من جماهير الاهلي ؟؟؟؟
مع العلم ان ملعب عبدالله الفيصل اسوأ الف مره من ملعب الملز

هل جماهير الاهلي يحبون ناديهم اكثر من حبكم لناديكم ؟؟

ليش جمهور الاتحاد يحضر بكثافه واكبر دليل مباراتهم مع الانصار

بالرغم من مستوياته الهابطه

ليش المشكله بس من جمهور الهلال في الرياض

هل البيئه سيئه فقط في ملعب الملز ؟؟

ليش طيب جمهور النصر يحضر

ولولا خصومتهم مع ادارتهم يمكن حضورهم اكثر من حضورنا


للاسف ياجمهورنا في الرياض تبريراتكم غير منطقيه

ولانقبلها ابدا , وعدم حضوركم للملعب ليس له الا سبب واحد هو /

التخاذل


اتمنى من رابطة الجماهير والالتراس وادارة النادي ان تهتم بهذا الموضوع اكثر

فالهلال في مرحله يحتاج فيها الى كل هلالي



والاخوان اللي يقولون جمهور الهلال اللي خارج الرياض يحضرون مباراة في السنه .. هالكلام غير صحيح

فانا اعرف كثير هنا في الشرقيه يحضر مباريات للهلال في الرياض وفي جده وفي الدمام وحتى في قطر والامارات

فلاتبرروا وادعموا فريقكم او اتركوه واتركوا المنتدى مو اذا خسر الهلال جيت وفتحت المنتدى وجلست تنتقد , الهلال خسر بسببك انت لانك اول المتخاذلين

رفقا بجمهور الرياض ياشباب

بالعكس فيهم الخير والبركه مايقصرون ابدا .. والغايب عذره معه .. صحيح الحظور ضعيف

بس بالنسبه لي والله مالومهم من التعامل اللي تواجهه في المدرجات .. حدث ولا حرج .. والله اني اعتزلت المدرجات بعد مباراة الهلال وذوب اهان الايراني بربع النهائي كاس اسيا..

والسبب ماكان خساراة الهلال .. السبب هو اني جاي المعلب ومعي تذكرتي واخر شي ماحصل كرسي .. جالس على الدرج...