|
عـــاجل الفريدي يلين راسه وياخذ طياره الى الرياض السلام عليكم ورحمة الله بدون مقدمات قبل شوي ونا اتابع بالتويتر واقرا من ابولطيفه خبر رجوعه للهلال وانه بيجتمع بالأداره بكرة المصدر https://twitter.com/#!/AbuLatifa ابو لطيفه 80% من اخباره صح |
وجب طرد الفريدي فورا من النادي الزعيم أعلى منكم كلكم يا أشباه اللاعبين الفريدي أتمني تنفيذ طلبه واعارته الى نادي الانصار بالمدينة لأن بصراحة خلاص مهما كان عذره لن نتقبله نحن كجمهور الهلال اذا كان مشكلته مع سامي الجابر فليخرج ويوضح ذلك كما فعل يوسف الثنيان بكل أدب بأنتقاده لفهد المصيبيح واذا كان مشكلته مع دول فليخرج امام الاعلام كما فعل سامي الجابر عندما أنتقد أديموس واذا كان مشكلته ماديا فليخرج بتصريح يطالب بحقه المادي ولكن عندما يذكر برغبته بالأنتقال الى اي نادي ولا يرغب بأكمال الموسم مع الزعيم أقولها بالفم المليان لانريدك يامغرور والله لوتجيب لنا بطولة العالم لا نريدك أتمني طردك الليلة قبل بكرة أصحي يافريدي انت بالهلال يا بن مساعد أرجوك لا تسترخص الهلال للأشكال هذي خطاب شكر لهوساوي وفريدي ومع السلامة الزعيم يبقي زعيم |
الملهم أي نفخ الفريدي أفضل لاعب سعودي حالياً |
محامي الهلال والفريدي الأمير الذهبي بندر بن محمد أفضل رئيس مر على الهلال ينهي مشكلة الفريدي .. رسالة لجمهور الهلال : يا ليت نبعد عن الاخبار والمهاترات اللي تريد جرنا لمشاكل احنا في غنا عنها ..علينا فقط التشجيع والمؤازرة وعلى الادارة واللاعبين تحقيق طموحاتنا ك عشاق لهذا الصرح الأعظم .. ولنعرف جميعا أن ( الزمن ) وحده هو من يفضح ويعاقب جميع من استهتر بهذا الكيان ، سؤاء فريدي او غيره والشواهد كثيرة . شكرا لكم. |
الحين عرفت سبب تدهور مستوى الهلال اتوقع نص اللعبين طفشانين مو بس الفريدي هذي بداية النهاية يا جمهور الهلال هذا اول مسمار في نعش الكيان الهلالي << مع نفسك يالي قاعد توسوسلي ترا امزح بس الفريدي اتوقع انه زعلان لان المدرب كل مبارة يطلعه بنص المبارة |
صباح العسل اخوي فهد باين عليك داخل معصب او توك تلحق على الخبر \ نحن في زمن الأحتراف يالغالي فرضا الفريدي غاب وجلس يماطل في قوانين تحفظ لنادي حقوقه كاملة يعني مافيه شي بالغصب وعلى ماسمعت ان سبب المشكلة كلها المدرب للفريق واللاعب زعلان علة تصرفات المدرب السباك |
أحسنت يابطل قلت الي بخاطري |
اتفق معك اخوي يجب طرد الفريدي فما فعلة لايغتفر فهو تمادى ونسي حجمه الحقيقي |
الله لا يرده الله لا يرده الله لا يرده |
الجااسر قبل شوي ياكد الخبر على صدى الملاعب لكن اقووله راحو اللي اكبر منه وماراح يوقف الهلال لا علييه ولا على غييره ماادري صرااحه وش جااه !! |
الهلال غني برجاله وانت يا أحمد الخسران اذا كان الخبر صحيح ولن يتأثر الزعيم ابدا |
لا تصدقون كل ما يقال يحاولون تشتيت الاذهان بالتوفيق امام الاهلي |
صراحة هالموسم هناك الف علامة استفهام حول ادراة الامير عبدالرحمن بن مساعد الاوضاع الاداريه في إنحدار مخيف البيت الهلالي بداء يخترق من الداخل بعدما كان شي من الخيال معرفة ما يكون بداخل البيت الهلالي هذي نهاية الدلع ياادارة الهلال اتمنى تسريح الفريدي واقاله الطاقم الإداري كاملاً بنادي الهلال واولهم الامير عبدالرحمن بن مساعد . |
تتوقعون هذا سبب إبتعاد أحمد الفريدي !! مساء الخير زمان عنكم وعن الشخمطة بالمنتدى .. لكن تبون الجد متابع وملاحظ كثير من الأعضاء اللي مدري وش جوهم .. هم يجتهدون في أخبارهم وألاّ يحبون يروجون للإشاعات .. ووووو أشياء كثيرة مايهمني الكلام فيها حالياً لكن لها علاقة بموضوع الكابتن أحمد الفريدي .. ندخل بصلب الموضوع .. الأخبار تقول أن الفريدي صار بينه وبين الحارثي مشكلة بغرفة الملابس بسبب ان الحارثي كان يضحك واللاعبين في حالة حزن من النتيجة !! <= يشك ان الجميع بحالة حزن :d بعد هالحادثة سافر الفريدي للمدينة وبلغ الإدارة انه مايبي يلعب للهلال هالموسم !! طيب ليه الإنبراش على الفريدي ؟ هو قال هالموسم ماقال ابي انتقال نهائي ! تتوقعون وش السبب ؟ منهو اللي رافع ضغطنا هالموسم ؟ منهو اللي استقعد له بكل مباراة يطلعه من بداية الشوط الثاني سواء كان في يومه أو لا ؟ أتوقع الأغلب بدى يفتح ويصحصح معي شوي .. طيب خلوني استرجع بكم الذاكرة الموسم الماضي تتذكرون الفريدي وش كان يقول قبل المباراة الأخيرة بالدوري كان يقول هدفنا اننا نحقق الدوري بدون هزيمة ! بذمتكم تهقون فيه لاعب بالهلال بنفس هالروح !! اللي أبي أوصله لكم ومن خلال فلسفتي ان المتسبب هو دول من كثر ماطفشه مثل ماطفش إيمانا والعربي اللي قال يبي يرجع للدوري الفرنسي وكاد يتسبب على المحياني لولا تدخل الإدارة وإجباره على إشراك المحياني والقائمة راح تطول اذا ماطس هالسباك ! اللي مافي رآسه أي تكتيك !! وانا اكتب الموضوع جالس اتابع برنامج وليد الفراج الا اتصل وكيل أعمال الفريدي فحبيت أنقل لكم ماقاله كان يقول انه اتصل على الأمير عبدالرحمن بن مساعد ومارد عليه وكلم خالد المغيربي وسأله أحمد حضر التمرين او لا !! هذا يعني أن الفريدي مايرد حتى على وكيل أعماله !! لكن يبي الإدارة تحس فيه بسبب هالسباك اللي ناودي يدمره بالنهاية أنا طرحت الموضوع لأنقل لكم وجهة نظري من اللي صاير وليس دفاع عن أحمد الفريدي لأن الكيان بالنسبة لي هو الأهم .. قفلة .. أعذروني على الموضوع السريع والغير مرتب تحياتي للجميع |
بكره الاعب يتواجد بالتمرين وبالتوفيق له مع الزعيم،، |
| الوقت المعتمد في المنتدى بتوقيت جرينتش +3.
الوقت الان » 03:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd