|
توني اصدق مقولة ( حاميها حراميها ) وانا الي على نياتي :( من جد من جد توني اصدق الي قال هالمقوله :cry: مستحيل اتخيل فييه ناس بهالدرجة من الدناءه .. ماعادت الناس تنفع احد .. ولا عادو الرجال رجال ينشد فيهم الظهر شبابانا هالوقت ينخاااااااااف منهم ... بكرا لا صار لي شي بالطريق ولا وحده منكم يابنات وبغييتي تنتخين بواحد من الشباب مستحيل تأمنينهم كفانا الشر :cry: كلهم وحوش ( s121s ) وراه ليه تسذا ؟ ليش مافيه منكم رجال بمعنى رجال .. مو نبت له شارب وصار يسمي نفسه رجال وكبير >> حلوه نبت له حسيته زرع هههههههههه :d الزبده قصتي مع الي مايستحي ( كاشير بأكسترا ) وانا الي على نياتي قسم بالله :cry: رحت اكسترا وشريت منهم اجهزه .. وعطاني ورقة ضمان وقالي اكتبي اسمك ورقمك ( اقسم بالله على نياتي حطيت رقمي واسمي ) وهو جلس يخربط فوق راسي يقول لازم رقمك واسمك عشان الضمان ومعرف ايش عاد انا صدقته > بلاتس ثوره فيه بنت تصدق سعودي :cry: غسلت يدي منكم يامعشر الشباب السعودي ( لان اكثر من موقف صار لي خلاني اغسل يديني بصابون تايد وديتول وكلوركس بعد ) ليش صرتو كذا ؟ :cry: المهم هذا الرجال ... بعد يوم دق علي وقال اهلين اختي ماعليش بس حبيت اذكرك ان الضمان 6 شهور مو سنه قلت من انت ؟ لاني نسيت السالفه قالي انا موظف اكسترا قلت اوك خلاص يعطيك العافيه المهم بدى يدق ويزعج ازعااااااااااج لمين قلت له ياخي وش تبي فكني خلاص لاعاد تدق وتزعج فهمنا الضمان ست شهور وش تبي اكثر .. ولا ترى اعطي رقمك اخوي يتفاهم معك ( قال عفوا يااخت فلانه << قال اسمي ) وبدى يتكلم مسوي ذرب ومحترم ... على طول قفلت بوجهه وعطيت رقمه اخوي اخوي هزززززززئه .. وتحسبونه تاب ؟ والله انه رجع يتصل لدرجة اني مقدر اكتب شي لا ف البي بي ولا ف الواتس من كثر مايدق ورى بعض المهم عصبت كلمت الشررررررطه وليتني ماكلمت هههههههههههههههههههههههههههههههههههههههههههههههههه :razz: قلت للشرطي فيه واحد يزعجني موظف اكسترا وعلمته كل شي قال هاتي رقمه وتجاوب معي وهزئه وصار الموظف الي باكسترا مايدق بس صار الشرطي يزعجني ..:( لالالالالالا بصييييييييييييييح :cry: عطوني حل هههههههههههههههههههههههههه . قسم بالله جلست اضحك من قوة القهر :s5s: |
أنتي ما قابلتي شاب يمثل فعلاً الشباب السعودي المحترم ! ليه التعميم في كلامــك .. ؟ حاله أو حالتين فرديـة وتعممينها على الشباب .. ؟ وما شاء الله عليك يطلب منكِ الأسم والرقم وتعطينه كان كملتي جميلكِ وعطيتيـه وصف البيت بعد . أذا كان في التعاملات الرسمية والحكومية يوجد قرار من وزارة الداخلية يمنع كتابة أرقام النساء على معاملاتهم فكيف انتي تعطينه رقمكِ بكل سهولـة أذا صار لكِ موقف مثل هذا المفروض تعطينه رقم والدك او أخوك . الحل للعسكري وغيره من المزعجين أخوانــك وبس :rose: |
هههههههههههههههههههههههه لا حول ولا قوة الا بالله وش هالحاله !! الله يعينك احسن حل كلمي الهيئه وقوليلهم عالشرطي يتفاهم معاه وبيهزءه لكن اذا رجع يتصل حق الهيئه انا مالي شغل اقترحت حل بس ض1 هههههههههههههههه |
إقتباس:
بعدين ماتوصل تعطينهـ رقمكـ اصلاا لو كان رجل يمثل المجتمع السعودي مادخل هالوظيفهـ يشهد علي ربي انهـ يعني مو جحف لهذي الشغلهـ لكن اغلبهم شباب داجيين يبغون اي وظيفه اهم شيء راتب طيب لو رحتي لطبيب سعودي يعني بسوي معكـ كذآ!! |
ههههههههههههههههههههههههههههههههه موقفك يضحك :d ! بعدين ثآني مره مهمآ كآن الموقف لآ تسجلين رقمك لأي مكآن وتعطينه لأحد :yes: ! إلآ تسجيل تخص البنآت ! ( أقصد ألأمآكن زين الوظآيف والمدآرس ومن هيك ) ! والشي اللي بتسوينه الحين , حولي رقمك لرقم وآحد من أخوآنك فيه طريقه إنه إذآ أتصل رقم ومآتبين تردين عليه تضغطين عالزر الأحمر دآيركت يحوّله على الرقم اللي انتي تبينه يرد عليه ! فتره بس لحد مآيمل ! ولا لاتردين على رقمه أو إي رقم غريب :rose: ! اللي يبيك يعرف يرسل رساله ويقول انا فلان :rose: .. |
مفروض اخوك رايح له في اكسترا وشايف شغله معاه :d اعانك الله . |
إقتباس:
أعذرني اخوي فقد جانبك الصواب وأنت مجحف بحكمك ما علاقة المجتمـع السعودي بوظيفة " الكاشير " .. ؟ وعلى أي أساس تحكم أنهم داجيين ..؟ ترى بعضهم طلاب وجامعيين ونرى في اكسترا وغيرها من المحال والمطاعم يعملون بدوام جزئي هل تعتقد من الفضاوة .. ؟ انا اعرف ناس يعملون بهذه المهنة المحترمه والشريفة وهم في قمة الادب والاخلاق وما جعلهم يعملون في هذه الوظيفة الا ندرت الوظائف لدينا ولان لا يوجد لديهم واسطة للحصول على أفضــــل من هذة الوظيفة المهم ان يعتمد الشخص على نفسه ولا يكون عاله على اهلة شخص تجاوز الـ 25 من عمرة ويأخذ مصروف من والدة الا يشعر بالخجـــل .. ؟ :rose: |
معليش اللي ردوا كلن قايم عالبنت وليه تحطين الرقم ومدري ايش ، ياخي البنت بموقع تجاري وتبي تستفيد من ضمان وطلب منها الاسم والرقم شيء طبيعي كل بنت بتكتبه ! فهامه بعد ماعرفتوا وش صار لها قام كل واحد ينقد !! قايله انها حاطه كل شيء وبكل براءه وش عرفها كل ذا بيصير ؟؟ ومثل ماقال هلالي للابد المفروض ماتعممين على حاله او حالتين او عشر ،، عندنا رجال امن والحمدلله ينشد فيهم الظهر ، اذا رقمك موبايلي استفيدي من خدمه ( منع رقم مزعج ) مدري هالخدمه للحين او لا بس اذكرها من فتره ،، وتاكدي من الاتصالات اذا عندهم ،، والله يحفظك ويستر عليك |
التعميم لا يصح في مثل هذه المواقف يا هلاليه :d و مثل ما قال اخونا عبود الودعاني اغلب الشباب الي في هالوظايف يكونون مثل شآكلة الي في اكسترا اذكر مره انا و ولد عمي رايحين لمآك الي في ركآ طلبات السياره و قدامنا سياره فيها بنت توها طالعه من الجآمعه او وظيفتها جآيه تآخذ غدا المهم حنا وراه هي طلبت و حرك السواق للشباك الثآني و يوم جآ دورنا الي يآخذ الطلبات سعودي ، يقول لنا (يآهي مززه البنت الي تو يا عيآل !! ) المشكله يتكلم معنا كأننا اخويآه الي دآيم معه بالاسترآحه و انا مدري :D نآس قمة في الحقآره وصلوا مرآحل لدرجة ابليس يقول انا بريء منكم يا عيال اللذينه بس برضو لا يصح التعميم فيه الصالح و فيه الطالح لكن مثل حق اكسترا هذا يشوهون سمعة البقيه الين ما يصير الواحد ياخذ فكره ان كل حقين الكاشيرات السعوديين نفس شآكلته و هم منه و من شآكلته برآءه بس نصيحه اذا دق عليك مره ثآنيه ردي و انطلي الجوآل خليه يقول الو من هنا الين بكره ههههههههه و الله يستر عليك و على بنآتنا و على بنآت المسلمين اجمعين بالتوفيق |
الكاشيرآ بأكستر ما تجرى على الأتصال الا بعد ما راى شي ظن أنه يستطيع الوصل الى مبتغاه والشرطي أيضا قد يكون نفس الشي ...!؟ |
إقتباس:
وبعدين انا قد توظفت كاشير ايام الجامعه اربع سنوات والله والله ماعمري سويت هالحركات لأني ادخل المتجر واانا مقتنع بأن كل البنات حسبت خواتي واخاف عليهم مثل خواتي :naughty: |
لا موب كل الشباب كذا .. نسبة كبيرة لكن موب كلهم .. وبعدين اصلاً وش تتوقعين من واحد يشتغل بإكسترا ..؟! .. ومعليش هل ازعاجه لهالدرجة كبير ..؟! << ما عمري ازعجني احد لاني هيبة :yes: << يصير خير :d لا جد ، يعني حددي رقمه ، وسجلي مقطع صوت فاضي ، وخلي هالمقطع نغمه له .. وخلاص كل ما دق نغمته ساكته ، ما تدرين انه دق الا من المكالمات الفائتة بس .. أو في طريقة أوصخ s121s ، كل ما اتصل ردي وحطي الجوال على جنب s121ss121s هو بيهرج مع نفسه وبيطير رصيده ، وانتي ما جاتس شيء s121ss121s .. على العموم الله يفككم منهم ويهدي شبابنا ، بالتوفيق للجميع |
بالعكس والله فيه ناس محترمين لابعد درجه وترى التعميم لغة الجهلاء ومالك الا انك تسفهينه ولا تغيرين رقمك |
بسيطه يروح اخوك لفرع اكسترا , ويقابل الموظف ويلعن خامسه ويحطه بكرتون بدال مايدق عليه ويهدده وبالنسبه للشرطي اظن الهيئه ماتقصر |
- حسبي الله ونعم الوككيل عليهم :s5s::s5s:! تباً لهم جميعاً الشرطي والكاشير .. !! نصيحةة : خلي آخوك يروح يزوره ويعلمه كيف شغله s121s:smilie47::smilie47::smilie47::smilie47: حماككك الله ورعاككك .. :smilie47::smilie47: |
| الوقت المعتمد في المنتدى بتوقيت جرينتش +3.
الوقت الان » 06:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd