صباح الخير ..!!

ندخل ع طول بالموضوع


ياناس فيه فايروسات .. فيه كائنات غريبة دخيلة على النادي

بنرجع ورى شويات

مباراة التعاون اللي صار فيها الشغب ..

انا كنت من الحاضرين .. طول المباراة اسمع ناس تسب لعيبة معينين

حتى الجمهور يطالعون بعض مستغربين ..

وكانو كل ماضيع لاعب يسبون أهله وأجداده ؟


قلنا يمكن الجمهور عنيف

بس الطامة الكبرى اللي انصدمت منها

يوم جا سامي وشبيه الريح في نهاية المباراة...............؟؟

والله العظيم قامو يحذفون الماي عليهم

وانا وبعض الجماهير كنا نهدي الجمهور عشان ابو فيصل وسامي

لكن للاسف يضحكون ويرمون ولاهمهم ؟؟

هنا كان الدليل القاطع انهم من اندية ثانيه ....؟؟


ومباراة الشعلة .. خير دليل . ناس تركض مثل الهمج وحذف وقلة أدب


((طيب اذا ناديك مارفع راسك ولا جاب لك بطولات.. وش ذنب الهلال ))


أتمنى نلقى حلول ... والله كارثة علينا ..


خزينة النادي بتروح عقوبات والسبة الجراثيم ..

اصبر على مثل هالنوعيات هذي .. بينقرضون قريباًَ

إقتباس الرسالة الأصلية كتبت بواسطة هلالي$ميلاني اصبر على مثل هالنوعيات هذي .. بينقرضون قريباًَ

ياشيخ ماينقرضون مدام أنديتهم فاشلة

ما أدري بصراحة بس سالفة ( مندسين ) و يحضرون معنا على أنهم هلاليين ما هضمتها
صح بعض المبزره تشوفوهم بالمنتديات لكن بالملعب ما أتوقع توصل أنه يحضر و يتعب نفسه علشان أهداف مثل هذي
أنا مثلاً مشجع هلالي و قديم في الشبكة و لله الحمد و عضويتي تثبت و هلاليتي قبل كل شيء
أحياناً أتنرفز و أعصب على بعض اللاعبين و أشتمهم بس من القهر اللي فيني
مثل هجمة ( العربي ) على الشباب في الدور الأول يوم سحب بالدفاع و جاء قدام وليد عبدالله
و سطحها بصراحة شيء يرفع الضغط و ينرفز و لهالسبب خلاني أتكلم عليه
لاعبين كثار أمثال / الزوري و الفريدي ( مع إحترامي ) يرفعون الظغط خصوصاً الجمهور الحاضر
بعكس اللي جالس بالبيت و مروق تحس أنهم فعلاً ينرفزونك فـ لا شعورياً تتكلم و تهاوش
أنا كنت مع ولد خالي حاضرين مباراة التعاون و بصراحة ما قدرنا نتمالك أنفسنا
ولد خالي أخذ من البائع المتجول بـ 5 ريال علب مويه و جلسنا نرمي من القهر و الغبنه !


هل هذا معناه أني ( مندس ) أو أن ولد خالي ( مندس ) هو بعد !!

والله معك حق اكثروا المبزره والمندسين همهم التخريب حسبي الله عليهم ....

عواااااااافي ع الموووضووع
والله لاهم عليهم ولا هم يحزنون همهم بس التخريب
والهلال هو اللي يااااااكلها لجنه الانحطاط م تقصر
الله يعين علهم

هو ان فيه جمهور من اندية ثانيه تخش بين جمهور الزعيم واضح لكن مو منهم منكم لو كل واحد زي كذا تقومون وتشوتونه ما كان بتشوفونهم مره ثانيه

ومعروف جمهور الهلال بالذوق والاحترام بس اذا بتغلط عليهم بيورونك الويل زي مطرف

يعطيك العافيه

المشكلة حلها بيد الامن .......
يجب العمل بحزم وشدة لمثيري الفوضى
ماذنب النادي اي نادي واحد من الجماهير ينزل للملعب
او يحذف (يحقط) يجازاء النادي,,,, لماذا؟؟
المفروض ان يجازاء مرتكب المخالفة بالسجن او الجلد امام الجمهور
مرة مرتين فمن الخوف من العقاب سوف تندثر,,,

زي هذي الأشكال المفرووووض يتكفخوووووون اللين يدرون ان الله حق

ويكونون عبره لغيرهم

مشكووووور

فعلا هذي مشكلة كبير ويجب حلها


)SaLoOo7y(

عوووووافي
كلامك صحيح فعلا مشكلة وما اعتقد حلها يكون بسهوله وفعلا راح تحرم الهلال وتكلف
خزينة النادي الكثيررررر بس ان شاء الله ربنا يستر
بالتوفيق لزعيمنآآآآآآآآآآآآآآآآ