نادي الهلال السعودي - شبكة الزعيم - الموقع الرسمي - [يشهد الله] إهداء الأمير عبدالرحمن بن مساعد لـ الأمير عبدالعزيز بن فهد

يا خفافيش الأسامي المستعاره

ليل سود قلوبكم ضاع فْ نهاره

إن نزل للقاع فَ انتم وحْل رِجْلَهْ

مايعيب الغيث ياقاع انحداره

ساقيٍ من هو يواجه في طريقه

طيّبٍ كان او ردي مكْمل مساره

يشهدالله صدْق مايأتي في قولي

وكان اناكاذب فكيف اتوقّى ناره

تسعة اعوامٍ عليها فوق خمسه

وهو رفيقي وصاحبي وامشي جواره

بحر في التاريخ متمكّن في سرْده

وفي علوم الدين علْمَه به غزاره

مالقيته غير للمحتاج فزعه

وللمريض علاج ولربْعه مناره

ما لقيته غير بر لوالدينه

لْبِر فهد فْ ظهر ابو تركي إشاره

كم كفَل عبدالعزيز من اليتامى

كم فرَج من كرْب من غير استشاره

كم مسَح من دمع كم رد ابتسامه

كم أعاد لشيخ مغبونٍ وقاره

كم عتَق أرقاب كم ذلّل صعايب

كم رفَد معْسِر واقاله من عثاره

كم بذَل للدين من جهْد وعطايا

كم عطَت يمناه ما تجهل يساره

لَه علَي افضال ما ألحق جزاها

سرمدٍ غَرْسَه في عمري واخضراره

لَه خطايا ومَن بِنا ما له خطايا

وشوْف عيني طول سَجْدَتْه..اعتباره

يرتجي عفو الغفور لجَمّ ذنبه

ودمعِتَه تسبق عبارات اعتذاره

هذا علمي بَه وما شفْتَه بعيني

في رخا وشدّه وفي كسْب وخساره

يارفيقي ويا صديقي ويا بْن عمّي

يا كريم النفس يا عفّ العباره

أسألك بالّي نصر جدّك وعَزّه

واصطفاه بمُلْك عن حق وجداره

ومن حباه بْهيبه وتقوى واْمانه

و بْدَها وبْعفو..أسباب انتصاره

ومن حبا فهد بطباعة خير كتْبه

وخدمة البيتين تأمين وعَماره

إحبس امطارك عن القاع الخبيثه

واحرم الأنجاس من مس الطهاره

وكان كثْرَت في الظهَر شدّة طعو

صح لسانك يابو فيصل