السلام عليكم ورحمة الله وبركاتهـ ..


الف مبروك المستوى الهلالي المشرف
الف مبروك روح الشباب الهلالي
الف مبروك سحق الاصفرين في اقل من اسبوع
الف مبروك بروز النجم [ سالم الدوسري ] ..
الف مبروك على اقالة السباك دول ..
الف مبروك على المقاتل المدرب الكوتش سامي ..
وياهي اسعد ايام اللي يدرب الهلال فيها بمساعدة مدرب الاولمبي




بعضكم قد يستغرب من اسمي

ايمانا رغم انه جاء الهلال و انتقل وماقدم شئ يشفع له
الا انه لاعب مستواه اكبر من السباك دول
وهاللاعب انا حبيته ولن اغير نكي مهما كان




الهلال سيحصل على بطولة كاس ولي العهد بـ :

1- روح الشباب الهلالية ..
2- تفعيل قوة الاطراف الهلالية [ خصوصا اطرف الاتفاق كلهم شباب ماعندهم خبرة ]
3- ايقاف الخطورة الاتفاقية [ حمد الحمد , يحيى الشهري ] متى ماتم تعطيل هذول الاثنين الاتفاق سيصبح فريق عادي اقل من عادي وسيصبح جميع لاعبيه في داخل منطقة الـ 18 ..
4- الاصرار على تحقيق البطولة وخصوصا انها من ولي عهد جديد بعد وفاة الامير سلطان رحمة الله عليه .. نبيها تكون كأسين ولي عهد من ولي عهدان مختلفان في اقل من سنة .. اه يآعظمة الزعيم وكم اشتاق لرؤية هوساوي يستلم الكاس من يد الامير / نايف بن عبدالعزيز - اطال الله بعمره - ..
5- ايفان هاسيك سيصل للهلال غدا على ماعتقد او الاحد القادم .. اذا كان سيصل اليوم الاحد اتمنى انه يستلم زمام التدريب على طول ويلعب امام الفيصلي و القادسية بذلك سيتعرف على اللاعبين و على قوة الهلال و على مفاتيح اللعب وسيكون جاهز لاعداد العدة امام الاتفاق ..
6- اتمنى ان ولهامسون مايلعب النهائي خصوصا انه حصل مع الهلال على اكثر من 5 بطولات + اتمنى لعب سالم الدوسري اساسي لكي يكسب الثقة ويتعود على النهائيات وثقافة الكؤوس
7- انا متوقع بل على يقين ان استاد الملك فهد سيتملي عن بكرة ابيه و سارفع هذا الموضوع في يوم النهائي [ اذا كتب لنا ربي طولة العمر ] ..
8- سلطان البيشي انسانا معاناة الظهير الايمين وكأن لي يونق موجود لدرجة اني غير مهتم بالجهة اليمنى ابدا اتمنى يستمر على هذا المستوى ويطور نفسه ويطور انطلاقاته على الجناح .. مثلما اعطيت الفرصة لسلطان لماذا لاتعطى لشافي الدوسري ؟؟؟؟؟؟؟؟ فقد يبدع وينسينا ذلك المركز ..
9- اتمنى عدم ترفيع اللاعب المدافع عبدالله الدوسري و مدحه بسبب مستواه امام الاتحاد .. اللاعب لم يتعرض لاختبار حقيقي ابداً .. لذلك اتمنى له التوفيق وانا اشوف انه لاعب مبدع وله مستقبل ناجح الاهم ان يطور من نفسه
10- اللي يقول الكابتنية للشلهوب ولا هوساوي ولا الحارثي اتمنى مايكررون هالمواضيع ابدا .. الكابتنية مع هوساوي .. اتمنى انها تستمر مع هوساوي ولاداعي لزرع الحساسيات بين اللاعبين



اتمنى ان يدخل مدرب الهلال بالتشكيلة هذي ويجربها امام الفيصلي و القادسية :

العتيبي
سلمان الفرج - المرشدي - هوساوي - البيشي
الغنام - محمد القرني
محمد الشلهوب - سالم الدوسري - عزوز الدوسري
يو بيونق سو

واعطاء المحاور مهمة واحدة فقط وهي ايقاف وتعطيل [ حمد الحمد , يحيى الشهري ]

واضمن ان الاتفاق يتعطل نهائياً

وارجعوا لاخر مباراة للهلال و الاتفاق وشوفوا الاهداف من سجلها ومن صنعها ..

مع مساندة الشلهوب للفرج .. و عزوز لسلطان البيشي

سالم الدوسري اتمنى يكون لاعب حر في الوسط و توزيع كراته الجميله و لعب اكثر عدد ممكن من التمريرات ..



[ يو بيونق سو ]

لاعب مقاتل مزعج للدفاعات لدرجة ان قلوب الدفاع يحتارون من يتكفل برقابته هاللاعب تشوفه في كل مكان في الملعب .. والله العظيم اللاعب مظلوم خصوصا انه مايتكلم الانقليزية و ولايوجد له مترجم فصعب جداً ان يتعامل مع اللاعبين ويتكلم معهم وكلنا شوفنا الهدف الثاني امام الاتحاد من وين بدت الهجمة .. بدأت من منتصف الملعب ومن قدم الكوري يو بيونق .. مهاجم يرجع للمنتصف ويناول ويلعب باصات صح لعبه سريع مع لاعبين الوسط .. عكس العربي تمريراته بطيئة .. الكوري لعبه سريع باصاته سريعه تفكيره سريع وايضا اللاعب نفسه سريع .. لكن مايعاب عليه عدم التركيز امام المرمى و الاستعجال في انفراداته و الاستعجال في اتخاذ قراره النهائي و الله العظيم ان الاتحاد يتمناه و النصر يتمناه ولو توفر لهم راح يتعاقدون معه على طول هاللاعب خرافي .. يكفي انه هداف الدوري الكوري في فريق مغمور ..



[ هرماش ]

بالامس ادى مباراة رائعة جدا امام الجابون لكن للاسف خرج المنتخب العربي المغربي وكنا نتمنى استمرار المنتخب حتى النهائي لكن نقول هاردلك .. في المباريات الاخيرة صراحة نسيت هرماش بسبب لاعبين المحور الشباب القرني الفرج الغنام .. والمشكلة ان هرماش مبدع جدا لكن اتمنى بيعه وجلب مدافع صلب قوي جداً + محور محلي ..



اتمنى بيع العربي رغم اني اجزم بل اؤكد ان الهلال لايناسبه اللعب بمهاجمين وسبق ان قلتها لكن اخوانا الجماهير اصروا واكبر دليل شوفوا اخر مباريات للهلال كلها يلعب بمهاجم واحد ويفوز وبمستوى .. بختصار قوة الهلال في وسطة



على العموم اتمنى التوفيق للهلال و حصد بطولة كاس ولي العهد

وتصدر دوري زين

ومنها للافضل يالزعيم