نادي الهلال السعودي - شبكة الزعيم - الموقع الرسمي

مرحبا يا شباب ....
اول شئ اقول مبروك للجميع الفوز والمستوى الرائع ....وعقبال الكاس الي بيجي اذا استمر الهلال بتقديم مستواياته المعروفه عنه انشاء الله....
وبعدين انا قايل للشباب هنا ان الهلال بيفوز لآنه فريقي وانا عارفه...ياجماعه ترا هذا الفريق(الزعيم) ظاهرة كرويه لم و لن تتكرر في الكرة الاسيويه...لأنه دائما ما يظهر في الوقت المناسب ...يعني اذا اشتدت المنافسه و حمي الوطيس يظهر هذا الزعيم الازرق في احلى صورة مبهرا لخصومه قويا في ادائه ليضع النقط على الحروف ويقول ...لا زعيم الا الزعيم....

عموما انا لو باتكلم عن الزعيم كان ما كفتني صفحات هذا المنتدى كله....لكن انا ابغى اقول لكم سالفة تضحك و تبكي في نفس الوقت........
يعني احنا في كندا توقيت المباريات يكون الظهر ... يعني وقت الدوام... المهم ذاك اليوم استاذنت عشان اشوف مباراة الهلال / الاتحاد .... وما قصروا الجماعه يحسبون عندي شئ مهم......واجيك مشوت في هالثلج و المطر و الزلق عشان الحق اشوف المباراة وكلمني واحد من الشباب ( ابو فارس )....وقال ابشوف المباراة عندك قلت له خلاص الوعد البيت........وفعلا وصلنا البيت على بداية المباراة وقعدنا نشوفها بحماس.....اول ما جاء هدف الاتحاد قلت له... ترى الهلال فايز...طبعا هو معصب وبغى يفلقني بالبياله... وعلى نهاية الشوط .. الا و يطلع لك المذيع ويقول ( يمكنكم متابعة المباراة عبر القناة الثانية ).....لآ لآ لآ حرام عليك يابو الشباب ... تكفى خلها ولو شوي ...
طبعا القاة الثانية ما تطلع عندنا ... واصلا هذي الكلمة من الحاجات اللي ترفع الضغط حتى و حنا في السعودية لانها تفقد متعة مشاهدة المباراة و تصير رايح جاي من الاولى للثانية.... ويا قلب لا تحزن.

الي ابغى اوصل لة متى نشوف تلفزيوننا السعودي الحبيب يضع قناة رياضية خاصة ؟ تقوم بنقل جميع المباريات المحلية والدولية...اعتقد الموضوع ما هو صعب تنفيذةاذا لقي الدعم اللازم..... على الاقل احسن من الشحططة وراء القنوات الفضائة... وتشفير ... وغيرة

المهم بعد ما خلص الشوط الاول قلنا ما لنا الا المنتدى نتابع فيه المباراة عن طريق اخبار المباراة اول باول (يعطيكم العافية )...والله ما تصدقون كيف كنا مشدودين .... تقول ولا في الملعب...... ويوم جاء الهدف الثاني قمزنا من الفرحة ..وقلت لابو فارس ... ماقلت لك هذا الزعيم... وفلقتة بالبيالة .