المهام التكتيكية تختلف اختلاف كلي عن الفنية , المهام الفنية هي المهارة والسرعة ودقة التمرير وخلخلة دفاعات الخصم والاختراق , ضربات الرأس , التسديد المركز والقوي ... إلخ وما إلى آخره
أما المهام التكتيكية فهي المهام الخططية مثل ضبط ايقاع اللعب , الدهاء في المباراة , ربط الدفاع بالهجوم , مساندة
الفريق هجوميا والمساندة دفاعياً , القوة البدنية في الالتحام , تغطية مركز زميل معين عندما يترك مركزه لهجوم او دفاع ... إلخ .
فـ إنت شوف المهام الفنية والتكتيكية اللي ذكرتها وقارن هل ميسي وشافي يستطيعون فعل المهام التكتيكية بحذافيرها؟
وهل بوسكيتس يستطيع فعل مهام شافي وميسي المهارية بحذافيرها ؟
أكيد لا !!
لذلك .. أعذرني اقول لك ان صيغة سؤالك اصلاً خاطئة
لأنه مستحيل يكون المدرب مخير بين ميسي وبوسكيتس اصلا وش دخل ميسي وبوسكيتس ببعض هذا مركز ومهام وهذاك مركز ومهام مختلفة تماما.
تقدر تقول مخير بين بوسكيستس مع ماسكيرانو مثلا او كيتا , بس مع ميسي
شـــكراً ,
و الله يا حبيبي .. انا ما جبت طاري بوسكيتس و لا ميسي
إلا بعد ما أنتم قلتم أن بوسكيتس اهم من ميسي و تشافي تكتيكياً
و الحين .. صار وش دخلها ؟!
/
عموماً كنت واضح فردي قلت اتمنى رد على قدر السؤال ..
من اهم لتكتيك برشلونه في متش تكتيكي كبير ميسي او بوسكيتس ؟!
وين الخلل في السؤال ؟
انتم تقولون بوسكيتس افضل تكتيكيا بصريح العبارة و كررها أكثر من واحد
لما حولنا نفس كلامك لسؤال موجه لكم .. صار ما لهم دخل ببعض !!؟
يدل أنه كلام أنتم غير مقتنعين فيه .
/
بوسكيتس بنظركم لاعب و كبير و فنان و رديندو زمانه ..
بس في الأول و الأخير ميسي و تشافي يخدمان تكتيك برشلونه اكثر منه
و هم بلا شك أهم قطعتين في رسم شكل برشلونه التكتيكي .
/
تقولي مهارة و تكتيك .. نعرفها
لكن نتكلم عن سالفتكم " التكتيك " ,
لن آرهق نفسي كثيراُ بالتفكير في مآهيتك !!
ولن آتعطش لمعرفة آسرآرك الكبرى آو تفآصيلك المذهلة ..
من الممكن آن تكون آسوآ ممآ آعتقد , ومن الممكن آن تكون
رآئع كفآية كما آعتقد , ولكن مآ يهمني فعلاً هو آنك تثير كل
جزء في مخيلتي وفي ذآتي , فـ لذلك آنا آعشقك ليس لآنك
مذهل , بل لآنك تذهلني , فما يثير أهتماماتي هو ما أهتم له فقط .
أحبك يا معشوقي البرشــآ.
الفرق الشاسع هو تاريخياً مافيه مقارنه بينهم وبين الانديه الثانيه , كل انديه الليغا تطلع لك موسمين بالكثير وبعده تنحدر , فالنسيا والديبور والغواصات وسيفيا , كلهم تجيهم فتره نشوه وبعدها يرجعون لوضعهم الطبيعي
طيب ليه ماتقول لو واحد من هالأنديه جاه نصيبه بشكل عادل .. بيصنع تاريخه ولو تدريجيا مثل فالنسياا ؟ ليه نظرت انه بيرجع لوضعه الطبيعي ؟ فيه أنديه يجيها ملاك كطانيخ ويصنع تاريخه بسرعه .. مثل تشلسي والستي بالطريق وملقا بإذن الله نتأمل فيه خير ..
وفيه أنديه ممكن تصنع تاريخها تدريجيا مثل اغلب الانديه الكبيره حاليا .. فالنسيا أتوقع كان ممكن يصير منهم .. برضو المال لو انه عند يورينتي كان خلص الملعب بشكل اسرع .. ما اضطر يبيع نجومه ولو بعضهم .. الفلوس ذي كانت بتفك ازمه كبييره جدا .. بتقولي غبي .. أوكي غبي لكن لو معه الفلوس ذي بنشوف على الاقل حالهم افضل من كذا بكثير .. !
إقتباس
بالنسبه للحفاظ على الاعبين موب شرط ان الفريق يكون مزنوق وما عنده دراهم , ممكن تكون تعنت من الاعبين ومطالبتهم بزياده الرواتب ويكون النادي ما اقتنع بالكلام هذا فـ يفضل انه يبيعه على انه يزود من راتبه , خصوصا ان اغلب رؤساء انديه الليغا فيهم قعاطه غير طبيعيه خصوصا يورنتي فالنسيا
صحيح كلامك بحالات .. ولو بندخل بالممكن كان جبنا اشياء اكثر , مثل اللاعب ما ارتاح بالنادي او انه يبي اضواء اكثر او او او الخ .. لكن الاقرب هو الزنقه بالفلوس عشان تسديد ديون وغيره ..
إقتباس
بيريز جازف بالتعاقد مع كريس بهالمبلغ لكن كان يدري ان المبلغ بيرجع بنفس الموسم وهذا الي صار من اول موسم رجعت دراهم كريس وفوقها كم مليون من مبيعات القمصان بس , هي مجازفه ونجحت , يورنتي ما يبي يجازف مثل كذا وغيره ما يبون بعد
بيريز يوم يجيب كريس .. يدري ان مشجعين الريال بالملاين عشان كذا بيرجع دبل السعر اللي جابه فيه .. لكن ناددي قاعد يصنع تاريخه .. وش تبيه يسوي وهو ماعنده فلوس اصلا عشان يستثمرها ويدبلها ؟
* عموما , انا غلطت وتسرعت ببداية كلامي وحصرتها بالعائدات والفلوس .. لكني اشوفها السبب الاول اللي ينبني عليها الاسباب الثانيه مثل العقليه الماليه وغيرها .. فـ انت عطهم السبب الاول للنجاح بعدين طالبهم بالباقي وقل يرجعون للوضع الطبيعي وغيره ..
خلاصه الكلام يعني لو الاتحاد الاسباني حط قرار ان مدريد وبرسا وفالنسيا واتلتيكو لهم نفس العائدات الماليه بندخل بدوامه جديده وهي الانديه الباقيه تبي نفس النصيب .
قد يكون الاتحاد الاسباني ظلم الانديه بأنه عطاهم نسبه بسيطه مقارنه مع مدريد وبرسا , لكن انا ضد فكره انه الانديه تكون بنفس الدخل والعائد المالي , وبنفس الوقت انا مع زياده النسبه اكثر من كذا . الي عنده الصوره حقت التقسيم المالي من لاتحاد الاسباني يحطها لا هنتم كانت عندي ولا لقيتها .
النقطه المهمه متابعه مباريات مدريد وبرسا على التلفزيون تدر دخل مالي هائل للاتحاد الاسباني عكس بقيه الانديه , يعني فريقين يجيبون لي مليارات صعب اني اقارنهم ببقيه الانديه صراحه .
إقتباس
بمثال بسيط رونالدو طاح في مباراة وماانحسب بلنتي وسولدادو طاح ولا انحسب
برظو .. فرق شاسع بين الحالتين و الاصداء والكلام بعدها
هذا شغل الصحافه موب شغل الفريق ولا الحكم , صحافه مدريد قويه وتأثيره عالي , يكفي انهم طردو كابيلو , عشان كذا اي قرار خاطئ بيكون ضد الريآل طبيعي هالصحافه بتسوي بلبله وتخلي الانظار على هالحكم وبعدها شف وش وضع الحكم خايف ومرتبك ويدمر لك اي مباراه بيكون الريآل طرف فيها , موب شرط يفزع مع الريآل ممكن يزرف الفريقين .
إقتباس
نفس الشي في الالتحامات و الاخطاء عموما البيلدا يكسر ميسي و ميسي في لقطة ثانية
يظرب بانيغا , على سبيل المثال طبعا تلقى القرارين مختلفين جدا وطريقة التعامل
مع الاثنين مختلفة .. ولك ان تتخيل ياصديقي
شيء طبيعي جداً , بلاتيني يقول احمو النجوم والحكام فهموها خطأ صارو يحمون ميسي كلنا نذكر وش صار لكريس بمتش 4-2 بالبرنابيو ضد الميريا , ضرب ورفس والدم ما تدري من وين يصب من كثر الجلد الي جاه ومن ضربه وحده انطرد كريس ولاعبينهم طلعو منها مثل ما تقول انت القرارات مختلفه جدا ولك ان تتخيل يا صديقي
آيضاً يآصديقي حرآم بقية الاندية تاخذ هالمبلغ المالي الضعيف مقارنة بالريال والبرشا
لانك لو لاحظت الاتلتيكو جاب قبل كم سنة اليوروبا ليغ .. وفالنسيا يصنع نجوم ويصدرهم ويشيلون الفرق الي يمثلونها
بـ رأيك يعني لو هالاندية تاخذ مثل ما ياخذ الريال والبرشا .. كيف بيكون وضعهم ؟ راح يبقون كذا او تزداد شعبيتهم
رآح تلآقيهم يشعللون , وفي كل مكان لهم بصمة , وراح تلاقي اثارة اكبر بالدوري
آسبآنيا مو ناقصه مواهب ولا لاعبين ولا بنية تحتية ولا اي شي ثاني
محتاجه .. ( فلوس ) .. عطني فلوس , آصنع لك دوري قوي
الانجليزي افضل من الاسباني بسبب ان الاتحاد الانجليزي يقسم المآل بالتساوي بين الاندية
عشان كذا نشوف خمس ست فرق تتافس على البطولة .
لست مع تساوي كل الاندية من حيث الدخل .. لكن فيه اندية تستاهل ونسبة نجاحها 100.5% بالنسبة لي
واذا زادت الاندية المتنافسه زادت اثاره الدوري و ازدادت شعبيتة و جلبت المستثمرين له
آيضاً يآصديقي حرآم بقية الاندية تاخذ هالمبلغ المالي الضعيف مقارنة بالريال والبرشا
الحرام اني اقارن بين مدريد وبرسا مع بقيه الانديه , ظلم ظلم جدا , شف ابعطيك امثله , الدوري الالماني مثل ما نشوف بالصوره الانديه متساويه ومع ذلك الدوري ضعيف , الدوري الايطالي الانديه متساويه مثل ما نعرف ومع ذلك رؤساء الانديه الكبيره يقولون من الظلم انكم تقارنوننا مع باقي الانديه الصغيره وتعطوننا نسبه متساويه .
يعني بالعقل تقارن متابعه مباريات مدريد وبرسا مثل متابعه بقيه المباريات ؟ الاتحاد الاسباني مستفيد من هالشيء ان لهم جماهيريه كبيره لان فيها دخل ممتاز جدا لهم , ولو فرضاً حطو الانديه متساويه بيخسرون شيء كبير وملايين بتروح عليهم , الي ابي اوصله تساوي الانديه مستحيل جدا وانا ضد الفكره , لكني مع زياده بسيطه لباقي الانديه .
بداية نقطة لازم توضيحها قد تخفى على البعض في مشكلة حقوق النقل التلفزيوني هو النظام المطبق في أسبانيا والذي يختلف عن الدوريات الاوروبية الاخرى .
النظام يتيح لشركات النقل بيع الحقوق بشكل فردي على الأندية وليس بشكل جماعي مثل ماهو حاصل في الدوريات الأخرى ... طبعا في هالحالة شركة مثل الميديا برو تبحث عن الأرباح وتغطية التكاليف من خلال الإعلانات التجارية وغيرها سيكون من الطبيعي تركيزها على الفريقين الكبيرين برشلونه وريال مدريد لأنهما الأكثر متابعة جماهيرية سواء داخل اسبانيا او خارجها ، وهذا من المؤكد انه يعطي الفرصة لادارات الفريقين بالضغط على الشركة في الحصول على المبالغ التي يريدونها وهذا هو سبب الفجوة بين الاثنين وبقية الفرق في الليغا ... بالمقابل فريق متوسط مثل خيتافي او سوسيداد على سبيل المثال وغيرهم راح يرضى بالمبلغ المقدم له من الشركة حتى لو كان ضعيف لأنه يريد الاستفادة ماديا ولأنه لو دخل في مرحلة تفاوض مع الشركة حول المبلغ قادرة انها ترفض ويمكن ليست بحاجة الى نقل مبارياته لأنها لا تعود عليها بالربح المادي الكبير مثل مباريات الفرق الكبيرة .
يعني لو نأخذ مثال على البريمير ليغ اللي حقوقه تتجاوز المليار النظام يفرض توزيع نسبة 50% بالتساوي على جميع الفرق الـ 20 والنسبة 50% الباقية تتفاوت حسب معايير مختلفة منها ترتيب الفريق ونتائجه ومعدل الحضور الجماهيري ونسبة المشاهدة التلفزيونية ... هنا نشاهد التوزيع العادل لأنه فرق الصدارة والمقدمة ستبقى هي الأعلى من حيث الايرادات لكن لا نشاهد الفجوة الكبيرة مثل ماهي حاصلة في الليغا الاسبانية ... أذكر العام الماضي كان فريق سندرلاند وترتيبه وقتها العاشر او الحادي عشر يحصل على مبالغ اكثر من فالنسيا الثالث في الليغا وهو الظلم الكبير لهذه الفرق والا وش الحق اللي يعطي برشلونه وريال مدريد انهم يحصلون على مايزيد عن 40% والبقية توزع على 18 فريق ولا ننسى معهم فرق الدرجة الثانية ... يعني لو تم تطبيق نفس النظام في اسبانيا من الطبيعي ان يكون للاثنين النصيب الأعلى من الايرادات ولكن ليس بالفجوة الخيالية الحاصلة حاليا .
طبعا حسب الاجتماع اللي حصل العام الماضي بين هذه الفرق والشركة الناقلة الظاهر كان فيه اتفاق انه هذا النظام سيطبق ولكن بداية من عام 2015 يعني ردد ياليل ما اطولك والاتفاق اللي تم انه 40% توزع بالتساوي و 60% تكون المبالغ اللي تتفاوت بين الفرق .
النظام يتيح لشركات النقل بيع الحقوق بشكل فردي على الأندية
+1 يا سلام عليك كان ودي اكتب المعلومه بس ما تأكدت منها وما ودي اعطي معلومه خطأ وجاء التأكيد منك . اعتقد بعد الكلام الي قلته ونقطه ابو سلطان الي اقتبستها تقنعكم
اصلا وش دخل ميسي وبوسكيتس ببعض هذا مركز ومهام وهذاك مركز ومهام مختلفة تماما.
الوضع المتطور
