بندر بن محمد مهجد الخصوم ومريح النجوم يوم الخميس
 

يوم الخميس وما ادراك مايوم الخميس الوطن من شماله للجنوب من الشرقيه للغربيه وأهل الخليج قاعدين يعدون الساعات والدقايق علشان مباراتنا مع الاهلي ..مهما قلت ومهما كتبت ماراح اوصف لكم الوضع في جده الكل ماعنده كلام الا هذي المباراه الى درجة ان حتى الاتحاديين لأول مره يتفقوا مع الاهلاويين يعني بالعربي مسوين تحالف ((اخضر ،اصفر))ضد عملاق آسيا الــــــهــــــلال
الموضوع بالنسبه لهم ماهي مباراه وثلاث نقاط الموضوع عندهم معركه حربيه..بعد هذي المقدمه أتمنى من كل قلبي من الاداره الهلاليه الاستعانه بالخبير الكبير و((مهجد الفرق))سموالامير بندر بن محمد وجود هذا الرجل بالتحديد خاصه في هذي المباراه ضروري لأن كل الهلاليين لعيبه وجماهير يرتاحون لوجوده في الملعب علشان يخفف الضغط النفسي على الفريق وكمان الكابتن سامي لازم يشتغل على العامل النفسي لأن البعثه الهلاليه رح تلاحظ الحرب النفسيه من أول الوصول للمطار الى الفندق الى الملعب ..

أكيد اللي حضر مبارياتنا معهم في جده شاف اللي يصير بعد المباراه من جمهورهم سواء على باص الفريق او على جمهور الهلال وهذا كان في مباريات ماهي مهمه اجل كيف المباراه الجايه..

اكرر كلامي اللي كتبته في مقال سابق واقول والله الاهلي في احسن حالاته تلاقيهم يصابون بالرعب من الهلال بس نبغى اللعيبه يلعبون بروح وفي نفس الوقت الهدوء وعدم التسرع حتى لو جا فينا هدف ،،تتذكروا قبل حوالي خمس سنين في جده تقدموا علينا بهدفين وفي الشوط الثاني قلبناها عليم بثلاثه ..


اخير الجمهور اللي بيحضر لازم نحضر من بدري ولا تعتمد على وجود تذكره معك لازم نتقاسم معهم الدرجه الثانيه .

والله قلبي يقول رح نبارك لبعض بعد المباراه.

يعطيك العاافيه على الموضوع وان شاء الله

بالتوفيق للهلال امام الاهلي

كلامك صحيح مهو بس الاعبين اللي يرتحون لتواجده اعتقد حتى الجمهورانا عن نفسي ارتاح واهتم في كلامه لانه عاشق ومحب للكيان قبل يكون عضو شرف وهذا الشخص للأمانه اب لكل الهلاليين

موضوع في قمة الروعه اشكرك هم يبغون الهلال يسقط ودوم يتكلمون عي الهلال ويقلون الااهلي فايز فايز كانهم حطين النتجية في ايدهم مايعرفون شنو يصير داخل الملاعب الله يوفق الهلال يارب

جنون الزعامه...ستوب هلاليه توب...كلامكم غايه في الروعه...الله يوفق الهلال.

يــــــــــــــــــــــــــــــــــــــــــــــــا رب نفووووووووووووووووووووووووز ونقهرهم ونكسر عينهم

الامييير بندر بن محمد


عسى عمرك طويل



وباذن الله تكون مباراة الصداره للهلال

لاهنت وقواااك الله

الامييير بندر بن محمد

أشتقنا لشجاعتك و دفاعك عن الهلال

وياليت ترجع رئيس ( الفلوس ماهي كل شي ... صورة مع التحية لابن مساعد .. لتخفيف المجاملة و المثالية و الدفاع عن الكيان و لاعبية و حقوقة و تسكيت الاعلام )