|
أزعجتونا بـ جيريتس وكوزمين ( تعال أعلمك وش سلبياتهم ياللي ماتشوف الا هم بعينك ) عشان ثاني مره مااسمع طاريهم أوكي .؟ بسم الله الرحمن الرحيم السلام عليكم ورحمة الله وبركاته اولا جيرتس ماسوى شيء للهلال ولكن الاداره واللاعبين هم من فعلوا المستحيل والدليل تواجد الامير عبدالرحمن بن مساعد وسامي الجابر واللاعبين في قمة مستواهم وهم ( الدعيع - هوساوي - المرشدي - الزوري - لي يونغ - خالد عزيز - رادوي - نيفيز - ويلي - الفريدي - الشلهوب - العابد - الدوسري - القحطاني - المحياني ) في ظل تواجد هولاء اللاعبين ساحقق اسيا بالراحه لكن جيرتس لعب ضد النصر في الدوري ذهاب 2-2 والاياب خسر 2-1 وفي كاس ولي العهد فاز الهلال 2-1 في اخر دقائق الشوط الثاني الاضافي وكاس الابطال 5-3 << الله فكنا من التعادل والاياب تعادل 1-1 وذهاب الدوري في السنه اللي بعدها 1-1 هل هذا انجاز .؟؟ لا اظن ذلك ومع الاتحاد الذهاب 5-0 << مع العلم ان سبعة لاعبين من الاتحاد غايبين وعلى راسهم محمد نور والاياب خسرنا 2-1 وكاس الابطال خسرنا بركلات الترجيح والهلال لم يقدم اي مستوى يذكر ومع الاهلي تعادل في الاياب 1-1 وتعادل مع القادسيه 0-0 هل هذا انجاز .؟ مع ذوب اهن الايراني خسرنا ذهاب واياب 1-0 هل هذا انجاز ؟؟ ومع الغرافه الله ستر علينا لولا الله ثم جهود سامي كنا مودعين 4-0 ياهي كارثه والله في النهايه اقول جريتس جيد ولكن ترى اللاداره والاعبين ساعدوه كثير والحين شوفوا وش سوى مع المغرب اول المودعين المغرب لا خلونا نشوف كوزمين خرجنا من الاسيويه ههههههههه من الوحده الاماراتي تعادل سلبي في الذهاب وتعادل ايجابي في الاياب وخسرنا في كاس الابطال من الاتحاد 4-1 والاياب 2-1 بصراحه خوش مدرب لا وفزنا بالدوري قدام الاتحاد يقولون والله ثم والله اللي خلانا نفوز محمد الدعيع الله يذكره بالخير وش سوى كوزمين .؟ حقق لنا الدوري .؟ او كاس ولي العهد .؟ ترى الهلال متعود على البطولات لو يلعبون بدون مدرب والله يفوزون ياناس ياعالم قولوا لي وش سوى كوزمين مع غير الهلال ؟ وش سوى مع السد .؟ وش سوى مع العين ؟؟ للعلم ترى السد حقق ابطال اسيا مع المدرب فوزاتشي وصار ثالث العالم وانتم للحين كوزمين وجيرتس ترى الهلال اقال دول وهو في المركز الاول واقال كالديرون وهو حقق الدوري وولي العهد يعني ماجاب شيء كوزمين ولا جريتس ولاتقولي جريتس فاز على الحزم 5 ونجران 5 و...الخ ترى ترى دول هزم النصر 3 وهزم القادسيه 5 و المهم والاهم من ذلك اتمنى تشجيع اللاعبين وخصوصا المحليين مانبي نسمع تمجيد مبالغ فيه للاجانب ترى لاعبينا وصلونا للنهائي والمدرب سامي كلينا الاصفرين باسبوع واحد منو السبب ؟ من شباب الهلال يالبى الهلاليين الاصليين ولاتنسون ترى الفريدي وهوساوي هلاليين الان يعني نبي التشجيع لهم مو بكره نشوف مساندة لهرماش وولي وتتركون الفريدي وهوساوي فديت كل لاعب هلالي فرد فرد لاعب لاعب هههه في امان الله القاكم |
كل اسباب الخسارة الي ذكرتها كان سببها اللعيبه اخوي مو معقوله عاد نكون جاحدين للدرجة هذي قريتس لازم يخسر كذا مباراه لانه مو مدرب نازل من السماء قريتس هو الي خلى الكل يقول عنه امتع فريق في اسيا كنا ندخل المباراة ونقول كم بنفوز مو نقول بنفوز او لا ماعرفنا الخمسات واللعب السريع الامعه ماعرفنا متعه الاهداف من كل جهة الا معه ماخلانا نكسب لاعب لاعب مثل حسن العتيبي والعابد الا هو بعد فضل الله ماخلا الزوري في قمة مستواه الا هو بعد الله ليه النكران هذا المبارايات الي انت قلت خسرنا فيها ارجع شوفها بتشوفها كلها اخطاء لعيبه يظل الاسد ايريك جريتس افضل مدرب مر على اسيا من وجهه نظري وسجله يحكي عنه |
يالغالي انا معك من ناحية التغني بالماضي غير مطلوب ومضر بالفريق لكن ننكر الماضي انا أخالفك ممكن كوزمين كانت طريقة لعبه عادية نظام سجل وقفل ماجاب جديد لكن جيرتس غير مفهوم الكره الجماهير اصبحت تبحث عن المتعه قبل ايام كوزمين كنا نفوز على نجران بصعوبه او ننهزم والجمهور مايقوم الدنيا الوضع عادي لكن بعد جيرتس اختلف الوضع متعه+فوز غير كذا مايرضى الشارع الهلالي مسألة تجيب لي مباريات انهزم فيها وتقول وين الانجاز ترا بيب غوارديولا انهزم وبالثلاثه كل مدرب بالعالم ينهزم مباراة ذوب آهان انهزمنا بأخطاء حكم+ لاعبين هدفهم بالذهاب من ولي وبالاياب من هوساوي وضيعنا بلنتي وبلنتين ما انحسبو مباراة الاتحاد الاخيره كان الهلال ناقص 7 ليش مافازو؟! اذا بنحسبها بذا الطريقة الهدف من الموضوع انا معك فيه 100% اما المحتوى اخالفك فيه |
لبىا جيريتس وكوووووووزمين بس |
لا تلووم من يطالب بـ جريتس وكوزميين لانهم ما يعرفون مدرب للهلال إلا هم تعرف الطفل لمه يفتح عيونه يشوف اول شخص امامه يفكره ابوه او امه فهولاء مثلهم اول ما فتحت عقولهم على الكره شاف كوزمين وبعده جريتس وما يدري المسكين بـ ان مدربين عالميين مرو على الزعيم والهلال هو من يصنع المدربين لا مدرب يصنع الهلال شكرا ً لك |
يكفيك جيريتس قبل مايجي الهلال كان مع مارسيليا كانو بيهبطون درجة الثانية قبل مايدربهم بعد ماتعاقدو معه وصلو دور16من دوري الابطال---جيريتس شخصية قويةنادرة مدرب عالمي وايضا الهلال كبيييير بدون جيريتس-تحياااااااااااااااااااتي |
إقتباس:
ما يننكر قوه هلال جيرتس الا جاحد:yes: التغني في الماضي والمدربيين العالميين هو الي يضر الفريق اما انك تجحد مستوى فريق لموسم كامل عشان مباراة اعذرني ما عندك سالفه :d اما سالفة يصنع المدربين ما شفناه صنع دول الهلال منظومه مكتمله ادارة لاعبين ومدربين يختل واحد فيهم يختل الفريق كله |
إقتباس:
صحيح اتفق معاك بكل حرف كتبته :yes: يعني مثلا لو تجيب مدرب ممتاز وماعندك لاعبين ماراح يقدر يسوي شيء ! ولو تجيب مدرب سباك وعندك لاعبين كبار ايضا نفس الشي ! ف كلاهم مكملين لبعض " |
بالفعل انا ياما قلت ازعجتونا بجيرتسس هالمدرب المحظووظ لكن مااحد سمع كلامي هذا هو مع المغرب وش سسوى بالله ...! جاء للهلال والفريق كامل والنتايج تممشي بفضضل مستوى اللاعبين وبعض المبارايات اللي نتأخر فيها مااذكر نرجع فيها بسسهوله اذا لم نرجع فيها نهائياً ولو قدام فريق صصغير بامكاناته واقل من الهلال واللي يقهر الجمهور باقي يقوول ايام جريتسس ..! أي ايام بالله ..! جريتسس مع احترامي له حتى اذكره لما كان يدرب مارسيليا (لاتقولون بنت ماتتابع ) لا كنت متابعه زين ومتأكده بعد كان أي مباراة يتأخر فيها صعب يرجع لها وتغييراته باآيخه .. هذا كلها تنزل من قيمة المدرب |
إقتباس:
ياعزيزي هلال جيرتس تدخل المباراة وأنت مرتاح نفسياً هلال يضرب بالثلاث والأربعة والخمسة ولعب سريع وأهداف بكل الطرق أما بالنسبة للهلال هو من يصنع المدربين هذي كذبه وصدقناها وينه من أديموس ودول والعجلاني ورى ماصنعهم الهلال |
انا لو اني مدرب في وقت جريتس لحقق البطولات مع وجود النجوم في عهد جريتس كان الهلال في افضل حالاته والدليل كالديرون حقق بطولات وهو مو بذاك المدرب ترى جريتس غير طريقه لعب الهلال فقط . الهلال في زمن باكيتا وكوزمين كان يسجل هدف ويقفل الحين لو يجي مدرب الانصار اضمن لك بنتائج ممتازه تقبل مروري |
إقتباس:
لو مايجي من جيرتس إلا إني اهايط على الجميع فبل المباراة بأسبوع :naughty: والفريق يقدم أداء روعة وأهداف بالكوم |
ترا انكار المعروف منهي عنه يآخخخوي :yes: جيريتس اهدى الهلال لقب الفريق الأفضضل اسسيويا والكل رششحه لنهائي البطوله ولولا الله ثم الاخطاء اللي صارت بمباراة ذوب اهن الايراني كآن تأهلنا والكآس لنا ,, [ جيريتس ] مدرب مسستحيل ييتكرر بتاريخ الهلال كلآمك غير سسليم ,, ومو الهلال اللي ينكر المعروف ,, كوزمين مدرب مخلص لعمله وكان تكتيكه نآجح جدا مع الهلال بسس الظروف مآسآعدته وشآلوه خآفوا من انجآزاته ,, جيريتسسسسس الأفضل والأجمل والأمثل والأكمل بلاها هالمثاليات والكلآم المصطنع .. |
إقتباس:
أخوي انا قاعده اقول وجهة نظري مالها دخل بلاعبي ع قولتي بعدين الفريدي كان وقتها مصاآب بكسر مضاعف ..! انا اتكلم عن جريتس اللي ماكان بذاآك المدرب حتى ويلي ماكان يبيه جريتسس لولا اصرار الهلاليين عليه وشفنا ويلي كيف كان شايل الهلال .. واختيارات جريتس بالله الجمعان والجيزاني ؟.! طيب واختياراته لهرماش والعربي ..! المدرب مجرد محظووظ لاأقل ولاأكثر |
حبيب قلبي عد معاااي اقنعني الفريق فريق سعودي مو اوربي 21 لمسه لقققول ويلهآمسون - YouTube هدف الشلهوب بالعداد - YouTube هدف الشلهوب الاكثر من رائع مع تعليق رائع - YouTube صاروخ رادوي بعد 18 تمريره هلاليه - YouTube http://www.youtube.com/watch?v=wJ5ZJ...eature=related بحثي فقط 5 دقايق كمل بحث :) .. |
| الوقت المعتمد في المنتدى بتوقيت جرينتش +3.
الوقت الان » 11:56 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd