|
الامير عبدالرحمن بن مساعد وبطاقات الشحن! السلام عليكم ورحمة الله وبركاته عندي رسالتين احب أقولها الرسالة الاولى: تخيل ياسمو الامير ان عندك جوال شحن (موبايلي طبعا) لو شحنت بعشرة آلاف ريال وكنت تكلم وباقي ريال والمكالمة هذي اهم مكالمه عندك بيخلص الريال وراح يقطعون الخط عليك وثانية وحده ماراح يزيدونك ولاراح يقدرون انك شحنت بعشرة آلاف ريال ؟!! هذا باختصار حال الجمهور الي ماله سالفة من شهر بالمنتدى الي أشبه مايعيرونك بأخطاء صارت ولاواحد من اللي ينتقد (بنقد غير بنا) فكر بالي قدمته وبالأخص قبل ماتتراس النادي بسنه والى الان؟ الرسالة الثانية: الجمهور الي طالب رئيس النادي بترك النادي او تغير المدرب او اي شي بالنادي! عجبي من جا رئيس النادي والأمور كلها تمام قياسا ب: الاتحاد السعودي موعاجب اغلب الجمهور من تحكيم وجدوله وحرب وووووو الى بكره وضع الأندية سيئ بشكل عام الاعلام سوا الضد لنا او الدخيل ماتدري وش يقول من قوه الهبل الي فيهم غير بربسه بعض اللاعبين مع الأسف ومع كل هذا لازم الأجواء هذي يطلع فوقها سوبر مان الهلال عبدالرحمن بن مساعد ويخلي النادي عشرة على عشرة اربع وعشرين ساعه ولايصير رئيس مش تمام! والي يضغط زيادة الي يقول جيبوا محترفين من البرازيل أرخص بكثير ويلعبون احسن؟ ويتهم هالاعبين الي ماشافهم عبدالرحمن ولا رئيس اي دوري خليجي وعربي سبحان الله؟ اتمنى كل واحد يقول هالكلام يسال اي وكيل اعمال هالسؤال متى يجي الاعب البرازيلي بالذات للدوري الخليجي؟ بعد ماينسى انه يلعب حتى في الدوري الياباني او انك تدبله السعر عشان يجيك او زي ماقالوا حبه في الكرتون يجي لاعب ويبرز ونفس الكلام على المدربين رئيس الهلال اخطأ؟ نعم بس الخطأ هذا إهمال او تعالي ع النادي او غبا لاسمح الله..... أكيد لا الرجل يجتهد ويصلح أخطأه قد مايقدر. وكلنا قد اخطينا بس الأكيد ماكنى نبي كل واحد يمسكنا من جهه على اخطأ كل البشر يمرون فيها أسف ع الاطاله بس والله إحنا بنعمه ان ما عندنا كل سنه رئيس ولا اعضاء فاضين لكل برنامج ملاطخ مع بعض او اعضاء الف باء كوره ما يعرفونها الحمدلله على نعمه الهلال الحمدلله على حالنا |
ابو فيصصصصصصل مقدر وضع الجمهور وحنا مقدرين مواقفه و عسى ربي يوفقه مع زعيمنا |
يعطيك العافيـه على الطرح وكلآم سليم لكن ماتوفقت ب اختيار اسم الموضوع المهم والله عبدالرحمن بن مساعد من افضل الرؤوساء اللي مروا على نآدي الهلالُ وأفضل رئيس نآدي بالدوري السعوديه متفرغ لشؤون نآديه يدفع ويدافع والأهم مبتعد عن الديون الله يخليــه للنآدي ويبعد عنه كل جاهل هلالي لايقدر اتعابه ووقوفه مع النآدي ودي |
الله لايهينك ولايهين الادارة والله مايعيبها الا شي واحد انها فقدت التواصل مع اعضاء الشرف اما غيرها فكثر الله خيرهم |
موضوع احمد الفريدي محك قوي لإدارة الهلال |
إقتباس:
أوفقك الرأي اللهم وفق الهلل فوق كل ارض وتحت كل سماء تقبلو ودي |
رئيس النآدي مآيقصر بس مآنشوف توآصل مع اعضاء الشرف ولا الاعبين السآبقين لجل يحفزون الآعبين الصغار عبدالرحمن بن مساعد في قلوبنا دمت بخير يآ فرحنـآآآ |
إقتباس:
بس في جمهور وللأسف مؤ قليل يجيك مطفي بمواضيع تقلل من كل شي بالادارة |
إقتباس:
وشاكر مرورك |
إقتباس:
أخالفك الرأي اخوي ممكن في تقصير ومن الطرفين بس ماو صلنا لفقد التواصل ولك عبره بالانديه الثانية |
الامير عبدالرجمن ماقصر بشي من اول ماجا لين اخير يوم لكن اتضح ان العيب في المعامله الراقيه وعدم التقصير مثلا اذا ضمن اللاعبين حقوقهم بشكل شهري تخادلو وافرطو في النعيم ومايشوفون غيرهم من اللاعبين الي انديتهم تتأخر عليهم بالاشهر بدون رواتب فيلعب بكل قوته عشان يحصل راتبه الي متأخر عليه لكن لعيبتنا تشبعو فلوس وفلوسهم في مخابيهم وين ماراح وراتبه كل شهر يجيه بدون تأخير هنا المشكله ماعندهم مسئوليه وكل من جا وتكبر ع النادي يجمع الي يبيه وتالي يقول بقريح النادي اقدر اطلع باي وقت ابي |
إقتباس:
اوافقك الرأي ... موضوع رائع لكن لم توفق باختيار اسم للموضوع ،،،، |
تناقض غريب في بعض جماهير الهلال او من يدعي انه هلالي البعض يطلع علينا لانريد دوري نبي اسياء وبلاش بطولات محليه ولمجرد تراجع بسيط عملو كل هذا كيف لو طلع الرئيس او النائب او سامي وقالو مانبي اي بطوله محليه نباخذ اسياء فقط والله يطلعون ويولعون الدنيا موالهلال الذي يترك البطولات عشان اخرى مو اخترافيه و و و اتمنى ياجماهير الهلال الركود ولاتنسون انه لسه الموسم طويل مو دوري فقط وبنفس الوقت تذكرو ان الاعبين بشر ولهم سنتين وهم يكرفون في ظل بطولات مضغوطه اضافه الا مباريات المنتخب اول والالمبي |
إقتباس:
|
لاتقعد تقولي اداره ماقصرت والكلام الفاضي الي صدعتو روسنا فيه. تمنن الجماهير بالاداره هاذي!!!... اي واحد يتمنى يخدم الهلال ويتشرف بخدمه النادي مو العكس. تحسسني انه بعد رحيل الاداره الحاليه النادي بيقفل؟؟؟؟ الاداره وعدتنا باسيا واخذت الفرصه اكثر من مره والنتيجه؟؟؟؟؟ اذا ماحققنا اسيا الموسم هذا...اتمنى تستقيل الاداره وتترك النادي وتلحقهم انت واشكالك من المطبلين لانكم فاهمين التشجيع غلط انتم جماهير اشخاص مو جماهير انديه. |
| الوقت المعتمد في المنتدى بتوقيت جرينتش +3.
الوقت الان » 10:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd