قـــدم شـــكــــرك لـــلـــبـــارق
 

السلام عليكم ورحمة الله وبركاته

أن تكون مشرفاً على منتدى أمر قد يكون به من السهوله الشئ الكثير لكن أن تكوم مشرفاً على منتدى كمنتديات شبكة الزعيم فهذا أمر صعب وصعب جداً نظراً للكم الهائل ما شاء الله من الأعضاء والكم الهائل من المواضيع .. صحيح أن نصها في الوقت الحالي عن حرب سهل وطقته مع طقه البنات (( لا تفهموني غلط :( )) .. وهذا ما يواجه مشرفينا الأفاضل .. ومن ضمن هذا الطاقم الإشرافي مشرف منتدى المجلس العام البارق 2000 .. وبكل صراحة البارق ما شاء الله عليه ما يقصر وخدوم وحريص على المنتدى وله بعد الله الفضل الكبير في تطور هذه الشبكة .. بتقولون وشلون ؟؟ لأن خبركم بالبارق داج وما عنده ما عند جدتي الله .. بقولكم كملوا السالفه وتعرفون ..
السالفة <--- منتب عاقل يا عساس :D
قبل فتره تعلمت كم حركه للهكر ووش لون تخترق إيميل وتجيب الباسورود والخرابيط هذي والحمد لله عديت هالأمور بكل يسر وسهوله <--- مهيب تقرب لسهل :D (( يا مصلك أنجز علينا :( )) .. وقلت يا ولد ودنا بواحد نطقطق عليه ونشوف وش عنده ومنها نطبق الحركتين اللي باز بها (( يحلفون أنك ما تعرف تسوي تحرير لردك تبي تخترق أنت ووجهك :( )) .. المهم قلت يا ولد ما عندك إلا البارق خابره يدربي دميجته ولا يدري وين الله حاطه وقلت أبد هذا الولد ما عندك غيره .. المهم قلت أول خطوه إني أضيفه على الماسنجر وإلا أنا ما أبيه ولا أبلعه بس لزوم الشغل ;) .. والحمد لله تمت الخطوة الأولى بنجاح طلبت البارق وهو ماصدق خبر على طووول قبل الإضافه (( الظاهر ما معه بالماسنجر أحد أبد :D )) وقعدت أسولف معه وأنشده عن علومه ومن هالحتسي لين تأكدت أن ما حولك أحد وأنا أرسله ملف فيه باتش وهو حمل هالملف وعطل برامج الحماية اللي عنده وأنا اللي بديت أطقطق على جهازه وأقلب ملفاته وأشوف وش عنده و وش ماعنده .. أثر المسيكين محمل أنواع البرامج الخاصة بكشف الأخطاء الإملائية :smilewink من عقب ما يتاج وأخواتها والرجال مغير يدهر في هالبرامج ومع كذا ما نفع فيه إلى يومك وهو داااااااج :laugh: ولقيت ملف فيه الباسورود حق يوزره في المنتدى .. وأخذها وأدخل بيوزره للمنتدى طبعاً دقيت لطمه لياه يشوفني الإعصار وإلا حدى هالمشرفين .. أثر ما شاء الله منتديات الشبكة واجد منول أحسبها شويه :( .. وأول ما دخلت جتني هالعبارة اللي بصراحه أكتشفت بعدها ثقل البارق في المنتدى أنتم شوفوا الصورة وأحكموا :D
http://d1d.net/net/sada9/b1.jpg
بعد ما جتني هالعبارة قلت يا سمجك يالبارق حتى المنتدى ما أفتك منك ومن بثارتك :laugh: ..وأول ما دخلت غرفة الإدارة أستقبلتني بيالة شاهي تمشي ترليوووووون صفقت في وسط جبهتي وإلا حبي تيماوي يقول وراك تأخرت يالبارق:mad: !! ولا من زين الطبايع ما سويت القهوة والشاهي بعد :mad: !!! أنجز صلح قهوتنا وشاهينا لا يجيك البريق الحين :mad: .. قلت أفا وش الدعوة !!! قلت يا ولد ما ودي أظلم الرجال يمكن تصليح الشاهي والقهوة بالدور تمشي واليوم يوم البارق قلت عادي .. بس يوم دخلت المطبخ وأثره حوسه بيالات وفناجيل وترامس وأباريق وصحون متكومة كلها في المطبخ تبيلها تنظيف وأنا اللي أقول يا والله البلشه هالحين كل ذولي يبيلهن تغسيل :( .. وأنا اللي أصارخ وأقول لحبي تيماوي وهو جالس في الصالة أقوله الدور على من أمس هاه !!! ومن هاللي ما يستحي تارك هالمواعين وهالحوسه كلها في المطبخ ولا نظفها !! :mad: .. وما أمداني أكمل كلمتي إلا شاطفتني مركى تمشي ترليونات مهيب ترليووون ويقول حبي الله الله وش هالحتسي الجديد هاه !!! وش دوره ووش خرابيطه الظاهر أن بك وشه وإلا شئ !! ناسي يالداج أنك أنت القهوجي حقنا :bigeek: :bigeek: !!!
http://d1d.net/net/sada9/b2.jpg
<--- مسيكين يحسب الدعوة بالدور :( .. (( وأنا منول أقول البارق رزه وخرابيط أثره قهوجي في النهاية !!! )) ..

وشوي وديت الشاهي والقهوة لحبي إلا الإعصار جاي ومعه جرايد اليوم وينطلها في في الصاله ويقعد يتقهوى هو وحبي وشوي لين هلالي الجوف جاي ويكمل الجلسة معهم .. وهو يقول أبو عبدالرحيم يناديني يحسبني البارق وأنا اللي مطنشه ما دريت أن البارق أبو عبدالرحيم وهلالي الجوف ينادي وأنا ما حولك أحد إلا شوي طفاية صفقت في وسط وجهي (( بس الظلم شين ترى مدري لمن :smilewink )) يقول ما تسمع أنت ووجهك :mad: ؟؟ أخلص عل جب المعسل وولع الراس لا أولعبك الحين :bluesky: !! .. قلت طيب يا ابن الحلال .. يوم جبتله المعسل المحكور :cool: جلست عندهم أبي أقرأ الجرايد اللي جابهن الإعصار .. يوم قالي الإعصار وراك داق اللطمة أنت ووجهك وإلا خايس من ريحك يالمخنز :( قلت لا أبد ما فيه شئ بس مزكوم اليوم شوي ولا ودي تزيد الزكمة علي (( الله من زين التصريفه :( )) .. وما أمداني أقرأ عناوين الجرايد إلا أبو سليمان داخل علينا وهو اللي يجلس جمب حبي (( تعرفون شياب ويصلحون لبعض :cool: )) .. ويقولي قم يا البارق صلح لي قهوة قلت هذي الدله فيها قهوة قال حبي أنت فيك شئ اليوم !! هذي الدله هيل وأبو سليمان ما يبي الهيل قم صلح له مسمار يعدل راسه يالثور .. يا والله البلشه الحين البارق مزعجنا مشرف ومشرف وخرابيط وأخرتها قهوجي :uhoh: ..لا ومن زين الطبايع كاتب على جدار المطبخ أهم شئ الأخلاق :D .. شوي لين الشباب اللي في الصالة كل واحد رايح لمكتبه يبي يخلص الأوراق اللي عنده وأنا اللي أقول خل أستغلها فرصة وأروح أشيك على منتدى الإشراف والإدارة جتني هالصورة :( ..
http://d1d.net/net/sada9/b3.jpg
وتعرفون أني هكر قمت أحبرش يمين ويسار لين عرفت السبب .. أثر المشرفين لاعبين على البارق حاط له منتدى ديكور .. يخلونه يبربس على راحته وهم مغير يطيرونه .. مشكور يالقهوجي .. سكر زيادة قهوجي :D سكر زيادة قهوجي :D .. والمسيكين خاف بعمره ..
عقبها سويت تسجيل خروج وقلت يا ولد الستر زين مالها داعي الأعضاء ينصدمون .. عقبها قلت لا خل العالم تدري وتعرف أن البارق ما حولك أحد صدق مهوب كلام بس :D ..

بس رجاء خاص لا تنسون تدعون للبارق وتشكرونه لأنه هو السبب بعد الله في راحة مشرفينا ..

تقبلوا تحياتي ,.,

أكيد انك تمووووووووون عليه

والا كان كانت علووووووووووووووووووم ورياضيات وفيزياء

:eek:

إيه إيه أكيد تمون ;) :D

لووووووووووووول

انا مالي دخل ابد ..
بس دخلت ابقول شكرا ..
وهذا انا طالع :uhoh:
سلااااااااااااااااااام:cool:

ما فيه داعي للشكر يا شباب ..:)

كل اللي نسويه هو واجب وطني تجاهكم يا احلى أعضاء ..:)

وكان فيه أحد يستحق الشكر فهو أنتم يا اعضائنا الأعزاء ..

وشكرا لك يا اخوي صدى الأمس على هذه اللفتة الكريمة ..:)


<------ راد وهو ما قرأ إلا العنوان ..:D:D:D

حبي تيماوي : أدري ان الموضوع خاص فيني بس اذا فيه إمكانية نثبته :( <--- خايف من حبي تيماوي ..:D

<----- أيضا حتى الآن ما يدري وش الموضوع :D:D

أقول هين يا صدى من غير صوت أورييييييييييك :mad:


تحياتي لـ ( دجتك ) بس ...

وش رايك يا حبي تيماوي تحذف الموضوع ... :D :D

لان الصراحه الموضوع يخص البارق والبارق ما يستاهل إلا كل خير ...

وانا اشوف ان تحذف الموضوع قبل الفضيحه ...

اخوي صدى الامس سلامات وش فيك ...

تدورن وعندك واحد شااااااااااااااااي لحبي تيماوي ...

رجاء00لا أحد يتكلم على أبوي :D ---------------> مستصغر نفسي00,,:p

تحياتي اخوي 000صدى000على هيك صيدة00,,:D

وانتبة يالبارق تراك مراقب من كل الأعضاء00,,:eek: خلك حريص00,,,

ماشاء الله رقيتو البارق من مشرف الى قهوجى :rolleyes: والله الواسطه عنده :D
هههههههه اجل ابو سليمان مايبى الا مسمار :D فضحت الرجال طلع مقاول :D
الإعصار جاي ومعه جرايد اليوم وينطلها في الصاله
افا يذا العلم وانا احسب الاعصار شى مهم وطلع مراسل :D
لابالله رحنا فيها :D

:eek: :eek: :eek: :eek: :eek: :eek:

راجع الله لايعوق بشر !!;)

راجع ... مايتاج :D

كعععععععععععععععععععععععععععععععععععععععععععععععععع:D

ولو ياصدأ الأمس !!!:mad:

تلقط أخطاء إملائية على البارق مشيناها لك وقلنا وجهة نظر وحرية رأي !!

بس تتهم البارق بهالاتهامات وتدعي عليه لالالا :upset:

على العموم تم تحويل قضيتك لمجلس الأمن التابع للشبكة وتم اتخاذ القرار التالي ( ماهوب أزين له اللي بيستخدم الفيتو ) :D :

1- يتم توجيه رسالة من المنتدى عند دخول صدأ الأمس وهي كالتالي :

http://alghareeb77./b3%20copy.jpg

2- تحذير صدأ الأمس من كتابة أي موضوع وهو في حالته هذه وإعطاؤه مهلة للتخلص من آثار السموم التي دمرت الشباب والموجهة من أعداء الأمة علما أن المجلس اطلع على إثباتات تدين صدأ الأمس ومن بينها هذه الصورة :

http://www.thefunnypage.com/smoke/cigarette.jpg

:D :D :D :D :D :D :D

3- تفريغ البارق لحضور دورة صباحية في ( مهارات الإملاء ) :D ودورة مسائية في ( الحيطة والحرز من غشمان الهكرز ) :D

4- التحقيق مع هلالي الجوف بخصوص مصدر الطفاية والمعسل :D

تحياتي ولاأحد يزعل وخصوصا صديقي في الحروب السابقة ( صدأ الأمس ) وأحب أقول له ترا السياسة مافيها صديق دائم ولاعدو دائم :D

صدى الأمس ما هذا ؟؟!!

أو كل هذا في بارقنا و مشرفنا العزيز ؟؟!!

ثكلتك قطوة حارتكم بموتها !!!!!

أما ىن لك أن تعي ما كتبت و تحذفه !!!!

أقسم بالله العظيم الذي رفع السماء بلا عمد لن تحلم بالسلامة حتى نراها واقعاً في كمبيوتر البارق !!!

صدى الأمس خذ مني علم ياصلك و يتعداك و يسير على اللي وراك و يتقهوى عنده بعد ، لا عمرك تكلم في البارق ! فاهم ؟!




























































ردي عليك تلقاه في الرسايل الخاصة بس لا يشوفه البارق !!! و ودي بمويضيع زي ذا للغريب الله لا يهينك !

هلا والله بكم ..

saz...bat ..
الحق .. منيب أمون هاك الميانه اللي عليها الكلام ..
بس البارق كتاب مشقوق :D .. لكل الناس :D ..
والعلوم .. لا تذكر بعض الناس بس :smilewink ..
تحياتي لك ..

غروده ..
الظاهر كاني منيب غلطان أنك غروده منتب صدى الامس :mad: ..
<----- وش تبي أنت ووجهك :mad:
------> آسفين طال عمرتس :( ..
تحياتي لتس ..

ابو العلالي الهلالي .. عفواً ..

البارق .. هلا بك ..
هلا والله براعي السطووووووووووووح :D :D :D :D :D
أقول ما ودك تجي ترركب لنا دش توي شاريه :D :D :D :D
غصب عليك :blueroll:
<---- ماودك يخش جو صح :yes:
تعرف هو شايبنا ولازم نحترمه :yes: ..
تحياتي لك

هلا بك عــــ الهلالي ــارف ..
أبد توني مفطر فول ومعه لبن يالله من فضلك :no: ..
فيه شئ ما فهمته بردك أخوي عارف ؟؟؟!!!؟؟؟ حسيت أنك كاتب طلاسم مهوب كلام ..
وشي ذي تدورن !!!!!!!!!!!!!!!
الله يخلف عليك بس ... الحين ما أفتكينا من البارق تجينا أنت :sad: .. لا ومن زين الطبايع راعي خواطر بعد :sad: ..
الظاهر هالبلى مهوب منك من هالكاريكتير اللي تنزله كل يوم :smilewink ..
تحياتي لك ..

هلا برق الزعيم ..
هلا بك يالغالي ... وحنا ما سوينا إلا الواجب :yes:
<--- ياشين اللي ما عرف يرد بس :no: ..
تحياتي لك ..

هلا والله وغلا بالخديوي ابو الذهب :D ..
شفت الواسطات وش تسوي :cool: من مشرف أد الدنيا إلى قهوجي :cool: :D ..
أنت أكوس واحد ;) .. يازين اللي فهمها وهي طايره .. هذا اللي ودي أقوله من زمان :D
<---- عز الله راح اليوزر :cry:
تحياتي لك يالغالي ..


هلا والله بغريبووووف1 .. ما لنا غنى عنك ;) .. نحتريك ..

<---- كنه ما شاف رده :( ..

هلا حبي تيماوي ..
ما يمديك :dead: .. كان يشيلكم ابو فهد ويخلي البارق :D ..
ابو فهد من شروط العقد بينه وبينكم إستمرار البارق قهوجي الإدارة :dead: ..
الله يستر بس :( ..
ياما تحت اليوزرات دواهي .. وما خفي كان أعظم :yes: ..
تحياتي لك ..

هلا بالغانم .. يالله حي القطوع .. وين ما تنشاف :mad: ..
شرحك سرى :D
هذا الكلام اللي عليه السنع .. وهذا هو المطلوب .. وتصدق عاد لو يسونها الإدارة كان كاس ولي العهد والدوري مهيب طالعه من لعيبتـنا .. تعرف تأثير البارق النفسي على اللاعبين :D ..
تحياتي لك ..

هلا والله بعــــ الهلالي ــارف ..
أقول ما تلاحظ أنك قاط في الموضوع :mad:
<----- شانت الأخلاق :D ..

هلا بغريبوووف 2 .. يالله أنك تحيه ..
أنا خابر مدرس اللغة العربية يكون ذهين ومصحصح :D .. الظاهر اليوزر قدامك مكتوب صدى مهوب صدأ :mad: ما أقول إلا الله يخلف على الأجيال اللي تبي تطلع من عندك :D
شف يا غريب باشا .. كلامك على عيني وراسي لو أنك الغريب اللي أخبره مهوب الغريب التالي :sad: .. ذيك الساعه كلامك على العين والراس بس مادامك صفيت جمب البارق مالك لواء .. :mad:
الحمد لله الأدلة والبراهين قدامك .. اللي له عقل ويفهم يشوف ويعرف واللي مهوب عاجبه يشرب من البحر الميت :dead: ..

بالنسبة للقرار الأول قلت ياولد خل أشوف عندهم سنع وإلا لا ؟؟ وحاولت أسويه وجاني الرد هذا ..
http://anas11./b4.jpg
القرار الثاني :upset: .. يعني كذا ما يمديني أكتب ولا موضوع حتى ولا رد :mad:
لذا أطلب من مجلس الأمن الإعفاء من القرار الثاني وإلا تحملوا ما يجيكم :mad: ..

القرار الثالث أحسن قرار:yes: :yes: :yes: :D :D
الرابع الظلم شين :smilewink ..

تحياتي لك يالغريب .. وبعدين أحد يزعل من نبض الشارع الهلالي :D ..