نادي الهلال السعودي - شبكة الزعيم - الموقع الرسمي - يا زِين المَشْي في الرّوض الخَضَر لا شَعْشَع المخْضَار

http://www.youtube.com/watch?v=6ShlDeyySUA&feature=player_embedded

http://a7.sphotos.ak.fbcdn.net/hphot...59139958_n.jpg

يا زِين
المَشْي
في الرّوض الخَضَر
لا شَعْشَع المخْضَار

سَعَد بن جَدْلان

يا زين المشي في الرّوض الخضر لا شعشع المخضار
يا زين الدّيره اللي من حقوق الوسم ممطوره
يريح البال سجٍّ في الفياض الخضر والمسيار
سعاده للقلوب اللي من السّلوان مسروره
متى عيني تشوف اللي على قلبي ربيع ودار
أشاهد للسّعاده في حياة المجتمع صوره
ليَا هلّت مزونٍ فوقهن تنعومتينْ صغار
على ذيك اللباب اللي من الرّيضان مغموره
رياضٍ نبتها يحميه من شمس النّهارْ ستار
تحت فيّة طفافيح الطفل خوخه وبندوره
لا منْهْ اصْحَى سمَا غرّ المزون وشعشع النّوّار
دجاه ادلى سدوله والقمر متجلّيٍ نوره
أشاهد ليْ برُوقٍ دُونها ربّانها تندار
تقول اكباس غازٍ من ورى شلال نافوره
سبَح ماهر خيَالي في الخبَاري والبَرَد والنار
واشوف الجَمْر فوقه دَلّة الرّسْلان منحُوره
هذاك المنظر اللي ما تشوفه في الحياة امرار
على شوفه سبابيح الخيال تموت مقهوره
حرام اني مااهني راعي المليون والمليار
ولااهنّي عَرَبْسَات الفضا دوره ومقدوره
أعيش بعالمٍ طول المدى يبقى لها تذكار
عليٌه بالحَرَام انها حياةٍ ما لها جَوره
هذا وَجْه الصّحيحْ ولا على وَجْه الصّحيحْ غبَار
حقيقهْ ويتمَعّنهَا اللبيبْ بكَاملْ شعُوره

من اختيار
الشّاعر المنشد بندرالخنيفر
http://www.ushiqer.net/vb/image.php?...ine=1202484578
(هبوب)