سلآلآلآلآلآلآلآلآم ي زعماآء القاآرة الاسيوية
اول شي الف مبروووك الفوز عالفيصلي بالمستوى ال جيد جدا
طبعا البعض حيعلق على كلمة " المستوى الجيد جدا "
الجماهير اليوم مافي غير تنزييييييييييل مواضيع كلها تقريبا تحت هذي العناوين
[[ مستوى سيء + الكوري برى + الزوري برى + هلال دول يعود + ايفان فاشل ]]

طيب ياحبيبي انتا وهوا خلينا نعلق على موضوع موضوع حبه حبه

#مستوى سيء : اولا اللي يقول المستوى سيء ياانو ماشاف المباراة زي الناس او مايفهم كورة او يبا مشاكل !!
ياحبيبي اليووم مستوى الزعيم " ليس بالمتوقع لكن ابدا ماهو سيء زي مالبعض بيقول
مستوانا جيد جدا .. ورجاء لاحد يتفلسف ويقول سيء

#الكوري برى : الكووري مااخالفكم اليوم مو بالمستوى بس برى ؟؟ يعني حضرتك انتا وهوا ادرى من المدرب ؟؟
طيب ايش رايك نعينك بدالو ؟؟
والله حاله مره ترفعووو السما وفمباراة وحده او غلطة او غلطتين تطردو من النادي ؟؟ سلامات
الكوري مستواه اليوم مقبول بس ضيع الكثير من الهجمات وهاادا عيبو يضيع اكثر من مايسجل

#الزوري برى: والله الزوري دا مسكين وربي لو انا بدالو اعتزل الكورة من بعد مااخش المنتدى .. اليوم صافرات الاستهجان للزوري من الجماهير والله قهرتني قهر سرت لحالي اصفق والباقين يستهجنو .. ليش طيب ؟؟ ترا عبدالله بالهلال يلعب مو بالفيصلي .. جفين البيشي تسبب بركلة جزاء خرجت الاهلي من البطولة والجماهير ماسوت اللي سويتوه للزوري بالعكس .. وحتى خشيت منتداهم مالقيت ولا موضوع ضدو
عبدالله الزوري اليوم قهرني بشي واحد " يرجع الكورة للخلف كثير " غير كدا ماشفت الشي السيءء منو ولو شفتو شي على اللعيبة التانيين ماحتسوو زي لمن تسسو من الزوري ..بالعكس شفتو فهجمات خطرة اليوم يعني زبدة هرجي عن الزوري ياجماهير بالله خفوو عليه والله حرام عليكم حاطين عينكم عليه اي غلطة قومتو الدنيا وقعدتوها لاتنسو انو يلعب للكيان الازرق

#هلال دول يعود : اما الفئة دي حكاية تانيه ههههه مشالله ماادري ايش يبوو الفريق مستواه كان لنفرض 99 نزل 97 خلاص سار الفريق فااااااااااشل وماينفع وفقدنا الامل فيه !!!!! ياهوووو ايش تبغوووو انتوا ايش تبغوو ؟؟ احمدو ربكم فزناااا اجل لو خسرنا ايش بتسوو ؟؟ والله المنتدى بيولع نار من الانتقادات
بعدين تعال انتا وهوا تحسب لمن تكتب (( هلال دول يعود + المستوى فاشل + الفريق فاشل + الخ )) الفريق بيتعدل ؟؟ لا ياحبيبي قاعد تزيدو سوء انتا .. ارتقووو شوية وساند فريقك انتا وياه واحضر مبارايات افضل من مواضيعك المحبطة واللي ماتودي ولاتجيب !!


# " ايفان هاسيك " فاااااااااشل : مسكين المدرب مالو يوم واصل الرياض الا واخدلك دش من الجمهور .. انت مستوعب ان المدرب له يوم مدري يومين فقط ؟؟ واصلا مايعتبر درب الهلال لسى الفريق باشراف سامي ولا تبغا تطلع عيب من المدرب منتا عارف كيف اللي يقول انو المدرب سيء او فاشل مايفقه بالكورة شيء مع احترامي له
المدرب ماتحكم عليه الا لمن يعدي موسم عالاقل ..الادمي توو واصل مشالله حكمو انو فاشل وانو فيه ويخطيه لاحول ولاقوة الا بالله


كدا انتهينا من النقاط !!!

حبايبي جن الملاعب وجمهور نادي القرن
لاتحسب لمن تقول
الدوري راح
اسيا لاتحلمو فيها
كاس الملك راح


لاتحسبو انو حنجيب ولي العهد والله بكلامكم دا المحبط تماما ماحنذوق شي هالموسم
شيل عفشك وعيال حارتك وتعال الملعب غني وانبسط وشوف هلالك يبدع وسيب الشغل دا كلو للي اعلم منك ومني يعني لاتسوي فيها خبرة ومحلل
الادارة شايفين ان الاعب الفلاني سيء للفريق او عالة زي ماتقولو ماحيترددو انهم يزحلقو من النادي
بس لمن تجلسلي فبيتك وفصفص وشاهي وتبغا الهلال يفوز ويقدملك مستويات لا ي حبيبي


انا مابا اسوي اني المدري ايش بس من جد انتوا ايش تبغوا بالضبط ؟؟؟؟؟؟؟؟؟



وفالنهاية احب اشكرررررررررر جماهير اليوم اللي حضرت صراحة مع ان العدد مو مره كبير بس انا استمتعت بالمباراة مشالله ماقعدو تشجيع وغنى وطرب وابدااااع العيب الوحيد صافرات الاستهجان على الزوري وغير كدا والله ابدعوو والالتراس ابدع



ونقول " هادا ملعب وداك ملعب فين ماتريد احنا نلعب " << فاشخها

وراك ياهلال لو تروح اخر الدنيا
والله يوفقنا انشالله وناخد الدوري والكاس

اتمنى اكون وفقت فطرحي
ودي ،،

همسه : حبايبي لمن شفت ردود بعض الاعضاء تقول ان الزوري مستواه هابط ومافيها كلام انا ماقلت ان الزوري مستواه ممتاز الزوري مستواه هابط بس ماقلت الزوري يؤدي اللي عليه
الزوري مقصر فمركزه وعليه هفوات كثير بس ماتوصل لاستهجانه من جماهيره فالملعب

اللهمـ وفق الزعيم فوق كل ارض وتحت كل سماء