|
(صانع اللعب) و(الاقزام السبعه) و(الاسيويه راح تجي) بسم الله الرحمن الرحيم الحمدلله والصلاة والسلام على رسول الله هاردلك لكل الزعماء وجعلها خيره لنا في قادم الايام بس نقطه مهمه الي يقول قدمنا مستوى حلو طيب ابي أسألكم بس ابي جواب صريح ومقنع هل الهلال في مباراة الاهلي زي الموسم الماضي والي قبله يعني هل أنتم راضين على مردود اللعيبه الموجودين خاصه لعيبة الوسط قصار القامه بس أستثني سالم الدوسري منهم لسبب أذكره تتالي عشان اكون واضح معكم هل يجب الاعتماد على( الشلهوب) و(عبدالعزيز) و(العابد) في قادم المشاركات خاصه الاسيويه الي راح يكون فيها نوعية لعيبه غير الموجودين في الدوري وهل هم قادرين على الاحتكاك مع الخصم ونحن نعرف البنيه الجسمانيه الي يمتلكونها زدعلى ذالك مستواهم السنه هذي متوسط وبعض الاحيان فوق المتوسط صحيح أنهم مهاريين ولاكن يلاحض على الثلاثي بعض الاحيان كثرة الكور المقطوعه الي تسبب ارتداد على مرمانا والمباريات السابقه هذ الموسم خير برهان على مااقول ونجي نقيم كل لاعب من الثلاثي على حدى محمد الشلهوب لاعب مهاري بدون ادنا شك ولاكن هو اضعف الثلاثي في البنيه الجسمانيه زدعلى ذالك لايجيد الالتحام ابدا بسبب ماذكرت في الاعلى لاعب متحرك يوزع اللعب بشكل جميل صناعة اللعب يعتبر الافضل بين الثلاثي ولاكن ليس كسابق بالمسطره والقلم افضل من يجيد التسديد في الكور الثابته عبد العزيز الدوسري لاعب مهاري ولياقه عاليه اكيد ولاكن يعاب على الاعب الاحتفاض بالكره زدعلى ذالك لايجيد صناعة اللعب اي اقل الثلاثي في هذه الميزه يجيد التغطيه ولايجيد الالتحام مع الخصم بشكل المطلوب افضل من يجيد الختراق من العمق ولون تو افضل من يجيد التسديد في الكور المتحركه نواف العابد لاعب مهاري والاعب سريع طبعا ولاكن يعاب عليه قصر القامه والنرفزه المبالغ فيها يجيد التغطيه بشكل جيد في الالتحام افضل الثلاثي ولاكن ليس بشكل المطلوب والسبب قصر القامه افضل من يلعب على الطرف الايسر ويعاب عليه الاحتفاظ بالكره احيانا لايجيد صناعة اللعب بشكل المطلوب يجيد التصويب بالكور الثابته والمتحركه طبعا كثير يقولون وين (احمد الفريدي)من الثلاثي طبعا( احمد الفريدي) مستواه نازل كثير ومدري وش السبب لاكن عسى المانع خير ومتى مارجع مستواه راح يكون اساسي اكيد لانه لاعب متكامل بنيه جسمانيه مطلوبه ولاكن (البرود) قتلك يااحمد ارجو ان يراجع حساباته ونشوفه متألق مع الزعيم سالم الدوسري انا قلت راح ارجع اتكلم عن الاعب يعني وش اقول عن هذا العب لاعب حماسي منقطع النظير ولاعب مهاري بدرجه كبيره وراح يعمل فارق في الفريق والاهم بنيته الجسمانيه جيده ويجب ان يعطى الفرصه حتى لو على حساب اللعيبه الكبار الي ذكرتهم لاعب فيه صفات عديده يعني يهاجم ويدافع بشكل ممتاز وصانع لعب جيد وسريع ويجد التصويب يعني ماخذ من الثلاثي الي ذكرتهم مميزاتهم الي ابي اقوله بالمختصر المفيد يجب احضار لاعب وسط اجنبي صانع لعب يعمل الفارق للفريق زي كماتشو في الاهلي ونيفيز في السابق المهاجم مهم لاكن من يصنع للمهاجم اهم ... الي ابي اقوله الاسيويه قربت ويجب ان نستعد لها بالعدة والعتاد والله يوفق زعيمنا في المشاركات القادمه ملاحضه/ الثلاثي الي ذكرتهم نجوم ولايعني اني اطالب بلاعب اجنبي تقليل منهم لا والله بل لكي يزدادون قوه ونكمل بعض النقص الموجود واكيد محد كامل الاوجه الله مع خالص حبي لكم يا نجوم الزعيم ودمتم زعماء |
ياخي الاداره ماقصرت جابو صانع لعب ممتاز بس الله مامكتب له توفيق معنا باذن الله مع عوده ويلي راح يتحسن مستوى الفريق |
صحيج الاداره ماقصرت ولاكن هل تعتقد ان اللعيبه الموجودين قادرين على صناعة اللعب للمهاجمين في المعترك الاسيوي صدقني الاسيويه مهرها غالي اذ ماستعدينالها بشكل المطلوب العواقب راح تكون الخروج في الدور الاول من المسابقه |
كلامك منطقي نوعا ما بس تفاريس دفاع مو صانع لعب؟ والا مو؟!!!! |
بالنسبه للألتحامات وقطع الكرات موجود عندك هرماااش محور صلب وواثق ومعاك أنا أن الفريدي ليس بمستواه وعليه مراجعة حساباته أما الثلاثي ألي ذكرت صدقني هم لاينقصهم شي أذا تواجد مدرب يوضفهم بالشكل الصحيح مشكور على الموضوع تقبل مروري |
يآبو فيصل مآيبي لهآ شئ بيع الاجآنب وخلي هرمآش + جلب مهآجم برآزيلي + صآنع لعب وأنصح بالتشيلي فرنآنديز + مدآفع آسيوي مكآن المرشدي في كل خآنة لآعب أجني وانتهى الموضوع ويآليت تبعدون عن الاروبي نبي لآتيني صرآحة إدآرة الهلآل هالسنة مدري وش حصل لهآ |
إقتباس:
اقصد نيفيزشكرا على الملاحضه جاري التعديل |
إقتباس:
ولاعب يشيل الفريق في الوسط صدقني الوسط ناقصه لاعب اجنبي من طراز نيفيز وكماتشو |
ودي أؤيدك بحكاية القوه الجسمانيه لكن لما اتذكر بنية شافي وأنيستا ( ملوك الوسط) أتراجع عن تأييدك أما سالم الدوسري فكل ماقلته عن هذا اللاعب صحيح نجم بمعنى الكلمه ولو اعطي الفرصه سيكون علامه فارقه في الأزرق تحياتي لكـ |
أخي العزيز يعلم محبي الهلال الواعين (وهم الاغلبية ولله الحمد) ان نوعية اللاعبين السعوديين في الهلال سيئة جدا رغم النفخ الاعلامي الضخم فلا يوجد هلالي عاقل يظن ان الهلال سينافس اسيويا في ظل وجود نامي او الزوري او الغنام او عبدالعزيز الدوسري و غيرهم !! فرغم ان الثلاثي المرح( نامي , الغنام , الزوري) يضرون بالهلال كثيرا لكنهم مستمرين في الهلال اما عبدالعزيز الدوسري و نواف العابد رغم انهم يملكون المهارة والحماس لكن البنية الجسمانية لا تساعدهم ابدا في الظهور في المبارايات القوية كما انهم لا يريدون بناء عضلاتهم بشكل قوي و الاهتمام بالجسم لان اللاعب السعودي في الهلال لا يتطور ولا يتغير ابدا ابدا ابدا !! فالزوري عام 2008م هو الزوري 2012م بينما نرى كريستيانو رونالدو يحرص على اجراء تدريبات مع احد العدائين الامريكيين لزيادة سرعته في الجري وتقوية عضلاته حتى يستطيع الانطلاق بقوة بينما اشباه اللاعبين لم ولن يتطوروا ابدا !! وكي لا أتهم بالبحث عن المستحيل شاهدو رادوي كيف انه تدرب على تنفيذ الاخطاء في الهلال بشكل متقن حتى اصبح يسجل الاهداف بقوة من خلال تدريبه المستمر بعكس اللاعب السعودي الذي لا يريد تطوير نفسه ابدا كما ان فاقد الشي لا يعطيه !! لكن لا احد يريد الاعتراف بذلك و يكرر ان كل لاعبي الهلال نجوم :d طالما كل لاعبي الهلال نجوم لماذا لم نحقق الاسيوية ؟؟؟ اختفى الاجانب فظهر الهلال وكأنه فريق ناشئين اما فريق اول !! |
ههههههههههههه م له دخل طول القامةة اكبر دليل برشلونةة .. نيستا تشافي ميسي ... وكل شي الا ابو بندر :smilie47: |
مع احترامي لبعض الاخوه الي يتكلمون عن البنيه الجسمانيه انظر لريال مدريد بنيه جسمانيه قويه ولكن يفشل امام من هم اضعف منهم بنيه برشلونه ليش ؟ ياشباب الكوره قبل لاتكون عضلات وقوه الكوره فكر ووسط الهلال كذا كويس بس يبيلهم وقت اصبروا وان شاء الله مع تغير المدرب ان شاء الله تتحسن الاوضاع وشكرااا لكم |
كلااامك سليم ٪ ومن زمان بعد ماراح نيفز والهلال بدون صانع لاعب ورادوي كمل الناقص والله قهر الهلال كم له ماحصل علئ المركز الرابع |
متى بنوقف النقد عن الاداره واللاعبين الهلال امامه مبااره مهمه الاثنين القادم مع النصر وانتم شغالين بالاداره واللاعبين، ياليت الي عنده نقد او استشاره يكون نهاية الدوري كل عضو ماسك لاعب وينقده ويطالب بتغييره، |
إقتباس:
في نستا وتشافي وميسي معليش مافيه مقارنه وأنا اتحداك كانهم مو أطول من شراحيلي انا مافهم كوره ياخي بنيت الاعب الاوربي قويه المقارنه تكون بالنطق |
| الوقت المعتمد في المنتدى بتوقيت جرينتش +3.
الوقت الان » 11:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd