بسم الله الرحمن الرحيم


أفادنا المهندس : سلمان النمشان ، مدير استاد الملك فهد الدولي وعضو لجنة الاستادات والأمن في الإتحاد الدولي بعد أن إستفسرنا منه عن تقسيم المدرجات في مباراة الجمعه القادمه في دور الأربعه من كأس ولي العهد بين الهلال والإتحاد بقوله : ليس هنالك تقسيم ولن يكون بناءاً على توجيهات سمو الرئيس العام لرعاية الشباب بعد إلغاء مقاعد الدرجه الممتازه .

المهندس سلمان أعلن ذلك عبر حسابه الرسمي في موقع التواصل الإجتماعي (تويتر)
salmannamshan@

دمتم بخير

إقتباس الرسالة الأصلية كتبت بواسطة omoore لماذا تطبق الانظمة فقط اذا كانت المباراة للهلال وفي الرياض ويكون هناك عدم تقسيمـ للمدرجات !! اما في جدة ف يعطى الهلال فقط 20% من الواجهة !! بإذن الله الجمعة الواجهه كلـها للموج الأزرق .. فقط نتمنى الحضورالمبكر من الزعماء

كلامك صحيح
بالتوووووفيق للزعيم الهلالي

يعطيك ألف عافيه أخوي على الخبر ..

شيء غريب والمفروض هذا النظام اللي يطبقه المهند سلمان يطبقونه في كل الملاعب

الحين في جدة أي لقاء للهلال مع الأهلي او الإتحاد يقسمون 80% للناديين و20% للهلال

الله يعين هلالنا


بالتوفيـــق للزعيــم

يعطيك العافيه

ماني فاهمه على أي أساس بيكون تقسيم المدرجات

انتم من يحدد هل ستكون الواجهه هلاليه ام لا بحضوركم المبكر !!

إقتباس الرسالة الأصلية كتبت بواسطة MNM505 انتم من يحدد هل ستكون الواجهه هلاليه ام لا بحضوركم المبكر !!

مثل ما قال اخي الكريم تكفووووون بكره نبي الملعب فل الفل وانا بكره العصر موجود هناك تكفوووون نبيها فل

إقتباس الرسالة الأصلية كتبت بواسطة .هلالي مبتعث. اشوف العالم شآبين على سلمان النمشان هو قال انه لا يوجد شي اسمه تقسيم بالملعب يعني التقسيم راح يكون بيد جمهور الهلال اذا خطط لهالشي صح وحظر من بدري وتفرقوا بجميع انحاء الواجهه وقتها .. ماراح نشوف جماهير الاتحاد الا خلف المرمى

انا مؤيد كل حرف قلته يالغالي

يآ زعمـآآآآآآء تكفوووون انسوا النشمآن وخلو كلامه على جنب
الوآجهه نبيهـآآآآ فُل ومآنبي غيرهـآآآآآ تكفوووووووووووون لعيووون
الزعيم نبيهـآآآآآ فُل

اللي ماياااااااااكل بيده ماااااايشبع

الهمه يااااااازعماااااااااء

لا يازعماء لاتزعلووون تدرون ليه


لان الزعيم طرف فيها



بالرياض كلاسيكوو وبجده لااااا


الله يوفق الزعيم بس

اي احسن مانبيهم يتقاسمون معنا المدرجات ، لآنه في كل مباراة في ملعب جده سواء مع الاصفر الاتشادي او الطحلب مايعطوننا الا 20% تقريبا من المدرجات وهم اذا جو الرياض يقاسموننا فالمدرجات .
شكراً لك أخوي عالتوضيح ..

ي رب ي كريم
وفق الزعيم

مافهمنا قصده بكلامه ..

هل يقصد لن يتم تقسيم المدرجات بالنصف ..

أو لن يتم تقسيم المدرجات حسب الأنظمة 80/20

من هو النمشان حتى يتحكم .. أليست الأنظمة تخص الإتحاد السعودي اللي رئيسه الأمير نواف ..

أو سلمان النمشان صار وريث الإستاد وصاحبه