نادي الهلال السعودي - شبكة الزعيم - الموقع الرسمي - طيري مالك والبكا خل البكا لي .......... ما شكالي!!

طيري مالك والبكا خل البكا لي ........ كم شقا قلبي من محبوب غالي .......... ماشكالي

هذي اغنية قديمة مرة مرة :) شكلي عرفت من الي كاتبها اخيرا ، بعد لقاء احمد الحامد في ليلة خميس مع xxxxx اللي كل شهوده ناس اموات الله يرحمهم .

لاحظوا انه ممتحنا من سنة جدي بقصيدة كلمة ولو جبر خاطر ، ويوم تكشفت الامور ، طلع سارقها من فنان يمني مغنيها عام 1953 (لاحظ التاريخ!!) يعني قبل 48 سنة على الأقل!!
وطبعا هالفنان اليمني مايعرفه الا (علشان كذا خذ راحته :) ) ، واحمد الحامد بحكم تخصصه في مثل هالمواضيع (السرقات الفنية) . ولا تنسون يوم يكشف سرقة راشد الفارس للحن سيلين ديون اللي في تايتنك ، ويوم يفشلنا راشد الفارس بمحاولة تبريرة للموقف ، ان سيلين ديون هي اللي سرقت منه اللحن منه :) (فعلا العقل نعمة) .

ولاحظوا ان xxxxx برضوه كرر نفس التبرير وفشلنا بقوله ان الفنان اليمني هو اللي سرق القصيدة منه لأنها اعجبته ، لا ونزلها في ديوان من زين الطبايع .

سؤال يقرقع :) في خاطري : كم عمر xxxxx في ذلك الوقت؟؟ مع ملاحظة ان الفنان اليمني غنى القصيدة في 1953 ، يعني اكيد انه كاتبها قبل هالتاريخ :)

خلونا نفترض اسوأ الإحتماللات ان عمره الآن 60 سنة!!
هذا يواجهنا بتصور انه كتب كلمة ولو جبر خاطر يوم كان عمره 12 سنة !!!

اقول ....... مهوب عاقل الأخطل الصغير :) ، وتقدرون تلعبون بالحروف وتغيرون حرف الطاء الى الباء (ودي اكتبها بس خايف من المشرف يمسحها) :)

%%%%%%%%%%%%%%%%%%%%%%%

وش دخل هالموضوع بالكورة والرياضة؟؟

اللي دخل هالموضوع انه لاقي هالعالم اللي يضحك عليهم ويصدقونه في كل شيء ، حتى قصته مع فريد الأطرش وعبدالحليم حافظ (النصراويين المتعصبين على حد زعمه) :) والي كان احدهما يجامله دائما بلبس البنطلون الأزرق والتي شيرت الأصفر(برضوه على حد زعمه) :)

والآن يطالبنا ان نصدق انه كان على وفاق تام مع الأمير/فيصل بن فهد (الله يرحمه) ....... مع ان فيصل بن فهد (لله يرحمه) هو من اوقفه عن الكتابة الصحفية ، وهو من كانت له مواقفه الكثيرة لإيقاف (الأخطل الصغير :) ) عند حده كثير من الأحيان .

بجاحة مابعدها بجاحة!!!

%%%%%%%%%%%%%%

xxxxx وابو شنطة جنان :

فضحتونا وفشلتونا في محطة سعودية لها مستمعيها في كل مكان بالعالم العربي ، والمشكلة ان البرنامج كان على الهوا ، والمشكلة الأكبر انه برنامج جماهيري!!

واحد يقول : معطينك اكبر من حجمك .
والثاني يرد عليه : فيه ناس كثير ماخذين اكبر من حجمهم .

الله يخلف عليكم ثنينكم بس ، واللي قاهرني ان كل ماطق عود بحصاة قال لا فض فوه : الإختلاف في وجهات النظر لايفسد للود قضية !!
ياشيخ طير :)

%%%%%%%%%%%%%%

خالد بن طلال :

ماقدر اقول اكثر من : لله درك وكثر الله من امثالك يا شيخ .

%%%%%%%%%%%%%%

مسلسل (ماريا مرسيدس الهريفي) المكسيكي :

* طبعا لاحظ xxxxx تزايد الوعي عند بعض الجمهور النصراوي (البائس) ، ((((واللي يسميهم دائما (المندسين) كإعتراف صريح منه ان الجمهور النصراوي (الكويسين بالنسبة له :) ) لا يمكن ان يزداد الوعي بينهم او ينتشر فايروس التفكير لديهم))) ، ولاحظ انهم بدأوا يتسائلون عن سر اختفاء اكثر من موهبة نصراوية شابة (بالنسبة لهم طبعا :) ) فحب يوريهم ان الخطأ ليس خطأه ، وانما خطأ اللعيبة انفسهم . ويقال (والعهدة على الراوي) انه ارسل من له تأثير على الهريفي لإقناعه بالإعتراف على الهواء مباشرة بخطأ لم يرتكبه !!

والمتابع للقاء يكاد يجزم بالمرارة والإمتعاض الواضح جدا في صوت الهريفي من خلال ترديده لعبارات التمجيد بلكنه تكاد تشبه الإستهزاء اكثر من الجدية!!

* والمكافأة كانت الإعفاء من كتابة التعهد والإعتذار اللي كان محور القضية لمدة قاربت الأربع سنوات ، كان الهريفي احوج فيها للعودة الى النصر ، كما كان النصر احوج فيها لخدمات الهريفي . وفجأة ......... يتم استبعاد هالشرطين!! طيب ليه الآن ، والآن بالذات؟؟ هالسؤال اجابته عند الهريفي .

* هل بقي بالعمر(كلاعب) كثر مامضى ليقوم الهريفي بالتوسل والإستجداء (ومن غير نفس بعد) من شخص اعلن كم مرة انه لا يحترمه ، وتبادل واياه الإتهامات في كل فرصة تحين لأحدهما ............ بل ان الأمور وصلت الى اتهامه للهريفي بأنه انتشله (من حفر بيشة) ؟؟

واسمحوا لي اوقف عند هالنقطة (حفر بيشة) والتي اجزم بأن أغلبية الموجودين هنا لا يعرفون ماالمقصود بها ، واقسم بالله اني لم اعرف المعنى الحقيقي (الخفي) لها الا عندما شرحه لي احد (السرابيت) السابقين :) ، وإكراما مني للمنتدى وللموجودين فيه ، لن اقوم بشرح معناها الخفي . لأنه فعلا ......... قمة الإنحطاط والقذارة أعزكم الله!!

وعلى طاري القذارة ، ماريا مرسيدس كانت عيارتها في الحارة قبل تغتني على حسب المسلسل المكسيكي المشهور ..... كانت عيارتها (وجه القذارة) . كرموا ماريا مرسيدس بس :)

%%%%%%%%%%%%%%%%%%%%%%

آآآآآآسف على الإطالة ، تحياتي ،، ،، ،،<br><font size=1 color="#000080" face="tahoma">[عدلت بواسطة ادارة الموقع التاريخ:28-02-2001 الساعة: 04:21 AM]</font>