جمهور غبي الي سواها ولا لاعب عشانه ماعجبني اصفر ضده ولا يبونه يبدع وشلون يبدع
الاتراس وش بتسوي يعني لهم

غريبة بعض الجماهير الهلالية والذين يحضرون لتحطيم اللاعبين وبعدين تأثر على باقي اللاعبين لاحساسه بان هالجمهور سيقلب عليه يوما ما بسبب هفوة او نزول في المستوى

الجمهور اللي يسب اللاعبين ويحطمهم احسن له يدور له فريق ثاني يشجعه وانصحه بالنصر

لآحول ولآقوة إلا بالله
.
.
.
.

ياجمهور بلاش عبط الي صار عادي وخلها تكون قرصة اذن وياليت سامي يدري انا نبي شافي عطو شافي فرصه الزوري عثراته مميته وفرصه الي يضيعها لاعب الحواري مايسويها فكونا من العاطفه
الهلال فوووق كل شي الكيان ترضون يتعثر وتخافون ع مشاعر الزوري خلوه ع الا قل يحس فينا

ماعنده مستوى علشان يستعيده بس صبرا والله المستعان

صح ان مستوى عبدالله في المباريات الاخير مو مظبوط لكن ما توصل لها المواصيل اننا نجرح للاعب قدام عيوننا خلوا عندكم دم . يمكن في جمهورنا فقراويه من كثر البطولات والله حرام لاعب يمثل الهلال يصيرفيه هذا هل يستطيع تسجيل اخوه او قريبه في نادي هذا جمهوره لا والله بعد هذه الحركة الي عنده كرامه لايسجل ولده في نادي يوجد بعض جماهيره بهذه العقليه

يعطيك الف عافيه على الموضوع الجميل ..

كلامك صحيح والله , أنا أمس نرفزني ذا الشيء

حتى اللاعب أصلـ(ن) يتحطم نفسياً

فيجب علينا كجمهور هلالي واعي أن نقف مع أي لاعب مهما كان مستواهـ

إقتباس الرسالة الأصلية كتبت بواسطة هلال اسيآ . للاسف ياخوي ما صار ينفع مع بعض الاعبين الا هالاسلوب الرئيس هالسنه فقد حماسه و مو فاضي للفريق و الاعبين يسرحون و يمرحون نشوف اللي ما يستاهل يلعب للهلال .. و نشوف لاعب مميز لكنه متساهل و ماهمه الفريق و الرئيس يطبل لهم و يقول لدينا ابرز الاعبين المحليين و كل ذا عشان ما يطلع ريـال !! الامور حاليا بيد الجمهور

لا هذا تحطيم مو رفع معنويات

من يقول ان الرئيس مو مهتم بالفريق انت تشوف غير اللي نشوف..!

ومن اللاعب اللي يلعب وهو مايستاهل ..!

ياحبيبي نسينا ايام العنقري الظهير الايمن وكنا صابرين ..

إقتباس الرسالة الأصلية كتبت بواسطة د.كوزمين أولاريو عادي جدا, أذكر جمهور الميلان استهجن سيدورف في مباراة الاودينيزي الشهيرة 4-4 وش فيها اذا استهجنّا الزوري ؟؟!! وياليت نضيف الغنام كمان لقائمة الاستهجان

اهنيك والله على الرد الحلوو


اجل رئيس الميلان من قضيه سرقه لقضيه مخدرات
ليه ما يكون ابو فيصل مثله ..!!

مالنا الا زعيمنا وش دخلنا بأنديه العالم

تصرف أقل ما يقال عنه انه من ناس حمقى

إقتباس الرسالة الأصلية كتبت بواسطة hammudi..1 السلام عليكم ورحمه الله وبركاته ,, ابارك لجماهير الزعيم الوصول الى نهائي كأس ولي العهد خامس مره على التوالي وابارك لكم نقاط الفوز على الفيصلي اليوم ,, وايضا ادعوا ربي ان يوفقنا مع مدربنا الجديد ,, لا احب الاطاله بكلامي .. فـ خير الكلام ما قل ودل كلنا شاهدنا مباراة الزعيم بالامس مع الفيصلي ولكن مالفت انتباهي هو صافرات الاستهجان على اللاعب عبد الله الزوري..! هل هو هذا جمهورنا ام جمهور دخيل علينا ..!! مهما بلغ مستوى اي لاعب هلالي لم نشاهد هذه الصافرات وكنا نقف بجانب اللاعب لكي يستعيد هيبته ومستواه المعهود بالامس كنا نستهتر بجمهور الجار وحالهم مع سعد الحارثي وها نحن اليوم نواجه المشكله نفسها مع الزوري وهنا دور الالتراس الهلالي مالذي تستفيد من هذه الصافرات ,, ابحثوا عن ما يفيد الكيان الازرق اولا ومن الافاده رجوع مستوى الزوري ولكن ليس بالصافرات ولكن بالمؤازره .. لكم ودي واحترامي

كلامك عين الصواب سبقتني بالموضوع
االاخفاق وارد في عالم كره القدم
والتصرف اللي شفناه وصافرات الاستهجان هذي مو من صفات الجمهور الهلالي
علينا ان نقف بجانب اللاعب عبدالله الزوري
حتى يستعيد مستواه تحياتي للجميع ألف شكر لك على الموضوع

تصرف عادي جدا وشي طبيعي واكيد واتمنى يستمر حتى يتم الاستغناء عن الزوري
وبعدين يوم كنتوا تطلقون صافرة الاستهجان على نامي ماشوف المواضيع اللي تاقف معه
متفقين علي نامي مع انه افضل من الزوري بمراحل من جد النفاق مصيبة
عموما عن نفسي وكوني هلالي وصريح والله ما اتوقع الهلال بيحقق اسيا مع امثال الزوري

انا متااااكد انها جماهير دخليه علينا ..لاكن لـلاسف عندك بعض من جمهورنا مع الخيل ياشقراء .. سمع هذا وهذاك يصفرون تحصله قام يصفر وهو ما يدري على مين لاعب من فريقه او من فريق الخصم وبالنهاية ...الاعب على كذا راح تندمر نفسيته ..وينزل مستواه اكثر ..بس ان شاء الله ما تتكر من جماهير نادي القرن ونكون اول ناس نوقف مع اي لاعب يرتدي شعار الهلال وتقبل مروري

بالعكس أنا مؤيد لها مع اللاعبين أمثال الزوري لاعب الجمهور له سنتين ينتقده واللاعب مستواه
سيء ما تغير والإدارة ساكتة عن الوضع كأنه عاجبها لا يا حبيبي كذا ما يصير
اللي يلاحظ يقول كأن ما فيه إلا الزوري ظهير أيسر بالسعودية و لا كأن الأولمبي يملك بعض اللاعبين و كمان لو تلاحظ مبارياتنا مع الأندية كلها مركزة على جهة الزوري لعلمهم بضعف اللاعب وأتمنى تفتح عيونك المباريات الجاية
وأنا بإعتقادي إن اللاعب ماراح يتحسن وبقائه في الفريق يعني قنبلة موقوته تسبب الخسائر في أي لحظة
ختاما الجمهور له قلب و يحس من فترة و هو يطالب بركن الزوري في الدكة ولكن لا مجيب
كذلك الإدارة مهددة بتلقي الإستهجانات في أي وقت لأن الجمهور لا يقبل بالعبث بالفريق من أجل
لاعب أو صديق كمثال آخر عبد اللطيف الغنام

في ذمتي ماعليهم ملام احنا انقهرنا واحنا بعيدين اجل كيف اللي بالملعب لاعب يوصل منطقة جزاء المنافس وهو مايدري ايش يسوي يرفع يناور يسحب وفي الاخير يرجعها للحارس... لن نجامل على حساب الهلال