|
ثقافة هلال ... بسم الله الرحمن الرحيم هلال صغير ..هلال شاب .. هلال السنوات القادمه ان شاءلله .. هذي هي الثقافه اللي اعتمدت عليها الاداره الهلاليه فمنذ ثلاثه الى اربع سنوات رأينا كيفية تصعيد اللاعبين الشباب الى الفريق الاول بشكل تدريجي مما كون لنا فريق للمستقبل القادم باذن الله نبدأ باللاعبين الشباب : احمد الفريدي : لاعب فيلسوف يملك من المهاره والثقه الشي الكثير نواف العابد : لاعب سريع ومهاري وصاحب قدم قويه عبدالعزيز الدوسري : ميسي السعوديه يملك من الفكر وقوة التسديد والثقه والسرعه الشي الكثير ايضا سلطان البيشي : لاعب عوض غياب الظهير الايمن في الفريق وسد الثغره بشكل واضح محمد القرني : ضابط ايقاع خط الوسط بهدوئه وثقته والمزاج العالي سالم الدوسري : لاعب سريع ومهاري ويملك قوة تسديد عبدالله الدوسري : لاعب جيد تنقصه الخبره فقط رضوان الموسى : يملك امكانيات ممتازه وتنقصه الخبره الخاتمه : في النهايه اتمنى ان تصبروا على هذا الفريق الشاب الى الموسم القادم لان هذه السنه نريد ان نجعلهم اكثر تجانس والسلام عليكم ورحة الله وبركاته |
والله صدقت هاذا الفريق لازم نصبر عليه لأن هم مستقبل الهلال في السنوات القادمة يمتلك مواهب كبيرة بمستواها صغيره بالعمرs13ss13s |
الله يوفق هالاعبين مع الهلال فعلا هم مستقبل الزعيم القادم باذن الله وشكرا لك وبالتوفيق للزعيم،، |
نبي كاس ولي العهد واسياء وكثر الله خيرهم |
نتمنى الصبر عليهم ومانشوف انتقادات بالهبل من او غلطه وان شاءالله راح يثبتون وجودهم بشكل قوي يعطيك العافيه |
مستوياتهم لااحد يشك فيها لكن المشكلة نخاف يتاثرون بعقلية التعالي اللي هزمت الهلال في مباريات الحسم خلال عدة سنوات سواء في كاس اسيا او كاس الابطال عندمااحترموا النصر والاتحاد درسوهم كورة وامتعونا ولوكانت ظروف الهلال وقتها هي الافضل لربما خرجنا بتعاليهم على الكورة نحتاج فقط من الادارة الحفاظ عليهم من الاعلام ومن عدوى الغرور وبعد كذا اضمن لك اسيا والابطال والدوري باذن الله ولسنوات مشكور اخوي على روعة طرحك |
باقيلــهم كثـير كثيــــر .. أصبروا عليهم لا تدمرونهم بالمدح الزائد |
لازم نصبر على المواهب الشابة والاعبين الشباب في الفريق ولا نحكم عليهم من اول مباراة لازم نقف معهم قلبا وقالبا ومع الفريق بأكمله . يعطيك الف عافيه لاهنت يا اخوي . |
كلهم نجوم نسيت الفرج وهو احد العناصر الرائعهـ التي يمتلكها الهلال مانبغى نمدحم ويغترون |
لو لعب الهلال بفريقين في الدوري لنافسا بعضهما عليه يملك الهلال نجوماً بإمكانهم اللعب أساسيين في أي فرق الدوري بالتوفيق لهم فهم .. مستقبل الزعيم |
نبي كاس ولي العهد واسياء وكثرالله خيرهم وانا ازيد الدوري وكاس الملك بس مافيه طمع |
| الوقت المعتمد في المنتدى بتوقيت جرينتش +3.
الوقت الان » 09:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd