تحياتي للجميع
انا معك دول سوف نندم اذا رحل
اخطاء لعيبه ومحارب من الاعلام لو كنت مكانه وش بتسوي
تحياتي لك

والله انك صادق ان رحل سوف نتحسف هو معه حق الاجانب ليس من اختياره الاعبين حتى الآن لم يمتزجوا

ياشيخ اي كويس الله يرحم والديك والله لو كويس كان فزت على التعاون يخترع وعنده لعيبه انا من يوم ماشفته وهو يلعب الفرج محور ايقنت انه مدرب كويس وراح ندم عليه وعلى فكره كان القرني والغنام في الاحتياط هذا فعلن مدرب كويس
باقي تقول انه احسن من جرتس وكوزمين الله يهديك بس

ادعي بسلامت الاعيبه بس ولا المدرب ماعندك احد

حبيبي كيف حالك اذا المدرب عاجبك انا اعزمك انت وكل مافي المنتدى اذا حصلت على بطولة هالسنة وفيه السباك مدربك اللي ماعرف يوظف اللعيبه المحليين فكيف بالاجانب الله يهديك بس هذا مقلب واكلناه
وملاحظ ماشاء الله هالسنة ننتقد التحكيم واجد شكلنا تأثرنا بالفقراوية وبالاهلي العام وغيره يوم كنا نجيبها بيميننا رغم الظلم التحكيمي ماكنا نهتم بالتحكيم ولكن يوم عجزنا صار التحكيم شماعة
واللي يقهرك أكثر مثالية الرئيس الزائدة اجل هذا وعده لنا بسنة مميزة جايب لنا سباك الله ياخذه ولا يرده
اخوي الصغير صديق لعبد العزيز الدوسري تخيل يحلف ويقسم انهم اذا نزلوا للملعب هو والشلهوب كل واحد يقول وين تبي تلعب انت تساند والا تلعب يمين والا ترجع تغطي تخيل
هذا مدرب بالله عليك وترى مشكلة الفريدي مع السباك دول فأي عقلية نشوف فيها ان المدرب ممتاز
بجيب لك مثال بسيط باوزا لما جاء للنصر وبنفس العناصر طلع الاتحاد من بطولتين وقدر ينافسك في بطولة ولي العهد ونافس الشباب في كأس فيصل لعب بقدر امكانيات فريقه شف كيف وظفهم وهذا المدرب والله العظيم لو انه يدرب أي فريق غير الهلال اقسم بالله ان تلقى ترتيبه بين 11 وال14 لكن يحمد ربه ان عنده لعيبه شايله وحافظه اسم النادي وشكرا على طرحك للموضوع

آيوه سنندم عليه .. يآخوي بعيد عن الفرص والترآخي واللعيبه والحمآس اللي تقوله ويقوله أبو فيصل
للآسف المدرب مآعنده آسلوب تكتيكي يفرضه على اللعيبه ، المدرب ذآ للآسف مآعنده نهج وآضح
، المدرب مهوب فآرض على اللعيبه أسلوب يتبعونه دآخل الملعب مثل طيب الذكر جريتس اللي كآنو
اللعيبه كنهم بلستيشن يطقطقون بالفرق رآيح جآي..
هي بس مبآرتين قدم فيهآ كوره ممتآزه ، كلهآ قدآم الأهلي .. مدري وش معه على الأهلي
بآقي المبآريآت وقسم آنه يرفع الضغط هو واللعيبه

دول موب فألح الا بالعقوبآت ، اجل الفريدي اللي بعد ال4 الدور الأول يقوله انا بآعتمد عليك بشكل كبير
تخليه جنبك في مبآرآه مصيريه مع منآفس على الدوري

والله والدجه بالمدرب قسم بالله كآلديرون أصرف بمليون مره ع الأقل تحس فيه تكتيك
دآخل الملعب ، موب طقهآ والحقهآ

اتفق معك اخوي بس بلاش الا اذا مالها داعي صراحه


المدرب هذا نبر ون واتوقع يستمر سنوات


..

لا تخاف على الإدارة ماراح تفرط فيه بوسط الموسم وإنما في نهايته +شرط
توفر المدرب الأفضل

صار لاعب مو مدرب




















:)

رايحيييييين فيها رايحييييييييين فيها
مع المدرب ولا بدونو

اشوف الجماعه هابين مدح في المدرب
خير سلامات؟
وش سوى الشيخ دول عشان تستميتون بالدفاع عنه ؟!!
عزيزي الهلالي هل تعلم؟ ان السيد دول هو سبب خسارتنا امام الاهلي
مدرب حابس الكوري والفريدي ع دكة الاحتياط ويلعب بمهاجم واحد ومين؟ المحياني
نظام سجل واسجل ماشي ع البركه شاطر بس بالشخابيط طول وقت المباراة
واكبر دليل يوم جابوا فينا الهدف بعدها بدقيقتين نزل مهاجم ثاني ويوم ادرك انه ماعاد يمديه قام ونزل الحارثي اخر 3 دقايق
بالله عليكم يلعب بمهاجم واحد طول وقت المباراة واذا اتسجل فيه هدف راح ينزل المهاجم والمهاجمين والثلاثه هذا مدرب؟!!
يعني من واحد الى ثلاثه مره وحده
طيب ليش مانزلتهم من اول ياغبي؟!!
ياجماعه خافوا ..ربكم هذا مو مدرب هذا دمر الفريق وحنا نشوف بعييوننا

مدرب كل مباراة له تشكيله شكل هذا مو مدرب مع احترامي لك

اشرائيك بجريتس تشكيلته من بداية الموسم لنهايته وهي نفسها ما يغير الا وقت الحاجه للتغيير شفت كيف كان الفريق يضرب بالثلاثه والاربعه

اااااه بس يالقهر لما تشوف نادي كالهلال يدربه واحد زي دول

ما اقول الا الله يرزقنا كل مافيه خير يارب

كلامك في الصميم اخوي خاصه و ان الكوري مهضوم حقه مع هالمدرب وعيسا لاعب حق فزعات يعني لاعب حق اخر ربع ساعه هو والشلهوب