اتكلم عن مباراة الامس مع الاهلي

رغم خسارتنا وتراجعنا الى المركز الرابع .. لكن بالمختصر .. اقول طز << متاثر بالقذافي


سالم الدوسري

صراحة اول مانزل اللاعب مباراتنا مع النصر اللي فزنا فيها بالثلاثه وسجل الهدف الثالث .. قلت بنفسي باين من خطواته انه لاعب عادي وصدفت قدامه انه جاب هدف

لكن بصراحة قدام الاهلي شفت شي ثاني !!!.. والله العظيم جلست اتذكر مباراة النصر ماتذكر انه سالم الدوسري بهذا الابداع رغم تسجيله هدف

بمباارة امس كان اللاعب يمرر ويجري يمين ويسار ... لاعب خفيف وحركته جدا سلسلة .. ينتقل من اليمين لليسار بسلاسلة وتحكم رائع بالكورة وهي بقدمه

اشوفه يجري من عند الخط .. ولمن يضغط عليه لاعب يغير اتجاهه بكل سهوله ويأكل خصمه .. هذا وهو صغير بالسن

سالم .. كانت لك بعض العيوب بالمباراة وانت قريب من منطقة الجزاء .. لكن صراحه ماتسوى شي خصوصا انك صغير بالسن وببداية حياتك الكروية .. وبحول الله تتخلص منها

استمر ياسالم .. بحول الله تكون نجم من نجوم الهلال .. والله بدايتك جميله وانا صراحه لمن شفتك اساسي حسيت بنفسي انك نقطة ضعف .. بس بالعكس كنت نقطة قوة ومصدر لكثير من الهجمات والضغط الهلالي ..

الله يستر عليك من الاصابات والغرور بس ... الحمدالله على نعمة الشباب اللي نشوفها بهلالنا ..