بالامس كتبت موضوع عن ماحدث لي بخصوص تذاكر المباراه .. ولكن لم اكن متأكد

اليكم الرابط ..

http://vb.alhilal.com/t1073512.html


والان وبعد الاتصال بشركة صله .. تم التأكد انهم " لعبوا علينا " .. وهالموضوع يجب أن يصل للمجلس الهلالي ولكل مسؤول عن الجمهور الهلالي ..


المصيبه انه ماهو انا لحالي .. فيه كم شخص هلالي انضحك عليه ..

عند حجزك عن طريق النت .. تحدد ميولك .. " هلالي " ... وتتفاجئ ان التذكره مكتوب عليها بوابة A << بوابة الاهلي ..

وفيه قرار يمنعك اذا تذكرتك A .. تدخل B

وبالتالي .. اما انك تدخل مع الاهلي .. او لاتحضر المباراه ؟؟..


بالامس بعد ماشفت رد .. " توربيد " ... " هلالي جداوي " .. يأكدون انهم نفس تذكرتي .. اتطمنت



ولكن اليوم شفت تذاكر " Қβṙiα ђḝłαł "




مختلفه تماماً عن تذاكري انا وتوربيد وهلالي جداوي .. واتصلت بالشركه وتأكدت من الموضوع بنفسي ..

بوابة الهلال هي B وليست A .. << فساد


يعني يحاولون يقللون من الجماهير الهلاليه .. واذا ماقدروا ..وقدرنا نكشفهم .. يخلونك تطفش وتدق مشوار للملعب تغير التذكره .. << حرب

أن شاء الله جايكم للملعب وبغير التذكره .. مره ومرتين وثلاث .. وبحضر الملعب .. وبأزر الهلال .. والفوز حليفنا بأذن الله ..


السؤال المطروح .. كم هلالي واجه مثل الي واجهته انا وتوربيد وهلالي جداوي ؟؟!! وهل سينتبهون لذلك ؟؟

يسلمو ياخوووي

على الموضوع

والله مع الاتحاد السعودي توقع كل شي والهلال تحاك ضده المؤامرات من سنين لكن الزعيم ما زال شامخا ويقول يا جبل ما يهزك ريح

بالعربي ياناس افهموها هالسنه

ماراح ياخذ الهلال الدوري وليتها تجي على الدوري بس

اعتقد بتمر سنوات طويله ماشفنا ولا بطوله

الحرب شغاله حتى صارت من الخارج بعد

اللهم يكافي

إقتباس الرسالة الأصلية كتبت بواسطة (عـ الخـوي ـز) بالعربي ياناس افهموها هالسنه ماراح ياخذ الهلال الدوري وليتها تجي على الدوري بس اعتقد بتمر سنوات طويله ماشفنا ولا بطوله الحرب شغاله حتى صارت من الخارج بعد اللهم يكافي

اتمنى تخلي توقعك هذا لنفسك ومحد قالك توقع ولالا>>انت هلالي اشك في هلاليتك هع


الله لايوفقهم ان كاان هذي نوايااهم وبااذن ربي نشووف الاهلي اشبااح بالملعب تقووول بزران مايعرفوون العب اساساا>>من القهر خخخخخخخخخ


وان شاءالله الفوز من مصير الزعيــــــــــــــــم والصداره هلاليه بااذن ربي

والله مع الاتحاد السعودي توقع كل شي والهلال تحاك ضده المؤامرات من سنين لكن الزعيم ما زال شامخا ويقول يا جبل ما يهزك ريح كلام علاج ولكن كثر الدق يفك الحديد ..........

لا والله انا حددت هلالي و انطبع لي نفس التذاكر اللي بالصورة

اما اذا كنت بالدرجة الثانيه ادخل مدرج الاهلي عادي يمديك تروح للهلال ما في حواجز تمنعك

اما لو الدرجة الاولى الله يعينك ولا يوفق لهم اذا يبون الحرب ع الهلال

الله لا يوفقهم ون شاالله الفوز هلالي بعون الله

لو انا منكم
والله يالظروف اللي على الهلال تزيدني قوه واحضر من كل مكان من اجل الهلال
ولاتنسون تثقون بالهلال بعد الله فليس كالانديه الاخرى

صلة تلعب للنصر ,, ومعروفة ألاعيهم ,, لكن الله يفضهم ولا يوفقهم أن كان لهم مقاصد سيئة ,, وأتمنى الإدارة تنتبه له النقطة ,, ومشكور أخوي على الموضوع ,, وبالتوفيق

جماهير الهلال في جده داخله حرب ضروس مع الشركه المشغله للتذاكر الصفرا صلة تلاعب موطبيعي في التذاكر غير هذا اغلب اللي يدخلون الملعب مايكون معهم تذاكر وكل هذا مايحصل الا في جده وتتعمد تغيب الجمهور الهلالي من ملعب الامير عبدالله الفيصل بطريقه مستفزه

• مدري لمتى بتستمر هذي السخآفات
• لكن حتى لو دخلت من بوآبة الاهلي تقدر تروح لمدرجات الهلال
• ورد الزعيم بيكون فالملعب ان شاء الله

انا يوم الخميس رح اشتري التذكره في الظهر


دعواتكم يارب القى تذكره

شباب هذا رابط فيس بوك صفحتي العنوان اضحكوا علينا هذا لعيون جمهور الهلال لاني قريت الموضوع وتفاعلت وانشأت صفحة خاصة للموضوع هذا هذا الرابط ‫ط§ط¶طظƒظˆط§ ط¹ظ„ظٹظ†ط§ | Facebook‬