|
متى الرحيل ياشبيه الريح ؟ بعد السلام ... من الاخر يابن مساعد ماقصررررت ... كفيت وفيت تاريخ حافل وانجازات بعهدك ,, محد ينكر انك صنعت من الهلال فريق عظيم يهابه الخصم .. قوه و هيبه و خمسات وارقام قياسيه ولي رادوي نيفيز لي يونج وربان السفينه قريتس يارباااه ايام ماحلاها ... كنا قبل الهدف الهلالي نقول كم لمسه وتمريره عشر او اكثر والحين .. ؟؟ مين يصدق بعد هالعز ترتيبنا الرابع :cry: للاسف ,, مدري مليت او الطوح قل ولا طفشوك او مثاليتك هي السبب ,,, سؤال جوابه عندك انت وحدك .. وش في نجومنا كلن شايل شنطته ؟ خل اللي راح مثل ياسر .. هوساوي مايبينا والفريدي حتى لو رجع الولد مايبينا ( نبي تقولنا عن الاسباب ,, ولا ياشبيه الريح لاتكابر .. الرحيل ) |
ضدك انا فما زال للمجد بقيه نريد ابن مساعد |
اول شي يعطيك العافية .. ثآني شي م كان له دآعي توجه الشي ذا لأميرنا شبية الريح لآن بجد افضل رئيس مر بتآريخ الهلال وللكرة السعودية...بعقليتة بذكائة بطريقة اسلوبة بكل شي وبجد بجد اتمنى اميرنا وحبيبنا شبيه الريح م يروح ولآيفككر بالرحيل وي ليت يحذف هالموضوع لآن اجابتة عند اللعيبه وعند نآس ثانين موب عند شبيه الريح ...وشبية الريح سوا كل شي عشان يسعدنا ولساته يسوي عشان يسعدنا مرتين وثلاث واربع الله يخليك لنا ي احب امير ي شبيه الريح |
يبدو ان هذا الموسم هو اخر موسم لعبدالرحمن بن مساعد التأهل لدوري الثمانيه في دوري أبطال اسيا قد يبقيه وعدم حصوله على ذلك يعني تأكيد رحيله طبعا هالمصصدر خااص عن نفسسي يابو فيصل ماقصررت وسويت اللي عليك العشم بللي جاي بعدك وأتمنى الامير بندر بن محمد محامي الهلال وخاطف النجوم |
يعطيكم العافيه ماختلفنا شبيه الريح ماقصرررر ابد بس مشكلته الوحيده , مايعرف يحتوي اللعيبه وكل شي من زود مثاليته يكشف للاعلام الصغير والكبير نجومنا لسى صغار بالعمر ,,يبون امثال الامير بندر بن محمد اللي يعرف يعزز ويرفع المعنويات ويحتوي المشاكل وشكراً |
والله عجيب واحد مشاركاته 6 ويطالب رئيسنا بالرحيل !!!!!!!!!!!!!!!!!!! |
ياخوي عندك عتاب خله بعد مباراتنا مع الفقراويه واتركنا من هالسوالف الي مافيها فايدة احترامي |
عليك تعرف انه الانضباط والاحتراف الحقيقي هو الذي طفشهم هم يبون احتراف مشي الحال ويبون عقود بقيمة الاعبين العالميين وهم ماقدمو لو نصف مستواهم لا مع النادي ولامع المنتخب عليك بدل المطالبه بالاستقالة تطالب وتشد على ايديهم صحيح ممكن نعاني في البدايه لكن مع الوقت نكسب نادي محترف بمعنى الكلمه وقتها عندما ناخذ اسيا ونلعب في كاس العالم وقتها نقدر ننافس عليه مو بس نشارك ونرجع لانه بيكون عندنا لاعبين محترفين وتبي الجد انا عادي اخسر شي مؤقتا في ظل مستقبل مبهر ومع هذا بحول الله مانخسر شي وبنفس الوقت نكسب فقط اتمنى من الاداره انها تاخذ مدرب كبير وتتعاقد معه لاربع سنوات ولاتسمح لاحد لتدخل في قرار اقالة بكذا نكون محترفين صح |
اقول للايكثر هرجك انت وياه انت ماتبي ابوفيصل الهلللال مايبك وانت وامثالك |
وانا اقولك يا كاتب الموضوع احلم على قدك |
ياشين الفقراويه لاتكللموا !!! .. ياحبيبي عبدالرحمن حقق مع الهلال منذ رئاسته 5 بطولاااات والحين ولارئيس مع اي نادي حقق الانجاز اللي حققه ابن مساعد .. .. ??? ججماهير غريبهه !! |
والله امنيتي كمشجع هلالــــي غيور ان يرحل الامير مع آخــر مباراه بالدوري... فعلآ الامير أثبت لي انو لا يعلم كيف يسير امور النادي بعد اقاله توماس دوول .... كالامس القريب كان يقول لن اكرر تجربه المدرب جورج ليكنـــز وكالديرون بمعنى انو لن يقيل المدرب بأي سبب كان في منتصف الموسم واما اليوم فتمت اقاله توماس دوول والكارثه العظمى اتى بمدرب لا أعرف من اي حلقه خضار اتى به.... سمو الاميـــر اقسم برب العزه والجلاله انني هلالي صميم وابكيت على ايام خسره الهلال ليس من امام الفرق القويه بل الفريق المتأخره لانني اعشق كل ما هو لون ازرق . لكن الآن اتمنــى ان آراك خارج النادي بنهايه الموسم وقد قمت اشياء جديده للنادي تعم فيها الفائده.. |
كلامك مهو منطقي .. :alzaeem: |
ياخوووي والله عيب اللي قاعد يصير الامير ما قصر هو اجتهد والتوفيق من عند رب العالمين اما انك تطالب الامير بالرحيل فصدقني مو من حقك .. لا تقول انا مشجع هلالي والهلال ملك للجميع .. الهلال ملك لمن يحبه ويخلص من اجله الامير عبدالرحمن اجتهد وكان موفق بشكل كبير لكن لظروف خارجه عن ارادته ونحن نعلمها جميعا ولا ينكرها الا مكابر او غبي لا يعلم ما يدور حوله لاعبين حوربوا من خارج النادي ووصل التهديد الى منازلهم كيف تريد منهم البقاء .. لجان صفراء فاقعة اللون تحارب بكل ما استطاعت من اجل اسقاط هذا الكيان الكبير الذي سبق زمانه وحطم القلوب قبل الارقام والسبب فقط لانه ناجح ولا سبيل لاسقاطه الا بهذه السلطة الظالمة ,,, يا اخي العزيز والله هناك امور داخل الوسط الرياضي لو علمت عنها لكرهت كرة القدم وكرهت من يشجعها بأختصار لدينا في المملكة العربية السعودية مافيا كرة قدم اتمنى منكم مساندة ابوفيصل وان نكون له عون حتى يتجاوز هذه الازمة وبأذن الله الامور سوف تكون على ما يرام... خالص تقديري واحترامي |
المندسين كثروا في هذا المنتدى |
شبيه الريح طبق الإحتراف الرياضي على أصوله واللاعب اللي مايبي الهلال الله يسهل دربه شبيه الريح مو مثل رؤساء الأنديه الأخرى أمثال الهزاع وطقتهم اللي يبون كل شئ على كيفهم ياتنتقل للنادي اللي أبيك تنتقله وإلا أنطق في الأرض وأحب أوضح ياصاحب الموضوع أن أفضل رئاسه مرت على الهلال هي رئاسة شبيه الريح وأكثر ميزانيه ضخت من أجل الزعيم هي في عصر شبيه الريح شبيه الريح اللي موعاجبكم أغلب الأنديه تتمنى إنه رئيسها وش تبيه يسوي يقضب هوساوي والفريدي بحلوقهم ويقول لا لمغادرة اللاعبين هذا عصر الإحتراف اللاعب موملك أحد ملك نفسه وراحة نفسه والزعيم ماتوقف على هوساوي والفريدي ولاراح يتوقف على أي لاعب الزعيم مصنع نجوم لاتكديس نجوم شوف الأنديه اللي تطبق الإحتراف الحقيقي خارجيا وشف المتخلفين عندك تجد أن أبو مساعد على حق في تصرفاته هذا إذا كنت هلالي حقيقي أما إن كنت محسوب على الهلال فهذا الشئ يمثلك وحدك ولايمثل عامة الزعماء أتمنى تقبل نقدي بصدر رحب وإختلاف الرأي لايفسد للود قضيه |
إقتباس:
+1000000 |
كثرت هالمـوآضيـع !!! :s2: |
ماشاء الله مسجل من ٢٠٠٩ وسبعة مشاركات هههه عسى ما كلفت على نفسك بس ما رح اناقشك بموضوع ابوفيصل لانه شي مفروغ منه |
## انت ككذا تظغـطط عليهةة .. خلو الخبز لخبازهـ |
ههههههههههههههههههههههه 7 مشآركاتَ وجاي يقول ارحل يإ إبو فيصل !!مشكله هـ إلمندسييييين !! |
ولله كثرو المندسين في منتدآنا حسبي لله و نعم الوكيل |
لا ننكر أن هناك تخبطات حصلت في هذا الموسم ولكن لآ تصل لأن نطالب برحيل أبو فيصل ,, الشخض قدم كل مآ يملك للزعيم ,, جعل الزعيم يرتدى به المثل أمآم الملأ نعم , نعآتب أذا اخطأ , نبدي وجهة النظر , ولكن لآ تصل لأن نطالب برحيله , فهذا جحد لمآ قدمه الهلال في قآدم الأيآم سيكون أجمل ممآ كآن بإذن الله |
ابوفيصل بقاءه بالفريق مربوط بوصول الفريق لدور 8 بدوري ابطال اسيا |
بصراحه انا استغرب من بعض لجماهير يعني عشان الفريق احتل الرابع كل هالضجه ياجماع الخير احنا مازلنا منافسين والظروف الي تمر على الهلال لو مرة على نادي ىتاني كان الوضع غير اما الاخ الي كاتب الموضوع وجالس يطالب ابوفيصل انه يرحل عليه يتذكر ان تقييم اي غمل ماهو مسئله مزاجيه وتخضع لمعايير مهمه الامير عبدالرحمن ماقصر في كل شي والتوفيق بيد المولى عزوجل اما اننا نقيم الرجل وبعض الجماهير يستخسر 20 ريال للملعب هذي مهزله وترى الي جالس قدام النت وتحت المكيف وفلوسه بجيبه غير الي وسط المعمعه وجالس يدفع دم قلبه اتمنى نرتفع بتفكيرنا شوي وعييييييييييييييييييييييييييييييييييييييييب |
المفروض ننظف المنتدى منك وكن اشكالك يا مندس مسجل من 2009و7 مشاركات بس هذا اكبر دليل وينك يوم عبدالرحمن بن مساعد يحصد البطولات |
بأذن الله أن شبيه الريح راح يجلس على قلبك أربع سناوين جديده:s2: |
كلام فااااااااااااااااااااااااضي لا يستحق المشاركه:s3s: |
انت اللي يبغى لك ترحل من المنتدى ابو فيصل مكانه هنا >>>> :smilie47: |
مع نفسسسسسسسسسسسسسسسسسسسسسسسك !!!!!!!!!!!!!!!!!!!!!!!!! |
اتمنى قبل تطلب ابن مساعد بالرحيل حنا نطالب ادارة الموقع برحيلك نهائياً مااباقي الا المندسين يحكون وحنا يالهلاليـــــــــــــــــــــــــــــن مانطلب الرحيل لابن مساعد عشان مباراة او مباراتين ابن مساعد تاج على روسنا |
|
| الوقت المعتمد في المنتدى بتوقيت جرينتش +3.
الوقت الان » 05:57 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd