اهلا وسهلا اول مشاركه لي من 4 سنوات بسبب مشاغلي
سبب وجود الفريدي بالمدينه لحضور عقد قران اخته
ووصوله هذه الليله الى الرياض وسيحضر تمرين الغد
صدقووووني الفريدي دمه ازرق
ولو انه بينتقل كان صعبه يترك اخيه عبدالوهاب لاعب شباب الهلال
باااااي

خخخ عجبني رقم المتواجدين بالموضوع ....،

.

إقتباس الرسالة الأصلية كتبت بواسطة مجنون الكيان الازرق مساء الخير زمان عنكم وعن الشخمطة بالمنتدى .. لكن تبون الجد متابع وملاحظ كثير من الأعضاء اللي مدري وش جوهم .. هم يجتهدون في أخبارهم وألاّ يحبون يروجون للإشاعات .. ووووو أشياء كثيرة مايهمني الكلام فيها حالياً لكن لها علاقة بموضوع الكابتن أحمد الفريدي .. ندخل بصلب الموضوع .. الأخبار تقول أن الفريدي صار بينه وبين الحارثي مشكلة بغرفة الملابس بسبب ان الحارثي كان يضحك واللاعبين في حالة حزن من النتيجة !! <= يشك ان الجميع بحالة حزن بعد هالحادثة سافر الفريدي للمدينة وبلغ الإدارة انه مايبي يلعب للهلال هالموسم !! طيب ليه الإنبراش على الفريدي ؟ هو قال هالموسم ماقال ابي انتقال نهائي ! تتوقعون وش السبب ؟ منهو اللي رافع ضغطنا هالموسم ؟ منهو اللي استقعد له بكل مباراة يطلعه من بداية الشوط الثاني سواء كان في يومه أو لا ؟ أتوقع الأغلب بدى يفتح ويصحصح معي شوي .. طيب خلوني استرجع بكم الذاكرة الموسم الماضي تتذكرون الفريدي وش كان يقول قبل المباراة الأخيرة بالدوري كان يقول هدفنا اننا نحقق الدوري بدون هزيمة ! بذمتكم تهقون فيه لاعب بالهلال بنفس هالروح !! اللي أبي أوصله لكم ومن خلال فلسفتي ان المتسبب هو دول من كثر ماطفشه مثل ماطفش إيمانا والعربي اللي قال يبي يرجع للدوري الفرنسي وكاد يتسبب على المحياني لولا تدخل الإدارة وإجباره على إشراك المحياني والقائمة راح تطول اذا ماطس هالسباك ! اللي مافي رآسه أي تكتيك !! وانا اكتب الموضوع جالس اتابع برنامج وليد الفراج الا اتصل وكيل أعمال الفريدي فحبيت أنقل لكم ماقاله كان يقول انه اتصل على الأمير عبدالرحمن بن مساعد ومارد عليه وكلم خالد المغيربي وسأله أحمد حضر التمرين او لا !! هذا يعني أن الفريدي مايرد حتى على وكيل أعماله !! لكن يبي الإدارة تحس فيه بسبب هالسباك اللي ناودي يدمره بالنهاية أنا طرحت الموضوع لأنقل لكم وجهة نظري من اللي صاير وليس دفاع عن أحمد الفريدي لأن الكيان بالنسبة لي هو الأهم .. قفلة .. أعذروني على الموضوع السريع والغير مرتب تحياتي للجميع

مع احترامي لك اخي العزيز

ليس هناك مبرر لتغيب اللاعب وليس هو من يقرر ابعاد المدرب !!


ما عمله الفريدي يدل على أنه هناك تسيب وأتمنى ألا يمر مرور الكرام هذا الموضوع



بالنسبه لمداخلة وكيل أعماله سلطان البلوي يقول بالبدايه لديه ظروف اسريه وفي الأخير يقول هناك مشاكل بالنادي !!

ماذا نصدق الكلام الأول او الأخير؟؟؟؟

الدعوى ليست اختيارات استاذ سلطان ولسان جهال تمرر علينا معلومات مغلوطه!!


.

اعتقد البيان واضح
واللي مايبينا مانبيه
الفريدي هو بحاجة الهلال وليس الهلال بحاجته

والله الهلال مابيوقف على لاعب >> اقرب دليل عزيزوه .

وليش ما يستأذن زي الناس ؟؟

عارفين انه يتمرن بكره .. وبندر بن محمد حط خشمه بالموضوع .. لكن البلبله اللي حصلت ما تنبلع من لاعب محترف

يعني نكذب المركز الاعلامي ونصدقك ((مع احترامي لك ))

هـ الاعب انتهى
.
بعدين شدخل الـ محياني ..!!

اوووكي انا معاك انه صانع لاعب ويمين // بس كم عمره >> ذي مشكلة الاعب السعودي .

نتمنى وجوده في الهلال. صدقوني راح يبدع

لاعب ممتاز وصانع لعب جيد بس الاصابه اثرت عليه كثير

إقتباس الرسالة الأصلية كتبت بواسطة مجنووون ياسر 20 هـ الاعب انتهى . بعدين شدخل الـ محياني ..!!

آسف انا اخطيت في العنوان وحطيت ملاحظه بداية الموضوع