أتمنى يا جمهور الهلال تنصفوا الاعب القتالي المخلص (سلطان البيشي) والله هذا الاعب يعجبني حماسه العالي في المباريات وطوال وقت اللعب تلاقيه يحرث الملعب بمجهود كبير والتحامات قويه وبدون خشونه وتركيز عالي عكس خويه اللي في الجهه الثانيه.

بس للأسف الى الآن ماقد مر علي أي مقال يمدح هذا النجم المغمور ..

فيه لعيبه في كل الأنديه ترفعها الجماهير بدون سبب الا لأن الاعب وسيم ومسوي قصه ومكثر الجل على شعره وكأننا في دار عرض ازياء والسالفه استعراض جمال واناقه.

حتى صحافة الهلال كل صحفي له لعيبه خاصين يمدح فيهم بحكم علاقلات الصداقه الا البيشي نفسي الاقي صحفي واحد يعطيه حقه .

البيشي فنان ومحترم ومظلوم اعلاميا وجماهيرا.

بطللللللللللللللللللللللللللللللللللللللللللللللللل البيشي والله

قسمم بالله العظيم اني من يوم شفت العنوان وانا شاكـ ان سلطان
اي والله لاعب كبير ومميز ولو كان في نادي غير الهلال لفاوضوهـ وقدمو له ملايين لاجل استقطابهـ

ماخرب لعيبتنا الا المقالات اللي تنفخ باللاعب

انا اقول بالعكس كذا احسن

البيشي دفاعيآ ممتاز لكنه هجوميا صفر على الشمال..

صحيح ممكن الكل ما أنصفه لكن يبقى أننا ننتظر عودة محمد نامي..

إقتباس الرسالة الأصلية كتبت بواسطة مـٍلآمـح شمـآلـيّ ماخرب لعيبتنا الا المقالات اللي تنفخ باللاعب انا اقول بالعكس كذا احسن

ممتاز كلامك صح ..بس هذا في اللعيبه اللي واضح من طريقة لعبهم الاستعراض والدلع والرغبه في اثارة الجمهور بالتسحيب اما الاعب اللي تلاحظ انه مايحب اللف والدوران ومن ملامح وجه هادي وخجول هذا تلاقيه ما يتأثر بالمدح الا تأثير ايجابي حتى يكسب حب الجمهور على الدوام.

لاعب دفاعيا ممتاز اما هجومي يحتاج شووي

.

بالتووووووفيق لسلطان مع الزعيم

الله يوفقه بصراحة نجم نتمنى له التوفيق ويارب وفق الهلال للفوز في جميع مبارياته القادمة

إقتباس الرسالة الأصلية كتبت بواسطة العابد..أسطورة قادم البيشي دفاعيآ ممتاز لكنه هجوميا صفر على الشمال.. صحيح ممكن الكل ما أنصفه لكن يبقى أننا ننتظر عودة محمد نامي..

في وجود النفاثه ولهامسون مانبي البيشي يهاجم كثير الدفاع أهم و النجم السويدي لحاله يمرض طاقم دفاع كامل.

سلطان البيشي معروف للي يتابعون الفئات السنية للهلال وشفناه بدرجة الشباب والأولمبي لاعب مميز وله مستقبل كبير بإذن الله إذا حافظ على نفسه وطور مستواه اكثر وانضبط بالتمارين وبتعليمات المدربين

اللاعب صغير بالسن ودخل المبارايات بقوة وهو بدون خبرة يقدم مستوى طيب مع الخبرة راح يكون مستواه افضل وافضل

بالتوفيق للاعب سلطان البيشي

والله لآعب ممتآز ولمآ تشوفه بآلملعب تحس بأمآن..