هــــــذا النصـــــر وهذي خـــلاقينــــه ][ تيماوياتي ][ - نادي الهلال السعودي - شبكة الزعيم

عشقي تيماوي · #1 24/01/2012, 12:21 AM

عشقي تيماوي يعود اليكم من جديد

مدخل
نادي الهلال وديرتي الرس وامي .. ذولا الثلاثه ماعليهم ازايد

مقدمه
صحيح انكم تدرون بما لايدع للشك يقيناً اني خفيف عقل ولكن الشي اللي ماتعرفونه اني اعاني من انفصام شخصيه اختلف الاطباء في تشخيصها ولكنهم اتفقوا اني ماعندك احد

وموضوع اليوم عن فريق اسمه النصر ويتفق عليه انه ( ماعندك احد )

فلذلك لاترجون شي من موضوع من ملخص ومضمونه ماعندك احد هذاوالله اعلم >> على الختاميه حسيتك تقدم محاضره عن بر الوالدين

تيماوياتي :
** فاز الهلال على النصر

<< عنوان اخباري يدخل موسوعة جينيس باكثر الاخبار تكرار بالعقد الاخير من الالفية الجديدة

** قلت قبل كم يوم بتويتر ( يعلمكم انه مواكب التقنيه )

ان الهلال ان لعب زين مايفوز وان فاز مالعب زين يعني على قولى الاسطورة الخالده (جدتي ) ,, مايجتمع زين وصلاح ولكن بعد مباراة اليوم احب اقول لجدتي راحت عليك خخخ

** الهلال منذ قديم الازل ( متعوب على قديم الازل )

وهو يعاني من التحكيم ومتى ماحضر حكم مثل خوينا الخواجى اللي اليوم فاعتقد ان هزيمة الهلال تعتبر صعبه جدا ولهذا هم يرون ان ظلم الهلال طبيعي خلاف ظلم فرقهم لانه يحدث التوازن الطبيعي لكرة القدم

** محمد عيد وهو ينبرش على لاعب احس اني اشوف فلم نهاية العالم

** قالو ان الحارثي شؤم على الهلال لانه من يوم جاء والهلال مافاز فأبى الهلال ان لايكون افطاره الا عليهم ولسان حالهم يقول ( ليتنا من حجنا سالمين ) على طاري تعاقد الحارثي زي قولة حج وبع مسابيح يعني اقهر النصر وسد خانه

** عندما سجل الهلال ثلاثيه بـ 23 دقيقه فقط تذكرت ان النمسا سبق وسقطت بـ 16 دقيقه ايام الحرب العالميه فهانت مصيبتي >> صديقي النصراوي السياسي

** صديق اخر نصراوي يقول اثناء سير المباراه توقعي انها بتنتهي واااااجد مقابل لاشي

** تذكرون نكتة الحمار مايزال هو الوسيله التي يستخدمها الانسان للتنقل , وعلى غرارها النصر هو ذلك الحمار الذي يستخمه الهلالييون للتنقل بين البطولات

** عندما كان كأس ولي العهد يحمل مسماه وزير الدفاع ( سلطان ) كان الهلال يفوز بالدفاع عن بطولاته وعندما أصبحت تحمل مسمى وزير الداخليه ( نايف ) اصلح الهلال شؤونه الداخلية بنجاح للاستمرار بالدفاع عن البطولات

>> انت تعال بالسياسه ولاحد يعارضك لو كلامك غلط

** اذا كان المدرب سامي الجابر فهو فاز لاعبا واداريا ولاعجب ان يفوز مدربا

واذا كان المدرب هو مدرب الاولمبي فلاعجب ان يفوز على عقليات صغار السن تدريبهم من تخصصه

** فاز الهلال على النصر بالثلاثه بالدوري وبالثلاثه بالكاس وهذا طلاق بالثلاثه بين الهلال والنصر فعن اي منافسه يتحدثون .؟

** اسامه هوساوي يقول والله وناسه وحنا نشوف الكاميرا المعلقه >> خخخخ والله لاعبينا ماشافو خير ياناس

** اختفى النقاش حول من اكثر فوز بالمواجهات المباشره الهلال او النصر لان الهلال ابتعد كثيرا عن النصراويين , وبامكانك مراجعة موضوعي عباءة بني اسرائيل للاسهاب اكثر بالموضوع

** اعجبني عدنان حمد وهو يقول بمنتصف الشوط الاول ( يجب على مدرب النصر تغيير الدفاع والوسط والهجوم لكي يفوز ) >> ياخي قل يغير الفريق كامل ويجيب فريق ثاني وريحنا خخخ

برى السالفه :
** بعد حركة الفلاشات اللي صلحها الجمهور ببداية المباراه اتوقع كل اللي حضروا المباراه جولاتهم مقفله الحين >> الفضاوه تلعب دور خخخ

** دول مصطلح مرتبط بالمسكنات ( بنادول وفيفا دول ) وخوينا ( توماس دول ) الغاء عقده كان عباره عن مسكن مؤقت لــلالم اما حل المشكله الحقيقي باحضار مدرب كبير بمعنى الكلمه

** شاهد عيان يقول ان جمهور النصر بعد خروجهم من الملعب صابتهم الثعلبه ( اللي يجي فراغات بالشعر من كثر الهموم )

يالله لاتبلانا وخفف مصابهم خخخ

** على طاري بما اننا بعطله والحين وقت لعب البلوت ارجوا مراعاة اصدقائكم النصراويين يعني اذا صار اللعب حكم وربعت لاتقول اربعه هو يفهم مايحتاج شغل الدق خخخ

** انشغلوا هل ايمانا رفع اصبعه ام لا .؟ وانشغل جمهور الهلال برفع اسم الهلال وكما يقول الشاعر : على قدر اهل العزم تاتي العزائم

** ادري والله طولت عليكم ومثل ماقلت لكم ترى السالفه سواليف لاتمت للتحليل الرياضي بصله وكاتب هذه السطور علامة هذا الزمان بيخليكم تقرون الموضوع وبيروح يشوف اخبار بشار الاسد ( اللي هو مثل ربعنا النصر مالهم من اساميهم نصيب )

وارجو منكم الا تنسون اخوانكم من الدعاء بان ينصرهم على الطاغيه وان يرسل عليه جند من عنده

>> كبير يالدحمي حتى وانت فايز شايل هم الامه الاسلاميه

التويتر للمتطورين مثلي ايها الجمع الغفير على الرابط بالاسفل

http://twitter.com/#!/dhmeee

مخرج
بيضاء عروقي وازرق اللون دمي .. اللون الازرق فيه بالحيل زايد
>> وشاعر بعد

اية الله الدحمي

المملكة العربية السعودية _ الولايات المتحدة القصيمية_ الملحق

عجزت انسآآك · #2 24/01/2012, 12:27 AM

ههههههههههههههههههههههههههههههههههه
اشكرك على هالطرح الفكاهي والموضوع الاكثر من راااااائع
مساكين هالفقراويه

صانع الأمجاد · #3 24/01/2012, 12:38 AM

هههههههههههه مشگور على الشطحات مساگين الفقراوية تلقهـام ماتعشو هههههه

انكساري شموخ · #4 24/01/2012, 12:42 AM

يعطيك العافية على كل ما كتبت ..

اسلوب طريف .. نقاط تقصم ظهور الأخوان إلى 6319 قطعة ،، بس اني اعتب عليك في نقطة واحدة اللي شبهت النصر بشي مو حلو << ركز على الكلمة :P

في الاخير يعطيك الف عافية .. والف الف مبروك انك دخلت موسوعة جينيس

ألف مبروك على الفوز اليوم وان شاء الله نكملها اما ببطولتين او ثلاثة يعني اللي من الله حياه الله

وبالتوفيق للهلال في قادم الأيام

BASTED · #5 24/01/2012, 12:56 AM

اعجبني عدنان حمد وهو يقول بمنتصف الشوط الاول ( يجب على مدرب النصر تغيير الدفاع والوسط والهجوم لكي يفوز ) >> ياخي قل يغير الفريق كامل ويجيب فريق ثاني وريحنا خخخ

قالها مدربهم بالفم المليان وهو ابخص

& Ghost & · #6 24/01/2012, 12:54 AM

تسلم يمينك على الطرح الرائع

آلشـدآـدـي · #7 24/01/2012, 01:15 AM

يـ ع ـطيك الـ ع ـآفيه .. يايها المتطور

إقتباس


	** على طاري بما اننا بعطله والحين وقت لعب البلوت ارجوا مراعاة اصدقائكم النصراويين يعني اذا صار اللعب حكم وربعت لاتقول اربعه هو يفهم مايحتاج شغل الدق خخخ

خخخخخخخخخخخخخخخخخخخخخخخخخخخخخخخ

على طاري البلوت برب سوني

شطحه : يأخي المباراه مالها طعم عارف الهلال بيفوز كاني اشوف اعاده

هلاليه CRAZY · #8 24/01/2012, 01:30 AM

هههههههههههههههههههههههههه اعجبتني جدتك الاسطوره

الله يخليها لكم يارب
لبى انت وولاياتنا المتحده القصمنجيه

مهجدة جمهورالحالمي · #9 24/01/2012, 01:42 AM

ههههههههههههههههههههههههه

يعطيك العاافيه ي بطططل

وان ششاءالله نككمل السسحف لتتويج بالبطولة الجمعه اممام الاتحاد

ريسان الهلالي · #10 24/01/2012, 01:45 AM

لا تعيدها مره ثانيه يا بو دم خفيف
امزح موضوع حلوووووو وتغغير جو

حبري ازرق · #11 24/01/2012, 02:11 AM

إقتباس


	** تذكرون نكتة الحمار مايزال هو الوسيله التي يستخدمها الانسان للتنقل , وعلى غرارها النصر هو ذلك الحمار الذي يستخمه الهلالييون للتنقل بين البطولات

هههههههههههههههههههههههههههههههههههههههههههههههههههه

أم صـ ع ـفـق · #12 24/01/2012, 02:24 AM

إقتباس


	** محمد عيد وهو ينبرش على لاعب احس اني اشوف فلم نهاية العالم

يــآخي انت رهيييييب .. اهنيك على طرحك الفكاهي

إقتباس


	** تذكرون نكتة الحمار مايزال هو الوسيله التي يستخدمها الانسان للتنقل , وعلى غرارها النصر هو ذلك الحمار الذي يستخمه الهلالييون للتنقل بين البطولات

هذا شي مفروغ منه ..
يقولك ..
اذا كان الهلال حوت ..
والشباب ليث ..
والإتحاد نمر ..
والأهلي تمساح ..
فـ النصر أكيد حمااااار

إقتباس


	اية الله الدحمي المملكة العربية السعودية _ الولايات المتحدة القصيمية_ الملحق

إقتباس

هههههههههههههههههه
حسيتك شوي وتقول وكالة واس
او ناسا الفضائيه

Khalid Alainzi · #13 24/01/2012, 02:33 AM

هههههههههههه مشگور على الشطحات مساگين الفقراوية تلقهـام ماتعشو هههههه

هلاليه ودمها خفيف · #14 24/01/2012, 03:42 AM

هههههههههههههههههههههههههه يعطيك العااااااااااااااافيه

هيمو هـ م م311 · #15 24/01/2012, 03:57 AM

ههههههههههههههههههههههههههههههههههههههه
موضوع أكثر من رااااااااااائع ويستحق القراءة أكثر من 4 مرات هع ....!!!!