أنت السبب ياابن مساعد

ولا الهلال قبلك بطل ومعك بطل وبعدك بطل بس تعرف وش الجديد !!

إن الهلال معك اكتمل , نعم اكتمل برئيس محترم , إذا تكلم اقنع وإذا نقد أوجع .
معك عرفنا معنى الاحتراف ماعملت لسنه واحدة أو حتى أربع سنوات عملت وبنيت للكيان يوم البعض عمل لنفسه ولأسمه وخلف لغيره ديون..
ليش ماتركت زراعة الملعب ومبنى الإدارة وفندق اللاعبين ليش ما حطيت فلوسها في لاعبين تزيد بها بطولة ومثل غيرك ما يهمه اللي بيجي بعده.
ليش ما أنت بدكتاتور ليه ما صرت المدرب والمدير ليش وزعت المهام ليش القرار بتصويت ليش معك صرنا نحلم باستاد الهلال ليش فعلاً معك ما نقارن الهلال إلا بالهلال ليش جبتلنا جيرتس وليش جبت أفضل الاعبين ليش ياصح في وقت الغلط ليش يامحترف مع مجموعة هواه , وان قلت لك انت السبب نعم انت السبب خليتنا مانقبل الخساره ولا حتى التعادل نبي كل البطولات كأننا نلعب مع انفسنا تدري ليش زعلنا منك وعليك نقدر الجهد إلي بذلته ونعرف المال إلي صرفته حنا معك مثل الطفل مع أبوه يطالبه بكل اللي يبيه و يزعل إذ ما حصل عليه بس ما يتخيل نفسه بلاه . يا ابن مساعد والله نعرف المؤامرات إلي تحاك ضدك وضد الهلال ونعرف إنها تطورت أساليبها ونعرف انها صارت أكثر خسة وأكثر حقارة وتوزعت الأدوار ونعرف المثل القائل إذا كان خصمك القاضي فمن تقاضي ولكن هذا قدرك يا فارس الهلال .

قصتنا معك يا فارس الهلال مثل قصت زميلي مجهار مع العامل البنقلاديشي وللي يبي يعرف زميلي في العمل الله يجزاه خير كان هو إلي يرتب لنا الفطور كل صباح وبصراحه كان فطور خمسه نجوم وكان يعطف على عامل عندنا ويشيله فطور في الثلاجة كل يوم والعامل تعود يمرالثلاجه ويأخذ الفطور وفي يوم جانا بعض الزملاء وافطروا معنا طبعاً زميلي ماقدر يخلي للعامل فطور والعامل راح الثلاجة مالقى شي جانا زعلان وفتح باب المكتب بقوه خلت مجهار من الروعه ينط على الطاولة قال بغضب : (( مززززهار وين فررررطور ليس مافيه فرطور ))
طبعاً حنا مع ابن مساعد تنسينا كل إلي سواه ومسكنا غلطت تعاقد المدرب إذا فعلاً كانت غلطه بس في نظري أن الغلطة الحقيقيه انه عودنا على شبه الكمال في كل عمل يقوم به أو قرار يتخذه والكمال لله وحده
ولو نظرنا لكل الاندية لعرفنا مامعنى ان يكون رئيس ناديك عبدالرحمن بن مساعد