حالياً : الأجواء ف الرياض لا تشجع على الحضور نهائياً - نادي الهلال السعودي - شبكة الزعيم

هلالي و اعشق ياسر 20 · #1 02/02/2012, 09:14 AM

بسم آلله الرحمن الرحيم

هلآ بالزعمااء آرحبوا يالمطانيخ وش حالكم كلن بآسمهه
لآ اجيد كتابة المقدمات ف لذلك س أطب في مضمون الموضوع عاجلاً غير آجل
آلعلم سلامتكم
الاجواء ف الرياض لآ تساعد ولا تشجع على الحضور نهائياً
من البارح و الجو كله اغبره و عجه يالله سترك
ف لاحدن يجي منبرش على جماهير الرياض و يقول جمهور الرياض دجه و لا يستاهلون النادي ولا فيه حضور ولا فيه تشجيع ولا مؤازره منهم
انا والله اني متفق مع العيال ان حنا نحضر و بصراحه اكبر شي مشجع للحضور انها اول مباراه ل ويلي عقب ما رجع و اول مباراه ل الكوتش ايفان هاسيك بعد توليه منصب المدرب فالنادي و نبي نعكس له صوره رائعه للجماهير الهلاليه العريضه و الكبيره عشان يحس بأن النادي اللي يدربه نادي كبير بجماهيره و عشاقه ..
كل الامنيه بأن يتحول هالغبار و هالعجه إلى امطار و اجواء رائعه خلال الساعات القادمه

مرآسلكم من غرب الرياض - آلدخل المحدود

ـهلالي ـمدريدي · #2 02/02/2012, 09:18 AM

بــــــ التوفيــــــق لـ الزعيم ..

وان شآء الله يتغير الجو ..

هلآلي جدآوي · #3 02/02/2012, 09:18 AM

ياحبيبي انا اليوم واصل الرياض وانشالله حاضر زي ماللعيبة حيلعبو بذا الجوو عشان يرضو جماهير الهلال احنا نجي بذا الجو عشان نساندهم مره مو عذر

هلالي و اعشق ياسر 20 · #4 02/02/2012, 09:24 AM

إقتباس

الرسالة الأصلية كتبت بواسطة هلآلي جدآوي


	ياحبيبي انا اليوم واصل الرياض وانشالله حاضر زي ماللعيبة حيلعبو بذا الجوو عشان يرضو جماهير الهلال احنا نجي بذا الجو عشان نساندهم مره مو عذر

يآرجال حنا ما قلنا عذر ومدري ويش ..
آنا قلت الجو غبار و عجه و كتمه ولآ يشجع على الحضور ..
يعني افهمني لو انت بتحضر غيرك كثيرين بسبة هالجو ما بيحضرون ..
وعشآن تسذا لاحد يشره عليهم اذا ما عينت الملعب فل او الواجهه امتلت ..

هلآليه منذو مبطي · #5 02/02/2012, 09:49 AM

إقتباس

الرسالة الأصلية كتبت بواسطة هلآلي جدآوي


	ياحبيبي انا اليوم واصل الرياض وانشالله حاضر زي ماللعيبة حيلعبو بذا الجوو عشان يرضو جماهير الهلال احنا نجي بذا الجو عشان نساندهم مره مو عذر

ارفع لك شباصتي احترامن وتقديرن لك
انت مثال رائع يجب ان يحتذى بك
انت شخصن يجب على على لعيبة الهلال ان يجيبون هدف اهدائن لك
كثر الله من امثالك يالطيب

ليييييييييييييييييييييييييييييييتن ولد بس

يعني لو خسر الهلال لاسمح الله وتعذرو اللاعبين بالجو بتعذرونهم

اكيد لا بتحطون فنايلهم فوق روسهم وهم وهم وهم
بس انتم اذا تعذرتو بالجو وتغيبتو عن الحظور عادي ماعليكم شرهه صح

هلالي و اعشق ياسر 20 · #6 02/02/2012, 09:59 AM

إقتباس

الرسالة الأصلية كتبت بواسطة هلآليه منذو مبطي


	ليييييييييييييييييييييييييييييييتن ولد بس يعني لو خسر الهلال لاسمح الله وتعذرو اللاعبين بالجو بتعذرونهم اكيد لا بتحطون فنايلهم فوق روسهم وهم وهم وهم بس انتم اذا تعذرتو بالجو وتغيبتو عن الحظور عادي ماعليكم شرهه صح

فعلاً حنا تعذرنا ب الجو و سنتغيب عن الحضور . . !
هنيئاً لك بهذه العقليه الجباره و العقليه الاسطوريه فعلاً .. ! <~

relaxo · #7 02/02/2012, 10:03 AM

إقتباس

الرسالة الأصلية كتبت بواسطة هلآليه منذو مبطي


	ارفع لك شباصتي احترامن وتقديرن لك انت مثال رائع يجب ان يحتذى بك انت شخصن يجب على على لعيبة الهلال ان يجيبون هدف اهدائن لك كثر الله من امثالك يالطيب ليييييييييييييييييييييييييييييييتن ولد بس يعني لو خسر الهلال لاسمح الله وتعذرو اللاعبين بالجو بتعذرونهم اكيد لا بتحطون فنايلهم فوق روسهم وهم وهم وهم بس انتم اذا تعذرتو بالجو وتغيبتو عن الحظور عادي ماعليكم شرهه صح

ههههههههههههههههههههه

<< فاقعن ضحك

.........

يآرجل لو غيوم ورذاذ ومطر والجو ما مثلوه

جمهور الرياض ذا الموسم ماسكه معهم ما يطبون الملعب

حالفين انهم ما يحضرون

والي يقول انسب حل يأجلونها في المساء < يارجل اذكر ربك لا توهقني

مواصل ورآيحن فيها قل خير تكفى

ان شالله يلعبون في وقتها ويبيضونها

.نايف العتيبي. · #8 02/02/2012, 10:42 AM

إقتباس

الرسالة الأصلية كتبت بواسطة هلآليه منذو مبطي


	ارفع لك شباصتي احترامن وتقديرن لك انت مثال رائع يجب ان يحتذى بك انت شخصن يجب على على لعيبة الهلال ان يجيبون هدف اهدائن لك كثر الله من امثالك يالطيب ليييييييييييييييييييييييييييييييتن ولد بس يعني لو خسر الهلال لاسمح الله وتعذرو اللاعبين بالجو بتعذرونهم اكيد لا بتحطون فنايلهم فوق روسهم وهم وهم وهم بس انتم اذا تعذرتو بالجو وتغيبتو عن الحظور عادي ماعليكم شرهه صح

ارفع قبوعي احترامن وتقديرن وكل شين طيب
ي خيتي ابك اللاعبين مركبين فلاتر بخشومهم ومير ما يونسون الغبار عشان تسذا الغبار ما يأثر عليهم <<بينجلد ههههههه

والله ي خيتي قدر الله وخلقتس بنت واحمدي ربتس ههههههههه

الوكاد الحضور مطلوب والغبار مو حجه تقدر تشتري من الصيدليه كمام ومانتب حاس بالغبار ههههههههههههههههههههههههه ولا دق اللطمه ازيين ههههههههههههههههههه

mř-MģńōŅ · #9 02/02/2012, 09:26 AM

"

غبار اعاصير ثلج مطر حاضرين حاضرين ...

لازم تعرف جماهير الهلال ف المدن الاخر من هم جماهير الرياض .. ف ارجوا الحضور لم تمنع الاجواء اللاعبين

ولن تمنع الجماهير ب اذن الله ... وان شاء الله يصير الجو صافي وحلو ب اذن الله ..

تحيآتي ..

"

هلالي و اعشق ياسر 20 · #10 02/02/2012, 09:31 AM

إقتباس

الرسالة الأصلية كتبت بواسطة mř-MģńōŅ


	" غبار اعاصير ثلج مطر حاضرين حاضرين ... لازم تعرف جماهير الهلال ف المدن الاخر من هم جماهير الرياض .. ف ارجوا الحضور لم تمنع الاجواء اللاعبين ولن تمنع الجماهير ب اذن الله ... وان شاء الله يصير الجو صافي وحلو ب اذن الله .. تحيآتي .. "

قوآكك الله يازعيم
و الله يسمع منك ويصفى آلجو

alsahr11 · #11 02/02/2012, 09:27 AM

اذا كان الجو غبار أعتقد انه لا بد من تأجيل المباراة علي الاقل إلي المساء

هلالي و اعشق ياسر 20 · #12 02/02/2012, 09:35 AM

إقتباس

الرسالة الأصلية كتبت بواسطة alsahr11


	اذا كان الجو غبار أعتقد انه لا بد من تأجيل المباراة علي الاقل إلي المساء

^
إذا استمرت هالاجواء آتوقع التأجيل للمسآء هو آنسب حل

لاهنت على المرور

هلالـmakkahـي · #13 02/02/2012, 09:42 AM

اتفق معآآآك بكل شيي ..

بس اللي يشووفكم يقول وقت الأجوااء الحلـوهـ خليتو الملعب فــل .. !

هلالي و اعشق ياسر 20 · #14 02/02/2012, 09:47 AM

إقتباس

الرسالة الأصلية كتبت بواسطة هلالـmakkahـي


	اتفق معآآآك بكل شيي .. بس اللي يشووفكم يقول وقت الأجوااء الحلـوهـ خليتو الملعب فــل .. !

انا مانيب قايل لك حضرت كل المباريات .. لأن كل واحد و له ظروفه
لكن الحمدلله بالنسبه لي ذي تقريبا رابع او خامس مباراه احضرها هالموسم بالرياض
و هالمؤشر تقريباً يعتبر جيد قياساً ل اغلب الجماهير الثانيه بالرياض أو خارج الرياض ..

شآكر لك مرورك يازعيم

خالد ، الدعجااًَني · #15 02/02/2012, 11:13 AM

إقتباس

الرسالة الأصلية كتبت بواسطة هلالـmakkahـي


	اتفق معآآآك بكل شيي .. بس اللي يشووفكم يقول وقت الأجوااء الحلـوهـ خليتو الملعب فــل .. !

نملاه بعد .. بس لا تقارن استاد الملك فهد بالملاعب الثانيه