لا تحاولين هؤلاء هم قلة من الجماهير المحسوبين على الهلال
وانا سبق وقلت عنهم أنصاف مشجعين
هؤلاء لو ينهزم الفريق لا قدر الله دقوا اللطمة وطلعوا من الملعب
وهذه حقيقة ترى وصارت في مباراة العام الماضي وضحكوا علينا جماهير الاندية الاخرى
وخيب الله ظنهم من طلعوا تعدلت اوضاع الفريق وبدل ما كنا مهزومين طلع الفريق فايز

التشجيع يبغى رجال واسعين البال
حكماء صبورين يحمسون الفريق ويقفون معه في السراء والضراء
ولا يعاتبون لاعبينهم بالملعب
التشجيع ماهو استهجان وسب وشتم وتحطيم
آخذين بأنفسهم مقلب وان القرار الأول والأخير عندهم
وانهم يقدرون يغيرون ويبدلون بقائمة الفريق على مزاجهم
واحد قبل شوي قرأت له رد يقول :
انا منهم من الذين اطلقوا الاستهجان ويفتخر بعد يقول علشان المدرب
يسمع اننا ما نريد هذا اللاعب مادرى ان المدرب لديه تقييم لكل لاعب معه
وما هو أنت ياللي بالمدرج تقيم لاعبينه .

المفروض نوقف معهم جميعا ونساندهم ونخلي منا انتقادهم

والله انك صادقه
عدوكم موضوع عن الكوري اليوم فقط
بتعدون وتغلطون من كثرها
واللي يقولون اللاعب مايعرف يناول
ارجعولأول مباراة لنيفيزمع الهلال
ماكان يناول صح كانه اول مره يلعب كوره
وانتقدتوه وبعدين صارمن اللاعبين المفضلين في خط الوسط.

من وجهة نظري أن المحياني لاعب منطقه خطير وهو يلعب مع الهلال خارج الصندوق وهذا خطأ .. ومع ذلك يصنع ويسجل ...

أما بالنسبه للكوري لاعب سريع ويسبب أرتباك للخصم بتحركاته المزعجه ولكن عيبه اللمسه الأخيره أمام المرمى ...وهذه مشكله كبيره..اتمنى معالجتها ..

أتفق معاك أختي بتناقض بعض الجماهير في آرائهم ولكن بالنسبه للزوري أعتقد أن موضوع الزوري أستثنائي.. لأن الزوري منذ مده ليست بالقصيره وهو عاله على الفريق ومنطقة عبور للخصم .. !! الظهير يدافع ..يهاجم.. عرضيات .. !!!
ولكن الزوري لادفاع لاهجوم لاعرضيات!! إذاً مالفائده؟؟؟
سبق أن تكلم الجمهور الواعي وطالب الزوري بتطوير مستواه ولكن لاحياة لمن تنادي!!!
الأخ نايم ومادرى عن شي ..!!

شكراً لك أختي ع الموضوع

آيدك في حضور الجمهور ! آيدك في عيسى !
اما الكوري بالله عليك معجبك مستوآه مآ ششآء الله حرآم يكون محترف
وربي نجلس ع ياسر افضل منه بكثير، اما الزوري صرآحه هذا الشيء
اللي راح يبعد الزوري من المجاملات اللي نشوفهاا خخلاص ل متى
يعني نصبر ع لاعب فاااشل ! يعني ع ششانه لاعب هلالي خلاص ما
يجوز يصفرون علييه ! وممكن تكون في صالحه ويرجع ل مستواه كل
شيء وارد ، والله يكتب اللي فيه الخير للزعييم ولآهنتي ع الموضوع

موضوع رائع
يعطيك الف عافيه
تحياتي

الف شكر لك على الموضوع الرائع

الكوري لو صبرنا عليه راح يكون ماكينة اهداف واذكركم

عيسى المحياني عندما اشاهد وفائه للهلال اتذكر سامي الجابر

وكيف الهلاليين كانوا يريدون بيع المتبقي من عقده للشباب ويبحثون عن بديل له
وعندما انقذ الهلال بمباريات كثيرة تراجعوا
ولم يساوم الهلال مثل غيره يعشق الهلال ويخدم الهلال بصمت وبدون ضجيج
عيسى لاعب كبير وسيفرح الهلاليين كثير ومثل ماتفضلتي مباراة الغرافة مثال بسيط
لما يقدمه طلق المحيا
اما صافرات الاستهجان اللي صارت ضد الزوري سببها المواضيع الزايده عن حدها بالمنتدى
التي تهاجم اللاعب
وسيبقى عبدالله نجم كبير لايمكن الاستغناء عنه

الف شكر على الموضوع الرائع

اختلف معك اخوي في نقطتين
الاولى : الي مقنع بشئ دايم صعبة تغيرة في لحظات او ايام
ياعزيزي الزعماء دايم متعودين على الفوز والاقناع والضرب بقوة على الخصوم
من متى و الهلال ب الحيل يفوز يارجال اذا قلت في هاذي السنة الزعيم ما يقنع ولا مباراة
سوا مباراة الاهلي " الدوري هاذا "
بنسبة لزوري ما احد اقتنع فية من يوم بدأ لين الحين اذا اسثنينى بدايتة الي كانت
في قطر البطولة الودية بسسس يعني نقطة ضعف كبيرة وكبيرة جدا

وربي كلامك صحيح )) اي والله جمهور مباراة الواحدة ....

بس فالحين انتقاد وشماته وفلان اطلع وفلان انقلع والمدرب سوا وسامي ماسوا خيررررر

يعطيك الف الف الف عافييه هلاليه العشق ...

كلامكِ صح هلالية وعين العقل

بالنسبة للكوري اشوف انه لاعب له دوره في الملعب تحركاته مزعجة لمدافعين الفرق الأخرى ويسهل المهمة لغيره من لاعبي الوسط لتسجيل الأهداف وهذا اللي حصل في المباريات الثلاث السابقة وهذي الفايده منه ياللي تقولون ما منه فايده .
اما المحياني استغرب بصراحة من البعض بس ع شان الحظ وقف ضده في مباراة الأهلي واضاع كره في القائم قلبتوا عليه بلحظة يعني تذكرون سلبياته وتنسون الايجابيات اللي سواها للفريق وهذا دليل على انه مع الأسف الأغلبية يدورن الزلة على اي لاعب ع شان يستلمونه رايحين جايين، جمهور غريب مدري ايش يرضيهم ،،،

عبد الله الزوري
لاعب ما عليه كلام ولو كان غير كذا كان المدربين اللي دربوا الهلال والمنتخب اتركوه على دكة الاحتياط وهذا شي ما صار حتى مع المدرب جريتس كان يعتمد عليه في أغلب الخطط لكن
والله مهما كان سوء اللاعب وهبوط مستواه ما توصل بالجمهور انهم يسون في لاعبهم زي كذا
فيه لاعبين اسوأ منه بكثيرويكفيكم ياسادة انهم يلعبون باسم الهلال واللي يلعب للهلال توقف معاه الجماهير حتى اخر لحظة وتدعمه وتشجعه حتى يعود لمستواه وانتم عكس اللي تسونه مع الزوري وكأنه الوحيد اللي هابط مستواه ،،،

الزوري
انت لاعب فنان ولا تلتفت لكلامهم وانتقادهم رد عليهم في الملعب ودق اخشوم المنتقدين وانا متأكد من عودة المستوى اللي عرفنا فيه الزوري

وبالتوفيق للهلال في القادم يارب

يعطيك العافية ع الموضوع الجميل

عيسى المحياني هو افضل مهاجم موجود في الهلال بعد العربي


المشكلة ان فيه ناس ماتفهم كوره وودعا تحط التشكيلة وتغير وهي بالبيت


الان عيسى اكثر من سنتين معانا لعب اقل من 10 مباريات كامله


يعني يابديل يامايكمل والسبب ان الادارة ماعندها ثقة فيه



رغم ان اللاعب برهن مرات عديده تلغي الصدفة من الموضوع انه مهاجم من طراز نادر



ولكن عند اي مباراة لايكون في يومه تجد الكل يتكلم بانه ليس في مستوى الهلال



ولايشعرون انهم هم من افقدوه رتم المباريات واعطوه لغيره



والدليل المحترفين كل لاعب يحتاج 10 مباريات فنحكم عليه



اما عيسى فمباراة وحدة تكفي



عموما أنا عند رأيي ياسر وسعد في كفة وعيسى في الكفة الأرجح لانه اللاعب المفيد المنتج



دمتم زعماء

ياختي والله الكوري وين مايطقها عوجآآ

المشكلة ماعنده الحس التهديفي ، الا الان كل الاهداف اللي جت عن طريقه صدف ..!

واتحداك لو اثبتي عكس ذلك


الشوت عنده صفر ، انا ودي امسك رجوله واشوفها مثل رجولنا ولا كيف جايه !!

احس فيها اعاقه وهو يشوت رجله تميّل تلقائياً

اللي مصبرنا عليه ان تمركزه صحيح ، ومسبب ازعاج للمدافعين لكثرة تحركاته وحماسه !

ولا كمهاجم ماينفع الفريق ابداً

-

بالنسبة لطلق المحيآ لبى قلبه ، ماراح اعلق ولا راح انتقده لانه انقذنا من مباريات كانت كفيلة بهبوط مستوى الفريق ولكن ولله الحمد يأتي المحياني وينتشي الفريق في أسواء حالاته بالمباريات

الكوري فاااااااااااااااااااااااااااااااااااااااااااااااااااااااااااااااااااشل كنتروله سيء للغاية لاعب فاشل لا يستحق الزعيم

المحياني سيء بس افضل الموجودين للاسف

الشلهوب كذلك مستواه متراجع واكثر اهداف الخصوم مقطوعة من الشلهوب او بتمريرة خاطئة منه لان تمريراته قصيرة جدا

وجهة نظري

مب لازم ينرفع ضغطك على وجهة نظر ناس لهم احقية التعبير مثلك مثلهم

موضوعك اصلا وجهة نظر وانا احترمها وما رفعت ضغطي ابد

تحياتي

عيب الي صار من بعض الجماهير يقال عنه عيب لاعب هلالي يلعب في الملعب جالسين نصفر ضده اذا استلم الكرة اذا لم يتعدل الوضع اتمنى العب بدون جمهور